Ёрдысьяс 14:6 - Коми Библия 2023

⁶ Господьлӧн Лолыс лэччис Самсон вылӧ, и Самсон куш кинас косявліс левӧс кӧзапиӧс моз. Но тайӧ лоӧмтор йывсьыс бать-мамыслы эз висьтав.

Ёрдысьяс 14:6 Iomraidhean Croise

Псалтыр 91:13

Веськыда олысьяс дзоридзалӧны пальма моз, кыпӧдчӧны ливанса сус пу моз.

Исай 42:2

Сійӧ оз горзы, оз кыпӧд Ассьыс гӧлӧс шысӧ, ывлаын Сійӧс он кыв.

Закар 4:6

Андел шуис меным: – Тайӧ Господьлӧн кывйыс Зоровавельлы: он тышкайӧзӧн, он аслад вынӧн тэ вермы, а Менам Лолӧн, – висьталӧ Господь Саваоф. –

Матвей 11:29

Пуктӧй Менсьым сийӧсӧс ас выланыд да велӧдчӧй Месянь, ӧд Ме рам да небыд сьӧлӧма. Сэки тіян ловлы сюрас шойччӧг.

Еврейяслы 11:33

Эскӧмӧн найӧ тышын босьтісны йӧз муяс, ставсӧ вӧчисны веськыда, сибӧдісны Енсянь кӧсйысьӧмасӧ, лӧньӧдісны левъясӧс,

1 Иоан 3:8

А мыжсӧ вӧчысь – омӧльсянь, ӧд омӧльыс водзысянь мыжсӧ вӧчӧ. Та вӧсна Ен Пи и локтіс, мед жугӧдны омӧльыслысь уджъяссӧ.

Ёрдысьяс 11:29

Господьлӧн Лов лэччис Еффай вылӧ. Еффай вуджис Галаад да Манассей муяс. Сэсся бӧр бергӧдчис Галаад муӧ Мицфе карӧ да сэтысянь петіс аммонсаяслы паныд тышӧ.

Ёрдысьяс 13:25

Кор Самсон оліс Махане-Данын, Цора да Эштаол каръяс костын, Господьлӧн Лолыс кутіс ышӧдны сійӧс Израильӧс мездӧм вылӧ.

Ёрдысьяс 14:19

Господьлӧн Лолыс лэччис Самсон вылӧ. Самсон муніс Аскалонӧ да виис сэні комын мортӧс, пӧрччӧдіс на вылысь паськӧмсӧ да сетіс налы, кодъяс тӧдмалісны сылысь нӧдкывсӧ. Скӧрйывсьыс сійӧ бӧр муніс бать керкаас.

Ёрдысьяс 14:5

Самсон мӧдӧдчис бать-мамыскӧд Тимнаӧ. Сэтчӧс виноград йӧрлань матыстчигӧн сылы воча равзігтырйи уськӧдчис том лев.

Ёрдысьяс 14:7

Тимнаӧ локтӧм бӧрын Самсон сёрнитіс нывкӧд, коді вӧлі сылы сьӧлӧм сертиыс.

Ёрдысьяс 15:15

Самсон аддзис неважӧн на кулӧм осёллысь черлысӧ, босьтіс сійӧс киас да виис сыӧн сюрс филистимсаӧс.

Ёрдысьяс 15:8

Филистимсаясӧс чорыда нӧйтӧм бӧрын сійӧ муніс Этам изкыртаӧ да овмӧдчис сэтчӧс кырта горсйӧ.

Ёрдысьяс 16:30

«Мед ме филистимсаяскӧд кула!» – горӧдіс Самсон да кыкнан кинас мый вынсьыс пыксис сюръяясӧ. Керкаыс киссис филистимсаяс да налӧн юралысьяс вылӧ. Кулігас Самсон виис олігас дорысь унджык мортӧс.

Ёрдысьяс 3:10

Господьлӧн Лолыс вӧлі Отниэл вылын. Сійӧ вӧлі ёрдысь и Израиль войтырӧн веськӧдлысь. Отниэл петіс тышӧ, и Господь сетіс сылӧн киӧ Месопотамияысь Кушан-Ришатаим ӧксыӧс. Тадзи Кушан-Ришатаим шедіс Отниэллӧн кипод улӧ.

Ӧксыяслӧн 1 небӧг 10:16

Саул вочавидзис: «Сійӧ шуис, осёлъясыд пӧ сюрисны нин». А мый Самуил шуис сійӧс ӧксыӧ пуктӧм йылысь, дядьыслы Саул эз висьтав.

Ӧксыяслӧн 1 небӧг 10:6

Господьлӧн Лолыс лэччас тэ вылӧ, и накӧд тшӧтш тэ кутан пророкавны да лоан мӧдпӧлӧс мортӧн.

Ӧксыяслӧн 1 небӧг 11:6

Тайӧс кылӧм бӧрын Енлӧн Лов лэччис Саул вылӧ, сы пытшкын кыптіс скӧрлун.

Ӧксыяслӧн 1 небӧг 14:1

Ӧтчыд Сауллӧн Ионафан пиыс шуис шыпурт новлӧдлысь кесйӧгыслы: «Мунам сёртас мӧдарладорас филистимса тышкакотыр дінӧ». Но аслас батьыслы та йылысь эз висьтав.

Ӧксыяслӧн 1 небӧг 17:46

Талун Господь сетас тэнӧ менам киӧ. Ме виа тэнӧ, юртӧ керышта, и [тэнсьыд шойтӧ да] став филистимса тышкайӧзлысь шойсӧ сета лэбачьяслы да зверъяслы. Сэки став муыс тӧдмалас, мый Израильлӧн эм Ен.