Ёрдысьяс 10:10 - Коми Библия 2023

¹⁰ Израиль пиян шыасисны Господь дінӧ: «Тэныд паныд ми мыжсӧ вӧчим! Ми эновтім ассьыным Енмӧс да юрбитім Ваал идолъяслы!»

Ёрдысьяс 10:10 Iomraidhean Croise

Псалтыр 107:13

Отсав миянлы, ӧд миянӧс дзескӧдӧны, а йӧзсянь отсӧгсӧ виччысьны весьшӧрӧ.

Еремей 2:27

Пулы войтырыс шуӧ, тэ пӧ менам батьӧй, излы шуӧ, тэ пӧ чужтін менӧ. Найӧ бергӧдісны Меланьӧ мышнысӧ, а эз чужӧмнысӧ. Но кор шогыс суӧ найӧс, найӧ шуалӧны: «Лок да отсав миянлы!»

Ёрдысьяс 10:9

Аммон войтыр вуджис Йӧрдан ю, медым петны тышӧ Иуда, Венямин да Ефрем чужанкотыръяслы паныд. Израиль войтырлы вӧлі вывті сьӧкыд.

Ёрдысьяс 3:9

Но Израиль пиян шыасисны Господь дінӧ, и Господь сувтӧдіс Израиль пиянлы мездысьӧс, Кеназлысь Отниэл писӧ. Кеназ вӧлі Калевлӧн ичӧт вокыс.

Ёрдысьяс 4:3

Сылӧн вӧлі ӧкмыссё кӧрт тарантас. Кызь во чӧж Сисар чорыда дзескӧдіс Израиль пиянӧс, та вӧсна найӧ бӧрдӧмӧн шыасисны Господь дінӧ.

Ёрдысьяс 6:6

Мадиансаяс понда Израиль войтыр дзикӧдз гӧльмис. Сэки Израиль пиян шыасисны Господь дінӧ.

Ӧксыяслӧн 1 небӧг 12:10

Но батьясныд бӧрдӧмӧн шыасисны Господь дінӧ да шуисны: ”Ми мыж вӧчим – эновтім Господьӧс да кесъялім-юрбитім Ваал да Астарта идолъяслы. Мезды миянӧс вӧрӧг киысь, ми кутам кесъявны Тэныд”.

Ӧксыяслӧн 1 небӧг 7:6

Израильсаяс локтісны Миспаӧ. Сэні найӧ гумлалісны ва да кисьталісны му вылӧ Господь водзын, тайӧн петкӧдлісны мыжсьыныс бергӧдчӧмнысӧ. Сійӧ лунӧ найӧ видзалісны да висьтасисны, ми пӧ мыж вӧчим Господьлы паныд. Тадзи Миспа карын Израиль войтыр чукӧртчис Самуил ёрдысь водзӧ.