2 Сійӧ вӧтліс менӧ, нуӧдіс пемыдас, эз югыдас.
Сійӧс лоӧ вӧтлӧма югыдсьыс пемыдӧ, лоӧ шыбитӧма кулӧмаяс дінӧ.
Ме виччыси бурсӧ, но менӧ лёкыс суис, виччыси югыдсӧ, но локтіс пемыдыс.
Та вӧсна веськыда мыждӧмыс ылын миянысь, веськыдлуныс оз во миянӧдз. Ми виччысям югыдсӧ, но гӧгӧр пемыд, виччысям югдӧмсӧ, но ветлам пемыдас.
Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.
– Ме видзӧдлі му вылас, а сійӧ вӧлі мыгӧртӧм да куш. Видзӧдлі енэжас, а сэні югыдыс эз вӧв.
Кымӧрӧн моз скӧрлуннас Господь вевттис Сион нылӧс! Енэжсянь му вылӧ Сійӧ шыбитіс Израильлысь ошйысянторсӧ, Аслас скӧралан лунӧ эновтіс Ассьыс кокувсӧ.
Луншӧрнас ті кутанныд ветлӧдлыны кималасӧн, кыдзи синтӧм ветлӧдлӧ пемыдас. Тіян нинӧм оз кут артмыны. Лунысь-лун тіянӧс кутасны увтыртны да дзескӧдны, и тіянӧс некод оз дорйы.
Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.
Анделъясӧс, кодъяс эз донъявны ассьыныс ыджыдалан вынсӧ да эновтісны енэжвывса оланінсӧ, Господь пыр кежлӧ дорис чептӧн да видзӧ сап пемыдас ыджыд мыждан лун кежлӧ.
