Даниил 11:23 - Коми Библия 2023

²³ Войвывса ӧксы кӧрталас йитӧд мукӧд войтыръяскӧд, сэсся ылӧдлас найӧс. Сійӧ петас тышӧ этша лыда йӧзкӧд, но шедӧдас вермӧм да зумыдмӧдас ассьыс юралӧмсӧ.

Даниил 11:23 Iomraidhean Croise

Олӧм 34:13

Дина чойнысӧ янӧдӧмысь Яковлӧн пиян наяна вочавидзисны Сикемлы да сылӧн Хамор батьыслы.

Псалтыр 52:2

Мывкыдтӧм морт мӧвпалӧ, мый Енмыс абу. Йӧзыс сетчисны лёкас, олӧны зывӧка, бур вӧчысьыс абу.

Шусьӧгъяс 11:18

Лёк вӧчысьлӧн удждоныс – ылӧг, а коді веськыдлун кӧдзӧ, вундас збыльсӧ.

Даниил 11:22

Ойдӧм ва моз локтысь тышкайӧзӧс лоӧ кылӧдӧма сы водзысь. Тадзи лоӧ пасьвартӧма найӧс. Лоӧ пасьвартӧма тшӧтш Енлӧн йитӧд вӧсна кывкутысьӧс.

Даниил 11:24

Сійӧ уськӧдчас вотӧса муясын лӧня олысь войтыръяс вылӧ да пондас вӧчны сійӧ, мый эз вӧчлыны сылӧн батьясыс да пӧльясыс. Войтыръяслысь мырддялӧм эмбурсӧ да озырлунсӧ сійӧ юклас аслас йӧзлы. Сійӧ мӧвпыштас уськӧдчыны изкаръяс вылӧ. Но тадзи лоӧ сӧмын дженьыд кад чӧж.

Даниил 8:24

Сійӧ лоӧ зэв вына, но оз аслас вынӧн сійӧ вынсяв. Сылӧн ставыс кутас артмыны, сійӧ куштас-пазӧдас ставсӧ, бырӧдас вынаясӧс да вежа войтырӧс.

Даниил 8:25

Вежӧрлун да наянлун вӧсна сылӧн ставыс кутас артмыны, и сійӧ асьсӧ вылӧ кыпӧдас. Виччысьтӧг сійӧ унаӧс бырӧдас, тшӧтш ыджыдъяслӧн Ыджыдлы паныд кыпӧдчас. Но тайӧ ӧксысӧ лоӧ бырӧдӧма, сӧмын оз морт киӧн.

Римӧ 1:29

Найӧ тырӧмаӧсь быдпӧлӧс ылӧгнас да лёкнас. Кырсалӧны, горшасьӧны, лӧгалӧны, вежалӧны, виӧны, вензьӧны, пӧръясьӧны да лёксьӧны.

2 Коринфӧ 11:3

Коркӧ змей наяна ылӧдліс Еваӧс. Ме пола, мый ті сы моз жӧ ылаланныд да воштанныд ассьыныд восьса йитӧднытӧ Кристоскӧд.

2 Фессалоникаӧ 2:9

Паныд сувтысьыс локтас сӧтанасянь. Ыджыд вынӧн сійӧ кутас петкӧдлыны индысьпасъяс да вӧчны ылӧг шензьӧданаторъяс.