Даниил 4:11 - Коми Библия 2023

¹¹ Сійӧ гораа юӧртіс: – Керыштӧй тайӧ пусӧ, увъяссӧ кералӧй, коръяссӧ нетшкӧй, вотӧссӧ шыблалӧй. Сы улысь мед пышъясны пемӧсъяс, увъясыс вылысь мед лэбзясны лэбачьяс.

Даниил 4:11 Iomraidhean Croise

Олӧм 11:4

Найӧ шуисны: «Лэптамӧй аслыным кар да башня, джуджданас мед лоӧ енэжӧдз. Тадзи нимӧдам асьнымӧс да став му пасьталаыс огӧ разалӧй».

Езекиль 31:12

Йӧз муысь локтысьяс кералісны сійӧс, скӧрсьыс-скӧр войтыр колис сійӧс куйлыны керӧс вылӧ. Сылӧн вожъясыс усьласисны ковтысъясӧ, чегъясьӧм увъясыс – сёнъясӧ. Войтыръяс петісны сылӧн вуджӧр улысь, найӧ эновтісны сійӧс.

Езекиль 31:5

Та вӧсна сус пу быдмис, мукӧд пуясысь лои джуджыд. Сылӧн быдмис уна вож, увъясыс нюжалісны, ӧд сылы тырмымӧн вӧлі ваыс.

Матвей 11:23

Тэ, Капернаум кар, чайтан енэжӧдз кыпӧдчыны? Ад пыдӧсӧдз усян! Содом карын кӧ аддзылісны тіянын кодь вӧчӧм шензьӧданаторъяссӧ, сійӧ эськӧ ӧні на сулаліс.

Индӧд 9:1

«Кывзы, Израиль! Ӧні ті вуджанныд Йӧрдан ю сайӧ, медым босьтны мусӧ войтыръяслысь, кодъяс тіян дорысь вынаӧсь да уна лыдаӧсь, кодъяслӧн ыджыд каръясыс сулалӧны зумыда да зурасьӧны енэжӧдз.