Ёрдысьяс 14:5 - Коми Библия 2023

⁵ Самсон мӧдӧдчис бать-мамыскӧд Тимнаӧ. Сэтчӧс виноград йӧрлань матыстчигӧн сылы воча равзігтырйи уськӧдчис том лев.

Ёрдысьяс 14:5 Iomraidhean Croise

Ӧксыяслӧн 2 небӧг 23:20

Кавцелысь Бенай, Иодайлӧн пиыс, вӧлі збой тышкасьысь да нималіс аслас ыджыд уджъясӧн. Сійӧ виис моавса Ариллысь кыкнан писӧ. Коркӧ лым усигӧн сійӧ лэччис косьмӧм вайӧртӧдӧ да виис сэні левӧс.

1 Каднебӧг 11:22

Кавцелысь Бенай, Иодайлӧн пиыс, вӧлі збой тышкасьысь да нималіс аслас ыджыд уджъясӧн. Сійӧ виис моавса Ариллысь кыкнан писӧ. Коркӧ лым усигӧн сійӧ лэччис косьмӧм вайӧртӧдӧ да виис сэні левӧс.

Псалтыр 91:13

Веськыда олысьяс дзоридзалӧны пальма моз, кыпӧдчӧны ливанса сус пу моз.

Еремей 2:15

Том левъяс эргӧны сы вылӧ, кылӧ налӧн равзӧм шыыс. Израиль мусӧ найӧ вӧчисны овтӧминӧн, сылысь каръяссӧ пазӧдісны, сэні эз коль олысьыс.

Еврейяслы 11:33

Эскӧмӧн найӧ тышын босьтісны йӧз муяс, ставсӧ вӧчисны веськыда, сибӧдісны Енсянь кӧсйысьӧмасӧ, лӧньӧдісны левъясӧс,

Нав Исус 15:10

Бааласянь мудорыс бергӧдчӧ рытыввылӧ Сеир керӧслань, мунӧ Бет-Шемешӧ Ярим керӧс, мӧд ногӧн кӧ, Кесалон керӧс, войвывладорті и водзӧ мунӧ Тимнаӧ.

1 Петыр 5:8

Олӧй садь вежӧрӧн да пыр лоӧй дасьӧсь. Ӧд тіянлы паныд сувтысь омӧльыс ветлӧ равзысь лев моз да корсьысьӧ, кодӧс эськӧ ньылыштны.

Ёрдысьяс 14:4

Бать-мамыс эз тӧдны, мый тайӧ вӧлі Господьсянь, ӧд Господь кӧсйис филистимсаяслысь водзӧс перйыны. Сійӧ кадас филистимсаяс ыджыдалісны Израиль вылын.

Ёрдысьяс 14:6

Господьлӧн Лолыс лэччис Самсон вылӧ, и Самсон куш кинас косявліс левӧс кӧзапиӧс моз. Но тайӧ лоӧмтор йывсьыс бать-мамыслы эз висьтав.

Ӧксыяслӧн 1 небӧг 17:35

сэки ме вӧтча сы бӧрся, уськӧдча да мырддя вомсьыс. А сійӧ кӧ уськӧдчӧ ме вылӧ, ме босьта сійӧс бурысьӧдыс, личка да виа.