Ефесӧ 5:8 - Коми Библия 2023

⁸ Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.

Ефесӧ 5:8 Iomraidhean Croise

Исай 2:5

Яковсянь чужысьяс, локтӧй, кутам овны Господьлӧн югыдас!

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Исай 49:9

медым тэ шуин дзескыдінӧ йӧршитӧмаяслы: «Петӧй!», пемыдінын пукалысьяслы: «Петкӧдчӧй!» Туй бокысь найӧ аддзасны сёян, куш мылькъяс лоӧны налы йирсянінӧн.

Исай 50:10

Коді тіян пӧвстысь полӧ Господьысь, кывзысьӧ Сылӧн кесйӧглысь? Коді ветлӧ пемыдас, кӧні абу югыдыс, сійӧ мед лача кутӧ Господьлӧн нимыс вылӧ, мед мыджсьӧ аслас Ен вылӧ.

Исай 9:2

Пемыдын олысь войтыр яр биа югыд аддзас, сап пемыдын олысьяслы югыд кыа петас.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Матвей 3:8

Олӧмнад петкӧдлӧй мыжъяссьыныд бергӧдчӧмнытӧ.

Матвей 4:16

Пемыдын олысь войтыр яр биа югыд аддзис, кулӧмыслӧн вуджӧр улын олысьяслы югыд кыа петіс.

Лука 1:79

сетас югыдсӧ пемыдын олысьяслы, кулӧмыслӧн вуджӧр улын пукалысьяслы, Сійӧ веськӧдас кокнымӧс лӧньлуна туй вылӧ.

Лука 16:8

Ыджыдыс ошкыштас пӧръялысь овмӧс нуӧдысьӧс сылӧн сюсьлунысь. Тайӧ муюгыдса пияныс ас костаныс сюсьджыкӧсь югыдыслӧн пиян дорысь.

Иоан 1:9

Збыль Югыдыс, быд мортӧс югдӧдысь, локтіс муюгыдас.

Иоан 12:35

Сэки Исус шуис налы: «Этшаник кад югыдыс лоас на тіянкӧд. Сідзкӧ, ветлӧй югыдыс дырйи, медым пемыдыс эз пӧдты тіянӧс. Пемыдас ветлысь оз тӧд, кытчӧ мунӧ.

Иоан 12:36

Кытчӧдз югыдыс тіянкӧд, эскӧй югыдыслы. Сэки лоанныд югыдыслӧн ныв-пиӧн». Тайӧс висьталӧм бӧрын Исус ылыстчис на дінысь да саяліс.

Иоан 12:46

Ме эм югыдыс. Ме локті му вылӧ, медым Меным эскысь эз коль пемыдас.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Ап. уджъяс 17:30

Енмыс дыр кад чӧж терпитіс йӧзлысь гӧгӧрвотӧмлунсӧ. Ӧні Сійӧ тшӧктӧ быдлаын да быдӧнлы бергӧдчыны мыжъяссьыс.

Ап. уджъяс 26:18

мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Римӧ 1:21

Но Енсӧ тӧдігӧн найӧ эз пуктыны Сійӧс Ен туйӧ да эз аттьӧавны Сійӧс, мӧвпалісны ковтӧмсӧ да налӧн вежӧрыс пемдіс.

Римӧ 13:12

Войыс кольӧ, луныс матыстчӧ. Сідзкӧ, шыбитам пемыдыслысь уджъяссӧ да пасьтасям югыдыслӧн вермасянторйӧ.

Римӧ 2:19

Индӧдас гижӧм збыльсӧ тӧдӧмнад тэ лыддян асьтӧ синтӧмъясӧс нуӧдысьӧн, пемыдас олысьяслы югыдӧн, вежӧртӧмъясӧс туйдӧдысьӧн да гӧгӧрвотӧмъясӧс велӧдысьӧн.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

2 Коринфӧ 6:14

Энӧ сюйӧй юрнытӧ ӧти сийӧс улӧ эскытӧмъяскӧд. Вермас ӧмӧй йитны мыйкӧ веськыдлунсӧ лёкыскӧд? Эм-ӧ ӧткодьлуныс югыдыслӧн пемыдыскӧд?

Галатӧ 5:25

Олам кӧ Лов серти, Ловлысь кӧсйӧмсӧ вӧчам.

Ефесӧ 2:2

Ӧд водзынсӧ ті олінныд тайӧ муюгыдсаыс моз, енэж улас ыджыдалысь антуслысь кывзысьӧмӧн. Тайӧ пеж лолыс ӧнӧдз на веськӧдлӧ кывзысьтӧмъясӧн.

Ефесӧ 4:18

вежӧрныс пемдӧма, найӧ ылынӧсь Ен нога олӧмсьыс, ӧд налӧн чорзьӧма сьӧлӧмныс, да Енсӧ найӧ оз тӧдны.

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

Ефесӧ 6:12

Ӧд миян тышыс абу мортлы паныд, ми тышкасям енэжувса юралысь-ыджыдалысь пеж ловъяскӧд да тайӧ мувывса пемыд олӧмнас веськӧдлысь ловъяскӧд.

Колосӧ 1:12

Аттьӧалӧй Ен Батьӧс, ӧд Сійӧ вӧчис миянӧс шогманаясӧн, медым ми тшӧтш вермим босьтны Югыдінас вежа войтырлы вичмӧдӧмасӧ.

Колосӧ 1:13

Сійӧ мездіс миянӧс пемыдыслӧн вын улысь да пыртіс муса Пиыслӧн Юраланінӧ.

Титлы 3:3

Ми ӧд асьным коркӧ вӧлім вежӧртӧмӧсь да кывзысьтӧмӧсь, вошӧмаӧсь олӧмас, сетчӧмаӧсь ыштӧмас да быдпӧлӧс ковтӧм гажӧдчӧмас. Олім лёк пытшкас, вежалім, вӧлім мустӧмӧсь, да мукӧдсӧ тшӧтш мустӧмтім.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.