Даниил 6:15 - Коми Библия 2023

¹⁵ Но ыджыдалысьяс да сатрапъяс матыстчисны ӧксы дінӧ да шуисны сылы: «Тэ ӧд тӧдан, ӧксыӧй, мый мидияса да персияса индӧд серти ӧксыӧн вынсьӧдӧм тшӧктӧмсӧ оз позь вежны».

Даниил 6:15 Iomraidhean Croise

Эсфир 8:8

Ті асьныд гижӧй иудейяс йылысь тшӧктӧм, кутшӧм тіянлы колӧ. Гижӧй сійӧс ӧксы нимсянь да ӧксылӧн чунькытшнас пуктӧй вынсьӧдана пас. Ӧксы нимсянь гижӧм да ӧксы чунькытшӧн вынсьӧдӧм гижӧдсӧ некод вежны оз вермы».

Даниил 6:12

Сэсся найӧ мунісны ӧксы дінӧ да шуисны сылы: «Эн-ӧ тэ кырымав татшӧм тшӧктӧмсӧ, мый комын лун чӧж колӧ кевмысьны сӧмын тэныд, ӧксыӧй? А коді пондас кевмысьны мукӧд енлы либӧ мортлы, сійӧс мед шыбитасны левъяслӧн гуӧ». Ӧксы вочавидзис: «Тайӧ тшӧктӧмыс вына, мидияса да персияса индӧдӧс моз сійӧс оз позь бырӧдны».

Даниил 6:8

Сідзкӧ, ӧксыӧй, сет да кырымав сэтшӧм тшӧктӧм, мый мидияса да персияса индӧдӧс моз сійӧс оз позь вежны-бырӧдны».