Ёрдысьяс 15:12 - Коми Библия 2023

¹² Иуда муысь локтысьяс шуисны: «Ми локтім тэла, медым кӧртавны тэнӧ да сетны филистимсаяслы». Самсон шуис налы: «Кыв сетӧй меным, мый онӧ виӧй менӧ».

Ёрдысьяс 15:12 Iomraidhean Croise

Ӧксыяслӧн 3 небӧг 2:25

Соломон ӧксы мӧдӧдіс Иодайлысь Бенай писӧ, и сійӧ виис Адонийӧс.

Ӧксыяслӧн 3 небӧг 2:34

Иодайлӧн Бенай пиыс муніс да виис Йоавӧс. Дзебисны сійӧс овтӧминӧ, аслас керкасянь матӧ.

Матвей 27:2

Исусӧс кӧрталӧмӧн нуӧдісны юралысь Понтий Пилат дінӧ да сетісны сылы.

Ап. уджъяс 7:25

Мӧисей чайтіс, вокъясыс гӧгӧрвоасны, мый Енмыс кӧсйӧ мездыны найӧс сы пыр, но найӧ тайӧс эз гӧгӧрвоны.

Ёрдысьяс 15:11

Иуда муысь куим сюрс морт локтіс Этам изкыртаӧ. Найӧ шуисны Самсонлы: «Тэ ӧмӧй он тӧд, мый филистимсаяс ыджыдалӧны миян вылын? Мый тэ вӧчин миянкӧд?» Самсон вочавидзис налы: «Кыдзи найӧ вӧчисны меным, сідзи ме вӧчи налы».

Ёрдысьяс 15:13

Самсонлы вочавидзисны: «Ми огӧ виӧй тэнӧ, сӧмын кӧртавлам да сетам филистимсаяслы». Самсонӧс кӧртавлісны кык выль гезйӧн да петкӧдісны изкыртаысь.

Ёрдысьяс 8:21

Сэки Зевей да Салман шуисны: «Ачыд миянӧс ви, ӧд тэныд тайӧ выныд серти». Гедеон матыстчис да виис Зевейӧс да Салманӧс. Налӧн верблюд голяяс вылысь босьтіс аслыс тӧлысь сяма мичмӧдчанторъяссӧ.