Даниил 8:12 - Коми Библия 2023

¹² Быдлунся вись вайӧмысь ӧтдор тшӧтш тышкайӧзӧс налӧн лёк вӧчӧмныс вӧсна вӧлі сетӧма сы киӧ. Збыльсӧ нинӧмӧ пуктӧмӧн сійӧ вӧчис ассьыс уджсӧ, и сылӧн ставыс артмис.

Даниил 8:12 Iomraidhean Croise

Иов 12:6

Эмбур мырддялысьяслысь керкаяссӧ некод оз вӧрзьӧд, Енсӧ дӧзмӧдысьяс олӧны повтӧг, енмӧн лыддьӧны ассьыныс вынсӧ.

Псалтыр 28:5

Господьлӧн гӧлӧс шыысь пӧрӧны сус пуяс, Господь чегъялӧ ливанса сус пуяс.

Исай 59:14

Ми ылыстім веськыда мыждӧмсӧ, веськыдлуныс сулалӧ ылын, збыльыс крукасис изэрдйӧ, веськыда вӧчӧмыс оз су миянӧс.

Еремей 12:1

– Господьӧй, кор ме вая ассьым могӧс Тэ водзӧ, Тэ веськыда вӧчан. Но ме юала Тэнсьыд веськыда мыждӧм йылысь. Мыйла лёк вӧчысьяслӧн ставыс артмӧ, мыйла Енсӧ эновтысьяс бура олӧны?

Даниил 11:28

Войвывса ӧксы бӧр мӧдӧдчас аслас муӧ ыджыд озырлунӧн. Сійӧ збыльмӧдас вежа йитӧдлы паныд мӧвпыштӧмасӧ, а сэсся бӧр бергӧдчас аслас муӧ.

Даниил 7:21

Ме аддзи, мый тайӧ сюрыс тышӧ петіс вежа войтырлы паныд да вермис найӧс.

Даниил 8:4

Ме аддзылі, мый тайӧ межыс люкасис рытыввывлань, войвывлань да лунвывлань, и мукӧд пемӧсъяс эз вермыны водзсасьны сыкӧд, некод эз вермы мездысьны сыысь. Сійӧ вӧчис, мый кӧсйис, да ёна ышнясис.

Восьтӧм 13:7

Сылы вӧлі сетӧма тышкасьны вежа войтыркӧд да вермыны найӧс. Сылы вӧлі сетӧма ыджыдавны быд чужанвуж да чужанкотыр вылын, быд кыла йӧз да быд войтыр вылын.

Ӧксыяслӧн 1 небӧг 23:9

Кор Давид тӧдмаліс, мый Саул мӧвпыштӧма сылы лёктор вӧчны, тшӧктіс Авиатар поплы вайны [Господьлысь] ефод.