Ефесӧ 3:19 - Коми Библия 2023

¹⁹ да гӧгӧрвоны Сылысь вежӧрӧ тӧртӧм муслунсӧ. Сэки тіян пытшкын лоӧ Енлӧн став тыр-бурыс.

Ефесӧ 3:19 Iomraidhean Croise

Псалтыр 17:15

Лэдзис Ассьыс гымньӧвъяссӧ да чардбиӧн сявкйис найӧс енэж пасьталаыс.

Псалтыр 43:4

Эз шыпурт отсӧгӧн босьтны миян батьяс тайӧ мусӧ, эз асланыс вынӧн найӧ вермыны, а Тэнад веськыд киӧн да вынӧн, Тэнад чужӧмбаныдлӧн югыдӧн, ӧд Тэ вӧлін бур сьӧлӧма на дінӧ.

Матвей 5:6

Шудаӧсь веськыдлуннас пӧткӧдчыны кӧсйысьяс, ӧд найӧс пӧткӧдасны.

Иоан 1:16

Миянлы быдӧнлы Сы озырлунысь вичмис буралӧм вылӧ буралӧм.

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Римӧ 8:35

Мый вермас торйӧдны миянӧс Енлӧн муслунысь? Гашкӧ, шог, дзескӧдӧм, вӧтлӧм? Гашкӧ, тшыгъялӧм, кӧм-пасьтӧг кольӧм? Гашкӧ, неминуча суӧм, шыпуртысь кулӧм?

Римӧ 8:39

пыдтаыс ни судтаыс, – некутшӧм вӧчӧмтор оз вермы торйӧдны миянӧс Ен муслунысь, мый восьтӧма миянлы Исус Кристос Господьным пыр.

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

Ефесӧ 1:23

Вичкоыс – Кристослӧн вир-яйыс да Сылӧн тырвыйӧлуныс, Сійӧ тыртӧ Аснас ставсӧ.

Ефесӧ 3:18

Ме кевма, медым муслуныс вужъясяс тіян сьӧлӧмӧ да лоас тіянлы подулӧн. Сэки став вежа войтыркӧд ӧтвыв верманныд шымыртны Кристос муслунлысь кузьта-пасьтасӧ, пыдта-судтасӧ,

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

Ефесӧ 5:25

Верӧсъяс, радейтӧй гӧтырнытӧ, кыдзи Кристос радейтӧ вичкосӧ. Ӧд Кристос сетіс Ассьыс олӧмсӧ вичкоыс вӧсна,

Филипӧ 1:7

Дерт, меным тадзи и колӧ мӧвпавны тіян йылысь. Пукала-ӧ ме дзескыдінын, доръя-ӧ Бур Юӧрсӧ али висьтавла сійӧс эскӧдӧмӧн, ті ставныд менам сьӧлӧмынӧсь, ӧд тіянлы мекӧд ӧтвыв вичмис Енсянь бурсетӧмыс.

Филипӧ 4:7

Сэки вежӧрӧ тӧртӧм Енлӧн лӧньлуныс видзас тіянлысь сьӧлӧмнытӧ да мӧвпъяснытӧ Исус Кристос пытшкын.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.

1 Петыр 1:8

Кристосӧс ті энӧ аддзылӧй, но Сійӧ муса тіянлы. Ті онӧ на аддзӧй Сійӧс, но эсканныд Сылы. Тіян сьӧлӧмныд тырӧма ыджыдсьыс-ыджыд нимкодьлунӧн, та йылысь он вермы весиг висьтавнысӧ.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.