Ефесӧ 4:19 - Коми Библия 2023

¹⁹ Найӧ воштӧмаӧсь яндзимнысӧ, лэдзчысьӧмаӧсь олӧмсьыс да быдпӧлӧс пежсӧ вӧчӧны пӧтлытӧг.

Ефесӧ 4:19 Iomraidhean Croise

Иов 15:16

Кыдзи вермас лоны сӧстӧмӧн пеж да шогмытӧм морт, кодлы лёк вӧчӧмыс ва юӧм кодь?

Исай 56:11

Найӧ горш понъяс, некор оз пӧтлыны. Найӧ мывкыдтӧм ыж видзысьяс, быдӧн мунӧ аслас туйӧд, быдӧн корсьӧ мыйкӧ аслыс курыштны.

Марк 7:22

гусясьӧм, горшасьӧм, лёк вӧчӧм, ылӧдчӧм, лэдзчысьӧм оласног, колысь син, омӧльтӧм, асьсӧ вылӧ пуктӧм да мывкыдтӧмлун.

Ефесӧ 4:17

Ме ёна кора тіянӧс Господь нимӧн: водзӧ энӧ нин олӧй ентӧдтӧмъяс моз. Налӧн мӧвпъясыс ковтӧмӧсь,

Колосӧ 3:5

Та вӧсна бырӧдӧй ас пытшсьыныд мувывсасӧ: кырсалӧм, пеж оласног, лёкколӧм, лёк вылӧ ыштӧм да горшасьӧм. Горшасьӧмыс лоӧ сійӧ жӧ мый идоллы юрбитӧм.

1 Тимофейлы 4:2

Татшӧм велӧдӧмыс петӧ пӧръясьысьяссянь, кык бана шаньгаяссянь, кодъяс воштӧмаӧсь яндзимнысӧ.

1 Петыр 4:3

Водзынсӧ ті вӧчинныд ентӧдтӧмъяс моз: олінныд лэдзчысьӧмӧн да лёк кӧсйӧмныд серти, кырсалінныд, кодалінныд-гажӧдчинныд да юрбитінныд зывӧк идолъяслы. Пӧттӧдз нин тіян тадзисӧ олӧма.

2 Петыр 2:22

Татшӧмъясыслы бура лӧсялӧны тайӧ шусьӧгъясыс: «Понйыд бергӧдчӧ аслас вос дорӧ» и «Мыськӧм порсь бӧр мунӧ туплясьны няйтӧ».

Иуда 1:11

Курыд шог налы! Найӧ мунӧны Каин туйӧд, горшасьӧны сьӧм вылӧ, Валаам моз ылалӧмаӧсь. Корей моз найӧ паныд кыпӧдчӧны, та вӧсна Корейӧс моз найӧс лоӧ бырӧдӧма.

Восьтӧм 18:3

Мувывса ӧксыяс кырсалісны сыкӧд, а вузасьысьяс озырмисны сылӧн лышкыдлунысь.