Ёрдысьяс 11:27 - Коми Библия 2023

²⁷ Тэ водзын ме абу мыжа. Лёксӧ вӧчин тэ, кор петін тышӧ меным паныд. Господь – Ёрдысьыс. Сійӧ мед Ачыс талун лоас Израиль пиян да аммонсаяс костын ёрдысьнас!»

Ёрдысьяс 11:27 Iomraidhean Croise

Олӧм 16:5

Сара шуис Ӧврамлы: «Тэ мыжа менӧ увтыртӧмысь. Ме сеті кесйӧг аньӧс тэныд, а сійӧ кынӧмасьӧм бӧрас кутіс нинӧмӧ пуктыны менӧ. Господь мед лоас ёрдысьӧн тэа-меа костын».

Олӧм 18:25

Оз вермы лоны сідзи, мый Тэ веськыда олысьӧс бырӧдан мыжаяскӧд, и веськыда олыськӧд лоас сійӧ жӧ, мый мыжакӧд. Тайӧ абу Тэсянь! Став мусӧ мыждысь оз ӧмӧй мыжды веськыда?»

Олӧм 31:53

Миян костын ёрдысьыс Ӧвраамлӧн да Нахорлӧн Ен, налӧн батьлӧн Ен». Яков кыв сетіс Ен водзын, кодысь поліс сылӧн Исаак батьыс.

2 Каднебӧг 20:12

Миян Енмӧй, мыжды найӧс. Ми абу сэтшӧм вынаӧсь, медым вермим паныд сувтны тайӧ уна лыда тышкайӧзыслы. Ми огӧ тӧдӧй, мый миянлы вӧчны, но Тэлань ми кыпӧдам синнымӧс!»

Иов 23:7

Сэки эськӧ веськыда олысь вермис дорйысьны Сы водзын, ме эськӧ пыр кежлӧ мездми менӧ Мыждысьлӧн киысь.

Иов 9:15

Ме кӧ вӧлі мыжтӧм, весиг сэки эг вермы вочавидзны Сылы, ме верми сӧмын корны Ёрдысьӧс лоны бур сьӧлӧмаӧн ме дінӧ.

Псалтыр 50:6

Тэныд, сӧмын Тэныд паныд ме мыж вӧчи, Тэнад син водзын ме лёксӧ вӧчи. Тэ веськыда вӧчан, кор менӧ чирыштан, Тэ веськыда мыждан менӧ.

Псалтыр 7:11

Енмыс – менам сайӧдыс, Сійӧ мездӧ веськыд сьӧлӧмаясӧс.

Псалтыр 75:7

Яковлӧн Енмӧй, Тэнад горӧдӧмысь тарантасъяс да вӧвъяс сувтісны.

Псалтыр 82:8

гевал, аммон да амалик войтыръяс, филистимсаяс да Тирын олысьяс.

Псалтыр 94:2

Локтӧй Сылӧн чужӧмбан водзӧ Сійӧс аттьӧалӧмӧн, ошкӧй Сійӧс гораа сьылӧмӧн!

Псалтыр 98:9

Ыдждӧдлӧй Господьӧс, миянлысь Енмӧс! Копыртчӧй Сылӧн вежа керӧслань, ӧд Господь, миян Енным, вежа!

Еклесиаст 11:9

Нимкодясь, зонмӧй, аслад том кадӧ, сьӧлӧмыд мед долыдасьӧ томдырйиыд. Ветлы, кытчӧ сьӧлӧмыд кыскӧ, кытчӧ синмыд видзӧдӧ, но тӧд, мый ставсьыс таысь Ен вайӧдас тэнӧ Аслас ёрд водзӧ.

Еклесиаст 12:14

Енмыс веськыда мыждас мортӧс быд уджысь, бурсьыс и лёксьыс, весиг сыысь, мый вӧлі гусьӧн вӧчӧма.

2 Коринфӧ 11:11

Мыйла ог кӧсйы сьӧктӧдны тіянӧс? Гашкӧ, чайтанныд, ог радейт тіянӧс? Енмыс тӧдӧ, ті меным мусаӧсь! Но кыдзи вӧча ӧні, сідзи и водзӧ кута вӧчны.

2 Коринфӧ 5:10

Миянлы ӧд быдӧнлы ковмас сувтны Кристослӧн ёрд водзӧ. Сэки быдӧнӧс лоӧ мыждӧма уджъясыс серти: бурсӧ али лёксӧ мортыс вӧчис вир-яйын олігас.

2 Тимофейлы 4:8

Ӧні менӧ виччысьӧ веськыдлуныслӧн юркытш. Веськыда мыждысь Господь Аслас лунӧ сетас сійӧс меным да быдӧнлы, коді став сьӧлӧмнас виччысьӧ Сылысь локтӧмсӧ.

Еврейяслы 12:23

да гажӧдчысь йӧз чукӧр дінӧ. Найӧ – Енлӧн медводдза чужысьяс, налысь нимъяссӧ гижӧма енэжас. Ті матыстчинныд став йӧзсӧ мыждысь Ен дінӧ да тыр-бурас воӧм веськыда олысьяслӧн ловъяс дінӧ.

Ёрдысьяс 11:28

Но аммонса ӧксы эз кывзы Еффайлысь кывъяссӧ.

Ӧксыяслӧн 1 небӧг 2:10

Господь бырӧдас Сылы паныд кыпӧдчысьясӧс, енэжсянь гымыштас на вылӧ. [Господь вежа. Мывкыда морт мед оз ошйысь аслас мывкыдлунӧн, вына мед оз ошйысь аслас вынӧн, озыр мед оз ошйысь аслас озырлунӧн. Но ошйысьысь мед ошйысьӧ сыӧн, мый гӧгӧрвоӧ да тӧдӧ Господьӧс.] Господь мыждас муюгыдын олысьясӧс. Сійӧ вынсьӧдас ӧксыӧс, кодӧс бӧрйис, Ассьыс мавтыштӧмаӧс вылӧ кыпӧдас.

Ӧксыяслӧн 1 небӧг 24:12

Видзӧдлы, батьӧй, менам киын тэнад паськӧм дорышыд. Ме вундішті тэнсьыд паськӧмтӧ, но асьтӧ тэнӧ эг ви. Тӧд, ме ог кӧсйы тэныд лёксӧ и ог мун тэныд паныд. Ме абу мыжа тэ водзын, но тэ кӧсъян вины менӧ.

Ӧксыяслӧн 1 небӧг 24:13

Мед Ачыс Господь лоас ёрдысьӧн тэа-меа костын. Мед Сійӧ водзӧс перъяс тэнсьыд ме вӧсна. Но менам киӧй оз кыпты тэ вылӧ.

Ӧксыяслӧн 1 небӧг 24:15

Кодлы паныд петін тэ, Израильлӧн ӧксы? Код бӧрся тэ вӧтлысян? Пон шой бӧрся? Кутшӧмкӧ пытш бӧрся?

Ӧксыяслӧн 1 небӧг 24:16

Мед Господь лоас ёрдысьӧн миян костын. Господь тӧдӧ, мый ме абу мыжа. Сійӧ доръяс да мездас менӧ тэнад киысь».