Ефесӧ 2:8 - Коми Библия 2023

⁸ Ӧд Енмыслӧн буралӧмыс мездіс тіянӧс эскӧм пыр. Мездмӧмыс абу тіянсянь, сійӧ Енсянь козин.

Ефесӧ 2:8 Iomraidhean Croise

Матвей 16:17

Исус шуис Петырлы: «Тэ шуда, Симон, Ионалӧн пи. Ӧд тайӧс тэныд эз морт висьтав, но Менам енэжвыв Батьӧй восьтіс тэныд.

Матвей 20:9

Вит часын локтӧмаяс босьтісны динарӧн.

Марк 16:16

Коді эскас да пыртчас, сійӧ мездмас. Коді оз эскы, сійӧс лоӧ мыждӧма.

Лука 7:50

Исус шуис аньлы: «Эскӧмыд мездіс тэнӧ. Мун повтӧг».

Иоан 3:36

Коді эскӧ Пиыслы, сылӧн эм помтӧм олӧм. Коді оз эскы Пиыслы, сылӧн оз ло олӧмыс, но Енлӧн скӧрлуныс лоӧ сы вылын.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Иоан 6:35

Исус шуис: «Ме эм олӧмыслӧн нянь. Ме дінӧ локтысь некор оз кут тшыгъявны, Меным эскысьлӧн горшыс некор оз кут косьмыны.

Иоан 6:37

Быдӧн, кодӧс сетӧ Меным Бать, локтас Ме дінӧ. Ме дінӧ локтысьӧс ог вӧтлы.

Иоан 6:40

Менӧ Мӧдӧдысьӧй кӧсйӧ, медым быдӧнлы, коді аддзӧ Писӧ да эскӧ Сылы, вичмис помтӧм олӧм. Медбӧръя лунӧ Ме ловзьӧда найӧс».

Иоан 6:44

Некод оз вермы локны Ме дінӧ, оз кӧ вайӧд сійӧс Менӧ мӧдӧдысь Батьӧй. Ме дінӧ локтысьӧс Ме ловзьӧда медбӧръя лунӧ.

Иоан 6:65

Исус водзӧ сёрнитіс: «Та понда Ме висьтавлі тіянлы, мый некод оз вермы Ме дінӧ локнысӧ, оз кӧ ло тайӧ Батьсянь».

Ап. уджъяс 13:39

Сы пыр быд эскысь лоӧ веськыдӧн да мездмӧ ставсьыс, мыйысь эз вермы мездмыны Мӧисейлӧн Индӧд пыр.

Ап. уджъяс 14:27

Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ.

Ап. уджъяс 15:11

Но ми эскам, мый Господь Исус Кристослӧн буралӧмсянь ми мездмам на моз».

Ап. уджъяс 16:14

Сэні вӧлі Фиатираысь пурпур дӧраӧн вузасьысь Лидия нима ань, сійӧ оліс Енсьыс полӧмӧн. Господь восьтіс сылысь сьӧлӧмсӧ сибӧдны Павеллысь кывъяссӧ,

Ап. уджъяс 16:31

Найӧ воча шуисны: «Эскы Господь Исус Кристослы, сэки мездман тэ да став тэнад гортсаыд».

Римӧ 10:14

Кыдзи нӧ шыасясны Господь дінӧ, оз кӧ эскыны Сылы? Кыдзи нӧ эскасны, эз кӧ кывлыны Сы йылысь? Кыдзи нӧ кывласны, абу кӧ висьталысьыс?

Римӧ 10:17

Эскӧмыс ӧд кылӧмсянь, а кылӧмыс Ен кывсянь.

Римӧ 4:16

Кӧсйысьӧмыс подуласьӧ эскӧм вылӧ, медым сійӧ вӧлі буралӧмсянь. Тадзи кӧсйысьӧмыс вына Ӧвраамсянь став чужысьыслы, абу сӧмын Индӧд улын олысьяслы, но и Ӧвраам моз эскысьяслы. Ӧвраам – ставнымлы бать.

Римӧ 4:5

Мортыс кӧ уджъястӧг эскӧ Енмыслы, коді Ентӧг олысьӧс вӧчӧ веськыдӧн, сэки сылысь эскӧмсӧ Енмыс лыддьӧ веськыдлунӧн.

Римӧ 9:16

Тадзи ставыс Енлӧн буралӧм сайын, абу мортлӧн кӧсйӧм-зільӧм сайын.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Галатӧ 3:22

Гижӧдыс йӧртіс ставнысӧ мыж улас. Та вӧсна кӧсйысьӧмасӧ эскысьяс вермасны босьтны Исус Кристослы эскӧм пыр.

Ефесӧ 1:19

да кутшӧм ыджыд Сылӧн вермана выныс, коді уджалӧ миян пытшкын, Сылы эскысьясын! Тайӧ жӧ вынсӧ

Ефесӧ 2:10

Ми – Енлӧн вӧчӧмторъяс. Сійӧ ӧтувтӧма миянӧс Исус Кристоскӧд, медым ми вӧчим бур уджъяс, мый Енмыс водзвыв дасьтӧма миянлы.

Ефесӧ 2:5

Миянӧс, лёк вӧчӧм вӧсна кулӧмаясӧс, Сійӧ ловзьӧдіс Кристоскӧд. Сылӧн буралӧмыс мездіс тіянӧс.

Филипӧ 1:29

Ӧд Енмыс сетіс тіянлы эз сӧмын Кристослы эскыны, тшӧтш Сы понда сьӧкыдсӧ нуны

Колосӧ 2:12

Пыртчиганыд тіянӧс гуалӧма да ловзьӧдӧма Кристоскӧд эскӧм пыр. Ті ӧд эскинныд Кристосӧс ловзьӧдысь Енлӧн вынӧ.

2 Фессалоникаӧ 1:9

Найӧс лоӧ мыждӧма пыр кежлӧ кулӧм вылӧ, торйӧдӧма Господьысь, Сылӧн дзирдлунысь да вынысь.

Еврейяслы 6:4

Ен дінӧ он нин вермы бергӧдны найӧс, кодъяс тӧдлісны Бур Юӧрлысь югыдсӧ, босьтісны Енсянь сетӧмторсӧ, сибӧдісны сьӧлӧмас Вежа Лолӧс, тӧдмалісны Ен кывлысь бурсӧ да аддзылісны локтана нэмлысь вынсӧ, а сэсся бӧр кежисны Кристосысь. Найӧ ӧд выльысь тувъялӧны Ен Пиӧс да пуктӧны Сійӧс серамтуйӧ.

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.