Ефесӧ 2:7 - Коми Библия 2023

⁷ медым локтан нэмъясӧ олысьяслы петкӧдлыны Исус Кристос пыр миян дінӧ Ассьыс помтӧм-дортӧм буралӧмсӧ да бурлунсӧ.

Ефесӧ 2:7 Iomraidhean Croise

Исай 60:15

Тэнӧ вӧлі эновтӧма, тэнӧ ёна мустӧмтісны, некод эз волы тэ дінӧ. Но Ме нимӧда тэнӧ нэмъяс чӧж, вӧча тэнӧ нимкодьлунӧн водзӧ чужысьяслы.

Римӧ 2:4

Гашкӧ, тэ нинӧм туйӧ пуктан Енлысь ыджыд бурлунсӧ, мелілунсӧ да терпитӧмсӧ? Он ӧмӧй гӧгӧрво, мый Енлӧн бурлуныс вайӧдӧ тэнӧ мыжъяссьыд бергӧдчӧмӧ.

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Ефесӧ 2:4

Но буралӧмнас озыр Ен петкӧдліс Ассьыс ыджыд муслунсӧ миян дінӧ.

Ефесӧ 3:21

Ошкӧм Сылы вичко пыр, коді Исус Кристос пытшкын, быд кадӧ олысь йӧзсянь нэмъяс чӧж. Аминь.

Ефесӧ 3:5

Водзын олысьяс эз тӧдлыны тайӧ гусяторйыс йылысь. Ӧні Вежа Лов восьтіс сійӧс Кристослӧн апостолъяслы да пророкъяслы.

2 Фессалоникаӧ 1:12

Сэки миян Господь Исус Кристослысь нимсӧ лоӧ ошкӧма тіян пыр, а тіянӧс – Сы пыр, миян Ен да Господь Исус Кристослӧн буралӧмыс кузя.

Титлы 3:4

Но Ен Мездысьным петкӧдліс миян дінӧ Ассьыс бурлунсӧ да муслунсӧ.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.