Еклесиаст 1:9 - Коми Библия 2023

⁹ Мый вӧлі, сійӧ лоӧ на, мый вӧлі вӧчӧма, сійӧс водзӧ кутасны вӧчны, шонді улас нинӧм выльыс абу.

Еклесиаст 1:9 Iomraidhean Croise

Еклесиаст 1:10

Шулӧны, видзӧдлы пӧ, тайӧ – выльтор. Но тайӧ важӧн нин вӧлӧма, миянӧдз на вӧлӧма.

Еклесиаст 2:12

Ме куті мӧвпавны мывкыдлун, вежӧртӧмлун да йӧйлун йылысь. Ме бӧрын ӧксыӧ пуксьысь оз вермы вӧчны ыджыдджыксӧ, мый вӧчӧма нин.

Еклесиаст 3:15

Мый ӧні эм, сійӧ водзын вӧлӧма, мый водзӧ лоӧ, сійӧ вӧлӧма нин, Енмыс выльысь бергӧдӧ воддзасӧ.

Еклесиаст 6:10

Ставыслы, мый эм, нимсӧ сетӧма нин. Ми тӧдам, коді сэтшӧм мортыс. Сійӧ оз вермы вензьыны сыысь вынаджыккӧд.

Еклесиаст 7:10

Эн юась, мыйла водзынсӧ вӧлі бурджык, татшӧм юалӧмыс абу мывкыдлунсянь.

Исай 43:19

Со, Ме вӧча выльӧс, ӧні сійӧ тыдовтчас – онӧ ӧмӧй тайӧс казялӧй? Ме лӧсьӧда овтӧминын туй, кушинын юяс.

Еремей 31:22

Дыр-ӧ на тэ кутан шӧйтны, нылӧй, тэ, коді кежин Меысь? Господь выльтор вӧчас му вылын: гӧтырыс кутас видзны-дорйыны верӧссӧ.

2 Петыр 2:1

Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ.

Восьтӧм 21:1

Сэсся ме аддзи выль енэж да выль му. Медводдза енэжыс да муыс бырисны, и саридзыс эз нин вӧв.

Восьтӧм 21:5

Юралан пуклӧсын Пукалысь шуис: «Видзӧд, Ме ставсӧ вӧча выльӧс!» Сэсся содтіс: «Гиж тайӧс, ӧд тайӧ кывъясыс веськыдӧсь да збыльӧсь».