Ёрдысьяс 14:14 - Коми Библия 2023

¹⁴ Самсон шуис: «Сёйысьлӧн пытшкӧсысь петіс сёян, выналӧн пытшкӧсысь – юмовтор». Куим лун чӧжӧн ёртъясыс зілисны тӧдмавны нӧдкывсӧ, но эз вермыны.

Ёрдысьяс 14:14 Iomraidhean Croise

Олӧм 3:15

Тэ да ань костӧ, тэсянь чужысь да аньсянь чужысь костӧ пукта лӧгалӧм: сійӧ пасьвартас юртӧ, а тэ сылы коклябӧрас чушкан».

Ӧксыяслӧн 3 небӧг 17:6

Кырнышъяс быд асыв да рыт вайлісны Иллялы нянь да яй, а васӧ сійӧ юис шорсьыс.

2 Каднебӧг 20:2

Иосафатлы юӧртісны: «Сола саридз сайысь, Эдомысь, тэныд паныд локтӧ лыдтӧм-тшӧттӧм тышкайӧз. Найӧ воӧмаӧсь нин Хацацон-Тамарӧ». Мӧд ногӧн кӧ, тайӧ лоӧ Эн-Геди.

2 Каднебӧг 20:25

Кор Иосафат аслас тышкайӧзкӧд пондісны чукӧртны вӧрӧглысь эмбурсӧ, найӧ аддзисны уна кӧлуй, паськӧм да озырлун. Найӧ чукӧртісны аслыныс сы мында, мый эз вермыны весиг нунысӧ. Эмбурыс вӧлі зэв уна, сійӧс ковмис чукӧртны куим лун чӧж.

Шусьӧгъяс 24:7

Вежӧртӧмлы мывкыдлуныс гӧгӧрвотӧм, карса дзиръя дорын чукӧртчӧм йӧз водзын сылы нинӧм шунысӧ.

Матвей 13:11

Исус вочавидзис: «Тіянлы сетӧма тӧдны Енэжвыв Юралӧмлысь гусяторъяссӧ, а налы абу.

Ап. уджъяс 8:31

Мӧдыс шуис: «Кыдзи нӧ верма гӧгӧрвонысӧ, абу кӧ гӧгӧрвоӧдысьыс?» Сійӧ корис Филипӧс пуксьыны орччӧн.

Римӧ 8:37

Но став тайӧ сьӧкыдлун дырйиыс миянӧс Радейтысь сетӧ миянлы тырвыйӧ вермӧм.

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

1 Петыр 2:24

Миянлысь мыжъяснымӧс Аслас вир-яйын Сійӧ кыпӧдіс крест вылӧ, медым ми дугдім вӧчны мыжсӧ да олім веськыда. Сылӧн дойясӧн ті бурдінныд.

Ёрдысьяс 14:13

А онӧ кӧ тӧдмалӧй, ті меным сетанныд комын вӧсни шабді дӧрӧм да комын вежан паськӧм». Найӧ вочавидзисны: «Висьтав ассьыд нӧдкывтӧ. Кывзам».

Ёрдысьяс 14:15

Сизимӧд луннас найӧ шуисны Самсонлӧн гӧтырлы: «Кыскы верӧсыдлысь, мед восьтас нӧдкывсӧ. А он кӧ, ми сотам тэнӧ да батьыдлысь керкасӧ. Миянӧс куштыны кӧсъянныд, та вӧсна-ӧ коринныд миянӧс татчӧ?»