Ёрдысьяс 15:14 - Коми Библия 2023

¹⁴ Кор Самсон воис Лехи карӧ, филистимсаяс горзӧмӧн паныдалісны сійӧс. Господьлӧн Лолыс лэччис Самсон вылӧ. Сэки кисӧ кӧрталӧм гезъясыс сотчӧм шабді моз гылалісны.

Ёрдысьяс 15:14 Iomraidhean Croise

Иов 20:5

лёк вӧчысьлӧн гажӧдчӧмыс дженьыд, Ентӧг олысьлӧн нимкодясьӧмыс здук мында?

Псалтыр 118:11

Аслам сьӧлӧмын ме видза Тэнсьыд кывтӧ, медым эг вӧч Тэныд паныд мыж.

Петӧм 14:3

Фараон [аслас войтырлы] шуас, мый Израиль пиян шӧйтӧны-ветлӧны овтӧминӧд, и туйсӧ оз аддзыны.

Петӧм 14:5

Египетса ӧксылы висьталісны, Израиль войтыр пӧ пышйис. Сэки фараон да сылӧн йӧзыс ыззисны вӧтӧдны израильсаясӧс. Найӧ шуисны: «Мый нӧ ми вӧчим? Мыйла нӧ лэдзим Израиль войтырӧс? Коді ӧні кутас уджавны миянлы?»

Микей 7:8

Менӧ мустӧмтысь, эн серав ме вылын! Ме усьӧма, но ме чечча. Ме ола пемыдын, но Господь – менам югыдыс.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.

Ёрдысьяс 14:6

Господьлӧн Лолыс лэччис Самсон вылӧ, и Самсон куш кинас косявліс левӧс кӧзапиӧс моз. Но тайӧ лоӧмтор йывсьыс бать-мамыслы эз висьтав.

Ёрдысьяс 15:13

Самсонлы вочавидзисны: «Ми огӧ виӧй тэнӧ, сӧмын кӧртавлам да сетам филистимсаяслы». Самсонӧс кӧртавлісны кык выль гезйӧн да петкӧдісны изкыртаысь.

Ёрдысьяс 15:9

Филистимса тышкайӧз петісны тышӧ, сувтісны Иуда муӧ да паськӧдчисны Лехи карӧдз.

Ёрдысьяс 16:12

Далида босьтіс выль гез, кӧрталіс Самсонӧс да шуис: «Самсон, филистимсаяс локтӧны!» Самсон сунисӧс моз орйӧдліс гезсӧ кисьыс. Та дырйи ӧти жырйын пукалісны филистимса кыйӧдчысьяс.

Ёрдысьяс 16:24

Самсон вылӧ видзӧдігӧн филистим войтыр ошкис ассьыс енсӧ. Найӧ шуалісны, миян енным пӧ сетіс миян киӧ вӧрӧгнымӧс, коді куштіс мунымӧс да миян пӧвстысь унаӧс виис.

Ёрдысьяс 16:9

Далидалӧн ӧти жырйын пукалісны филистимса кыйӧдчысьяс. Далида шуис: «Самсон, филистимсаяс локтӧны!» Самсон орйӧдліс гартӧм сӧнъяссӧ биӧн сотӧм шӧртӧс моз. Сылысь вынсӧ эз ло тӧдмалӧма.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Ёрдысьяс 5:30

«Гашкӧ, тышын шедӧдӧмасӧ юклӧ, быд тышкамортлы ӧти ли кык нылӧс сетӧ. Сисар босьтӧ аслыс уна рӧма паськӧм, серлӧдлӧмӧн кыӧм чышъян пӧрччӧдӧ пленӧ босьтӧмалысь».

Ӧксыяслӧн 1 небӧг 10:10

Вись ваян мыльк дорӧ воигӧн Саул да кесйӧгыс паныдасисны пророкъяскӧд. Сэки Енлӧн Лов лэччис Саул вылӧ, и сійӧ накӧд тшӧтш кутіс пророкавны.

Ӧксыяслӧн 1 небӧг 10:6

Господьлӧн Лолыс лэччас тэ вылӧ, и накӧд тшӧтш тэ кутан пророкавны да лоан мӧдпӧлӧс мортӧн.

Ӧксыяслӧн 1 небӧг 11:6

Тайӧс кылӧм бӧрын Енлӧн Лов лэччис Саул вылӧ, сы пытшкын кыптіс скӧрлун.

Ӧксыяслӧн 1 небӧг 17:35

сэки ме вӧтча сы бӧрся, уськӧдча да мырддя вомсьыс. А сійӧ кӧ уськӧдчӧ ме вылӧ, ме босьта сійӧс бурысьӧдыс, личка да виа.

Ӧксыяслӧн 1 небӧг 4:5

Кор Господьлысь Йитӧд кудсӧ вайисны тышкайӧзлӧн чукӧртчанінӧ, израильсаяс нимкодясьӧмӧн гораа горзісны, мый весиг муыс вӧрис.