Еклесиаст 4:8 - Коми Библия 2023

⁸ ӧтка мортлӧн некод абу, пиыс ни вокыс абу. Сійӧ мырсьӧ-уджалӧ, но озырлуныс сылысь сьӧлӧмсӧ оз гажӧд. «Кодлы ме уджала? – мӧвпалӧ сійӧ. – Мыйла ме ачымӧс гажӧдчӧмысь кута?» И тайӧ, вӧлӧмакӧ, весьшӧрӧ да абу буртор.

Еклесиаст 4:8 Iomraidhean Croise

Олӧм 2:18

Господь Ен шуис: «Абу бур овны мортлы ӧтнаслы. Вӧчамӧй сылы лӧсялана отсасьысьӧс».

Псалтыр 39:6

Господьӧй, менам Енмӧй, Тэ вӧчин уна шензьӧданатор, Тэ дугдывтӧг мӧвпалан миян йылысь. Кодӧс позяс ӧткодявны Тэкӧд? Ме эськӧ кӧсйи висьтавны Тэнад уджъясыд йылысь, но весиг лыддьӧдлынысӧ ог вермы найӧс.

Псалтыр 39:7

Вись да вайӧмтор Тэныд оз ков, сотан вись да мыжысь вись Тэ он кор, но Тэ вӧчин меным пель, медым кывны.

Шусьӧгъяс 27:20

Пыдӧстӧминыс да кулӧмаяслӧн оланіныс – пӧтлытӧмӧсь, тадзи морт синмыд тшӧтш пӧтлытӧм. [Господьлы зывӧк ыкшаасьысь морт, ковтӧг ассьыс вомсӧ восьталысь – вежӧртӧм.]

Еклесиаст 1:13

Ме став олӧмӧс пукті, медым мывкыдлун отсӧгӧн тӧдмавны-туявны ставсӧ, мый вӧчсьӧ енэж улас. Тайӧ сьӧкыд могсӧ Ен сетӧма мортлы.

Еклесиаст 1:8

Сёрниыд мудзтӧдӧ мортӧс, сійӧ оз вермы ставсӧ шымыртны-висьтавны. Видзӧдӧмысь синмыд оз пӧтлы, кывзӧмысь пельыд оз тырлы.

Еклесиаст 2:21

Овлӧ, мый морт мырсьӧ-уджалӧ, пуктӧ та вылӧ став ассьыс мывкыдлунсӧ, тӧдӧмлунсӧ да кужанлунсӧ, а сэсся сылы лоӧ кольны ставсӧ мӧдлы, коді эз мырсьы-уджав. И тайӧ, вӧлӧмакӧ, весьшӧрӧ да ыджыд лёктор.

Еклесиаст 2:23

Став сылӧн олӧмыс – шогсьӧм, сылӧн уджыс – мырсьӧм-пессьӧм, весиг войнас сьӧлӧмыс майшасьӧ. И тайӧ, вӧлӧмакӧ, весьшӧрӧ.

Еклесиаст 4:7

Ме нӧшта аддзи, мый весьшӧрӧ шонді улас:

Еклесиаст 5:10

Кор содӧ овмӧс-эмбурыд, сэки содӧ тшӧтш сёйысьлӧн лыдыс. Мый бурыс таысь овмӧс кутысьлы – сӧмын кольӧ видзӧдны та вылӧ!

Еклесиаст 5:9

Кодлы муса сьӧм, сылы некор оз ло сійӧ тырмымӧн. Кодлы муса озырлун, сійӧ некор оз пӧтлы таысь. И тайӧ, вӧлӧмакӧ, весьшӧрӧ.

Исай 5:8

Курыд шог налы, кодъяс ньӧбалӧны керка бӧрся керка, му бӧрся му, быттьӧ му вылас сӧмын найӧ олӧны, мукӧдыслы весиг оланін оз коль.

Исай 55:2

Мыйла ті сьӧм мынтанныд сыысь, мый абу сёян? Мыйла ті удждоннытӧ сетанныд сыысь, мый оз пӧткӧд? Сюся кывзӧй Менӧ да пӧткӧдчӧй бурнас, сэки тіян ловныд пондас нимкодясьны.

Матвей 11:28

Локтӧй Ме дінӧ мудзӧмаяс да сьӧкыда мырсьысьяс, Ме тіянӧс шойччӧда.

Лука 12:20

А Ен шуас сылы: ”Вежӧртӧмӧй, тавой босьтасны тэнсьыд ловтӧ. Кодлы коляс тэнад чӧжӧмаыд?”

1 Иоан 2:16

Ӧд тайӧ муюгыдас ыджыдалӧ вир-яйлӧн кӧсйӧм, синмыдлы колӧм да ыкшаасьӧм. Тайӧ абу Батьсянь, ставыс тайӧ муюгыдыслӧн.