Ёрдысьяс 15:6 - Коми Библия 2023

⁶ «Коді тайӧс вӧчис?» – юалісны филистимсаяс. Налы вочавидзисны: «Самсон, тимнаса мортлӧн зятьыс, сы вӧсна мый тимнаса морт сетіс Самсонлысь гӧтырсӧ кӧлысьвывса ёртыс сайӧ». Филистимсаяс мунісны Тимнаӧ да сотісны тайӧ аньсӧ да сылысь батьсӧ [керканас].

Ёрдысьяс 15:6 Iomraidhean Croise

Шусьӧгъяс 22:8

Ылӧгсӧ кӧдзысь вундас шог, пом воас сылӧн чорыд дзескӧдӧмлы. [Сьӧлӧмсяньыс сетысьӧс Енмыс радейтӧ, содтас сылы, мый оз судзсьы.]

1 Фессалоникаӧ 4:6

Эскысь мед оз вӧч лёксӧ мӧд эскысьлы, оз ылӧдлы сійӧс, ӧд Господь мыждас таысь. Та йылысь висьтавлім нин тіянлы да ӧлӧдлім тіянӧс.

Ёрдысьяс 12:1

Ефремсянь чужысьяс чукӧртчисны да локтісны Цафонӧ. Найӧ шуисны Еффайлы: «Мыйла тэ миянтӧг петін тышӧ аммонсаяслы паныд? Ми сотам тэнӧ да тэнсьыд керкатӧ».

Ёрдысьяс 14:15

Сизимӧд луннас найӧ шуисны Самсонлӧн гӧтырлы: «Кыскы верӧсыдлысь, мед восьтас нӧдкывсӧ. А он кӧ, ми сотам тэнӧ да батьыдлысь керкасӧ. Миянӧс куштыны кӧсъянныд, та вӧсна-ӧ коринныд миянӧс татчӧ?»

Ёрдысьяс 15:5

Факелъяссӧ ӧзтӧм бӧрын сійӧ лэдзаліс ручьяссӧ филистимсаяслӧн видз-муяс вылӧ. Тадзи сотіс налысь нянь кольтаяссӧ да вундытӧм няньсӧ, виноград йӧръяссӧ да олив пуяссӧ.

Ёрдысьяс 15:7

А Самсон шуис тайӧ филистимсаяслы: «Сыысь, мый ті тадзи вӧчинныд, ме ог лӧнь, кытчӧдз водзӧс ог перйы тіянлысь!»