Еклесиаст 3:20 - Коми Библия 2023

²⁰ Ставыс мунӧ ӧтилаӧ: ставсӧ вӧчӧма муысь, и ставыс бӧр бергӧдчӧ муӧ.

Еклесиаст 3:20 Iomraidhean Croise

Олӧм 25:17

Измаил оліс сё комын сизим арӧсӧдз. Сэсся куліс да вуджис батьясыс дінӧ.

Олӧм 25:8

Сійӧ куліс пӧрысь кадӧ, олӧмнас пӧтӧмаӧн вуджис батьясыс дінӧ.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Иов 14:10

А мортыс вынтӧммӧ да кулӧ. Кор сылӧн лолыс петас, кӧні сійӧ лоӧ?

Иов 14:14

Кутас-ӧ мортыс кулӧм бӧрас бара овны? Сьӧкыда мырсигӧн ме виччыся, кор нин локтас менӧ вежысь.

Иов 17:13

Ме виччыся вуджны кулӧмаяслӧн оланінӧ, пемыдінас вольсала вольпасьӧс,

Иов 30:24

Тэ вештан китӧ лы чукӧр дінысь, шог дырйиыс он кыв отсӧг корысьӧс.

Иов 34:15

сэки эськӧ став ловъя олысьыс ӧти здукӧн кулас, мортыс муӧн бӧр лоас.

Иов 7:9

Кыдзи кымӧр вешйӧ да бырӧ, тадзи кулӧмаяслӧн оланінӧ мунысь бӧрсӧ оз нин лок.

Псалтыр 103:14

Ыж-мӧслы Тэ быдтан турун, мортлы – быдмӧг, тадзи муыс сетӧ налы сёян.

Псалтыр 104:29

Налысь васӧ Господь пӧртіс вирӧ, бырӧдіс налысь став черисӧ.

Псалтыр 49:14

Вай Енмыслы вись пыдди аттьӧалӧм, вӧч сійӧ, мый кӧсйысин Медвылыссалы.

Еклесиаст 12:7

Муысь вӧчӧм вир-яйыд бӧр бергӧдчас муӧ, а лолыд бӧр мунас Ен дінӧ, коді сетіс сійӧс.

Еклесиаст 3:21

Коді вермас тӧдны, кыпӧдчӧ-ӧ мортлӧн лолыс вывлань, и лэччӧ-ӧ пемӧслӧн лолыс увлань, му пытшкас?

Еклесиаст 6:6

коді оліс эськӧ кык сюрс во да эз нимкодясь аслас эмбурӧн. Оз-ӧ ставныс мунны ӧтилаӧ?

Еклесиаст 7:2

Гажӧдчанінӧ мунӧм дорысь бурджык мунны сэтчӧ, кӧні кулӧма вӧсна бӧрдӧны, ӧд сэні ловъя мортыс гӧгӧрвоӧ, мый виччысьӧ быдӧнӧс.

Еклесиаст 9:10

Ставсӧ, мый верман, вӧч выныд серти. Ӧд кулӧмаяслӧн оланінас, кытчӧ тэ мунан, оз ло уджалӧмыс, мӧвпалӧмыс, тӧдӧмлуныс да мывкыдлуныс.

Даниил 12:2

Сэки гуалӧмаяс пӧвстысь унаӧн ловзясны: ӧтияс – помтӧм олӧм вылӧ, мӧдъяс – янӧдӧм да помтӧм мустӧмтӧм вылӧ.

Лыд 27:13

Сійӧс аддзылӧм бӧрын тэ вуджан батьясыд дінӧ, кыдзи [Ор керӧс вылын] Аарон вокыд вуджис батьясныд дінӧ.