Бӧрданкыв 3:37 - Коми Библия 2023

³⁷ Кодлӧн шуӧмыс инӧ? Оз-ӧ Господьлӧн, коді тшӧктӧ иннысӧ?

Бӧрданкыв 3:37 Iomraidhean Croise

Ӧксыяслӧн 2 небӧг 16:10

Ӧксы шуис: «Мый ті ме понда шогсянныд, Саруя пиян? [Кольӧй сійӧс.] Мед лёкӧдас менӧ. Господь кӧ тшӧктіс лёкӧдны, вермас-ӧ кодкӧ юавны, мыйла сійӧ тадзи вӧчӧ».

Ӧксыяслӧн 3 небӧг 22:34

Но ӧти тышкаморт зэвтіс ассьыс ньӧввужсӧ да ылӧсас лэдзис ньӧвсӧ. Ньӧвйыс сатшис израильса Ахав ӧксылы кӧрт паськӧм костӧдыс. Ӧксы горӧдіс аслас тарантасӧн веськӧдлысьлы: «Бӧр бергӧдчы! Петкӧд менӧ тыш вывсьыс! Менӧ дойдісны».

Ӧксыяслӧн 4 небӧг 6:33

Налӧн сёрнитігкості пырис на дінӧ ӧксылӧн мӧдӧдӧм мортыс да шуис, кыдзи ӧксы тшӧктіс: «Тайӧ ыджыд шогсӧ ыстіс миянлы Господь! Мый меным водзӧ виччысьны Сысянь?»

Иов 10:13

Но Тэнад сьӧлӧмын вӧлі дзебӧма, мый мекӧд лоас, тӧда, мый Тэ тадзи лӧсьӧдін.

Иов 2:10

Иов вочавидзис: «Вежӧртӧм ань моз тэ сёрнитан. Сӧмын бурсӧ ӧмӧй сибӧдам Енсяньыс, а лёксӧ огӧ?» Та дырйи Иов эз мыжмы аслас кывъясӧн.

Петӧм 10:10

Фараон шуис налы: «Мед лоас тадзи. Господь тіянкӧд. Тіянӧс ме лэдза, но челядьнытӧ ог. Ті мӧвпаланныд лёк вӧчны.

Шусьӧгъяс 16:9

Мортыд бӧрйӧ ассьыс туйсӧ, а Господь веськӧдлӧ сылӧн воськовъясӧн.

Шусьӧгъяс 19:21

Мортыд ас водзас уна мог сувтӧдӧ, но инас сӧмын Господьӧн шуӧмаыс.

Шусьӧгъяс 21:30

Господьтӧгыд мывкыдлуныс абу, вежӧрыс абу, и туйдӧдӧмыс абу.

Исай 46:10

Водзысяньыс Ме юӧрта тіянлы, мый лоӧ, водзвыв висьтала тіянлы сы йылысь, мый эз на вӧв. Ме висьтала тіянлы: Менам мӧвпыштӧмӧй збыльмас, Ассьым кӧсйӧмӧс Ме пӧрта олӧмӧ.

Еремей 23:32

Ме сувта сійӧ пророкъяслы паныд, кодъяс висьталӧны ылӧг вӧтъяс, – висьталӧ Господь. – Пӧръясьӧмӧн да ошйысян кывъясӧн найӧ кежӧдӧны Менсьым войтырӧс ылӧгас. Ме эг мӧдӧдлы найӧс, эг тшӧктывлы налы вӧчны тайӧс. Менам войтырлы найӧ бурсӧ оз вайны, – висьталӧ Господь.

Римӧ 9:15

Мӧисейлы Енмыс шуис: «Код дінӧ кӧсъя бурсьӧлӧмтчыны, бурсьӧлӧмтча. Код дінӧ кӧсъя буравны, бурала».

Ефесӧ 1:11

Кристос пыр ми лоим Ен войтырӧн, тадзи водзвыв вӧлі мӧвпыштӧма Енмыслӧн, ӧд Сійӧ ставсӧ вӧчӧ Ас кӧсйӧм сертиыс.