Ёрдысьяс 16:2 - Коми Библия 2023

² Кор Газаын олысьяс тӧдмалісны Самсонлӧн локтӧм йылысь, найӧ кытшалісны карсӧ да виччысисны сылысь петӧмсӧ карса дзиръя дорын. Найӧ войбыд сулалісны сэні. Мӧвпалісны, мый шонді петтӧдз Самсонӧс виасны.

Ёрдысьяс 16:2 Iomraidhean Croise

Матвей 21:38

Писӧ аддзӧм бӧрын виноград быдтысьяс шуасны ӧта-мӧдныслы: ”Тайӧ мортыслы вуджас овмӧсыс. Мунам да виам сійӧс, медым овмӧсыс миянлы коляс”.

Матвей 27:1

Асывводзнас чукӧртчисны став аркирейыс юрнуӧдысьяскӧд. Найӧ сёрнитчисны да воисны ӧти кывйӧ: вины Исусӧс.

Лука 21:20

«Кор ті аддзанныд, мый Ерусалимсӧ кытшалӧма, тӧдӧй: матыстчис сійӧс бырӧдӧмыс.

Ап. уджъяс 23:15

Ӧні тіянлы веськӧдлан котыркӧд колӧ юӧртны сюрс тышкамортӧн веськӧдлысьлы, медым сійӧ аски вайӧдас Павелӧс тіян дінӧ. Шуӧй, мый ті кӧсъянныд бурджыка тӧдмавны, мыйысь сійӧс мыжалӧны. А ми вайӧдігас виам Павелӧс».

Ап. уджъяс 9:24

Тайӧ кывсис Савллы. Иудейяс лун и вой кыйӧдчисны карса дзиръя дорын, медым вины сійӧс.

Ёрдысьяс 15:18

Самсонлӧн ёна косьмис горшыс. Сійӧ шыасис Господь дінӧ: «Тэ сетін меным, аслад кесйӧглы, ыджыд вермӧм. А ӧні ме горш косьмӧмӧйла кула, вундыштчытӧмъяслӧн киӧ веськала».

Ёрдысьяс 16:3

Самсон войшӧрӧдзыс узис. Сэсся чеччис да муніс карса дзиръя дорӧ, нетшыштіс дзиръясӧ иганнас да куричнас, пуктіс пельпом вылас да нуис Хеврон карлы воча сулалысь керӧс вылӧ. [Сэтчӧ колис дзиръясӧ.]

Ӧксыяслӧн 1 небӧг 19:11

Саул ыстіс ассьыс кесйӧгъяссӧ Давид керкаӧ, медым кыйӧдны да вины сійӧс асъядорыс. Но Мелкола шуис Давид верӧсыслы: «Тавой кӧ он пышйы, асывнас тэнӧ виасны».

Ӧксыяслӧн 1 небӧг 23:26

Саул локтіс керӧс ӧтар сайсяньыс, а Давид аслас йӧзкӧд вӧлі керӧс мӧдар саяс. Давид зілис пышйыны Саулысь. Но Саул аслас йӧзкӧд уськӧдчис керӧс ӧтар и мӧдар боксяньыс, медым босьтны Давидӧс да сылысь йӧзсӧ.