Бӧрданкыв 2:8 - Коми Библия 2023

⁸ Господь шуис жугӧдны Сионлысь стенъяссӧ. Сійӧ нюжӧдіс мурталан кӧв, Ассьыс кисӧ бырӧдӧмысь эз вешты. Ортсы пыкӧдъяссӧ жугліс, найӧ стенмыскӧд тшӧтш киссисны.

Бӧрданкыв 2:8 Iomraidhean Croise

Ӧксыяслӧн 2 небӧг 8:2

Давид пасьвартіс тшӧтш моавсаясӧс. Тыш помасьӧм бӧрын сійӧ водтӧдіс найӧс му вылас, босьтіс гез да мурталіс: быд кык гез кузьта мурталӧмаясӧс виис, а ӧти гез кузьта мурталӧмаясӧс ловйӧн колис. Моавсаяс лоисны Давидлы кесйӧгъясӧн, мынтісны сылы вот.

Ӧксыяслӧн 4 небӧг 21:13

Ме муртала Ерусалимлы мыждӧмсӧ сідзи жӧ, кыдзи мурталі Самария карлы. Ме весита Ерусалимӧс сійӧ жӧ вескинас, мыйӧн веситі Ахавлысь рӧдсӧ. Кыдзи тасьті чышкалӧны да кымыньтӧны, тадзи вӧча тшӧтш Ерусалимкӧд.

Иов 13:21

вештан ме вылысь Ассьыд китӧ да дугдан повзьӧдлыны менӧ.

Исай 22:5

Ковтысын шӧйӧвошӧм да шызьӧм, йӧзыс талялӧны ӧта-мӧднысӧ. Тайӧ лунсӧ лӧсьӧдіс Ыджыдыс, Господь Саваоф. Жуглӧны карса стенъяс, йӧзыслӧн горзӧмыс кылӧ керӧс йылӧдз.

Исай 28:17

Веськыда мыждӧмсӧ Ме вӧча мурталан кӧвйӧн, веськыда вӧчӧмсӧ – вескиӧн. Ылӧгыслысь сайӧдчанінсӧ лоӧ бырӧдӧма шерӧн, тіянлысь вевттьӧднытӧ кылӧдас ва.

Исай 34:11

Сійӧ лоӧ пеликанъяслӧн да ёжъяслӧн оланінӧн, сэтчӧ овмӧдчасны сюзьяс да кырнышъяс. Господь мурталас сійӧс кӧвйӧн, веситас вескиӧн, медым вӧчны сійӧс кушӧн да мыгӧртӧмӧн.

Исай 5:5

Ӧні Ме висьтала тіянлы, мый вӧча Аслам виноград йӧркӧд. Ме кисьта сылысь потшӧссӧ, и сійӧс куштасны. Ме жугӧда сылысь стенъяссӧ, и сійӧс таляласны.

Еремей 14:2

– Иуда му бӧрдӧ, каръяслӧн дзиръяясыс вежыньтчисны, шогсьӧны муыс вӧсна, Ерусалимысь кыптӧ бӧрдӧм шы.

Еремей 5:10

– Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Еремей 52:13

Сійӧ сотіс Ерусалимысь Господьлысь крамсӧ, ӧксылысь керкасӧ да став ыджыд керкасӧ.

Бӧрданкыв 2:17

Господь вӧчис, мый кӧсйис, збыльмӧдіс Ассьыс кывсӧ, важысянь шуӧмсӧ. Сійӧ жалиттӧг бырӧдіс тэнӧ, вӧрӧглы лэдзис нимкодясьны, тэнӧ мустӧмтысьясӧс вылӧ кыпӧдіс.

Бӧрданкыв 2:18

Сьӧлӧмсяньыс шыасьӧ Господь дінӧ Сион нывлӧн стен! Лун и вой шорӧн кисьт синватӧ, ланьтлытӧг мед синмыд бӧрдӧ.

Бӧрданкыв 2:2

Господь жалиттӧг бырӧдіс Яковлысь оланінъяссӧ, скӧралігас пасьвартіс Иудалысь изкаръяссӧ, янӧдӧмӧн шыбитіс муас ӧксыӧс да юралысьясӧс.

Бӧрданкыв 2:5

Господь лои вӧрӧг кодь, Сійӧ виис Израильӧс, бырӧдіс сылысь керкаяссӧ, жугліс изкаръяссӧ, содтіс шогсӧ да бӧрдӧмсӧ Иуда нывлы.

Езекиль 20:22

Но Аслам нимӧй вӧсна Ме эг лэпты киӧс на вылӧ, медым Менсьым нимӧс эз ло янӧдӧма мукӧд войтыръяс водзын, кодъяслӧн син водзын Ме петкӧді найӧс Египетысь.