Ёрдысьяс 11:1 - Коми Библия 2023

¹ Галаадса Еффай вӧлі повтӧм тышкаморт. Сійӧ вӧлі кырсалысь аньлӧн пиыс, а батьыс вӧлі Галаад.

Ёрдысьяс 11:1 Iomraidhean Croise

Ӧксыяслӧн 4 небӧг 5:1

Арамса ӧксылӧн вӧлі тышкайӧзӧн веськӧдлысь, кодлӧн нимыс вӧлі Нееман. Ӧксы сійӧс пыдди пуктіс, ӧд сы пыр Господь сетіс арамейяслы унаысь вермыны. Но тайӧ вына тышкасьысьыс висис проказаӧн.

Еврейяслы 11:32

Мый нӧшта содтыны татчӧ? Кадыс меным оз тырмы висьтавны Гедеон, Варак, Самсон, Еффай, Давид, Самуил да [мукӧд] пророкъяс йылысь.

Ёрдысьяс 10:18

Галаадын олысь войтыр да налӧн веськӧдлысьяс ӧта-мӧдныслы шуалісны: «Коді медводдзаӧн уськӧдчас аммон войтыр вылӧ, сійӧ и лоӧ став галаадса олысьяслӧн юралысьнас».

Ёрдысьяс 11:2

Галаадлӧн гӧтырыс тшӧтш чужтіс сылы пиянӧс. Кор найӧ быдмисны, вӧтлісны Еффайӧс. Найӧ шуисны сылы: «Батьнымлӧн овмӧс-эмбурыс тэныд оз вичмы, ӧд тэ – мӧд аньлӧн пи».

Ёрдысьяс 6:12

Господьлӧн андел петкӧдчис Гедеонлы да шуис: «Господь тэкӧд, вына тышкамортӧй!»

Ӧксыяслӧн 1 небӧг 12:11

Сэки Господь мӧдӧдіс Ероваалӧс, Варакӧс, Еффайӧс, Самуилӧс да мездіс тіянӧс став вӧрӧгысь, и ті олінныд повтӧг.