Ёрдысьяс 1:33 - Коми Библия 2023

³³ Неффалим чужанкотыр сідзжӧ эз вӧтлы Бет-Шемеш да Бет-Анат каръясысь олысьяссӧ, а овмӧдчис сэтчӧс муын олысь ханаансаяс пӧвстӧ. Бет-Шемешын да Бет-Анатын олысьясӧс Неффалим чужанкотыр уджӧдіс вот мынтӧм могысь.

Ёрдысьяс 1:33 Iomraidhean Croise

Нав Исус 15:10

Бааласянь мудорыс бергӧдчӧ рытыввылӧ Сеир керӧслань, мунӧ Бет-Шемешӧ Ярим керӧс, мӧд ногӧн кӧ, Кесалон керӧс, войвывладорті и водзӧ мунӧ Тимнаӧ.

Ёрдысьяс 1:30

Завулон чужанкотыр эз вӧтлы Китрон да Нахалол каръясысь ханаансаясӧс, а уджӧдіс найӧс вот мынтӧм могысь. Тадзи ханаансаяс кольччисны овны Завулон чужанкотыр пӧвстӧ.

Ёрдысьяс 1:32

Асирсянь чужысьяс овмӧдчисны сэтчӧс муын олысь ханаансаяс пӧвстӧ, ӧд эз вермыны вӧтлыны найӧс.

Ёрдысьяс 1:34

Дан чужанкотырӧс аморейяс дзескӧдісны, вӧтлісны керӧсвыв муӧ, эз лэдзны лэччыны ковтысӧ.

Ёрдысьяс 1:35

Аморейяс кольччисны овны Херес нима керӧс вылӧ, [кӧні олісны ошъяс да ручьяс,] тшӧтш Аялон да Шаалвим каръясӧ. Но Ӧсипсянь чужысьяс вермисны аморейясӧс да уджӧдісны найӧс вот мынтӧм могысь.