Бӧрданкыв 2:6 - Коми Библия 2023

⁶ Сад йӧрысь чомйӧс моз Сійӧ кисьтіс Ассьыс оланінсӧ, бырӧдіс войтырыслысь вежа чукӧртчанінсӧ. Господь лэдзис вунӧдны Сионын гажӧдчан лунъяс да шойччан лунъяс, ёна скӧралігас янӧдіс ӧксыӧс да попъясӧс.

Бӧрданкыв 2:6 Iomraidhean Croise

Псалтыр 74:7

Ӧд мортсӧ вылӧ кыпӧдӧмыс оз во асыввывсянь, рытыввывсянь либӧ овтӧминсянь,

Псалтыр 76:2

Ме гораа шыася Ен дінӧ, ме шыася Ен дінӧ, и Сійӧ кылас менӧ.

Псалтыр 80:12

Но Менам войтырӧй эз кывзы Менӧ, Израиль эз кывзысь Менсьым.

Исай 1:13

Тырмас нин ваявны Меным ковтӧм висьяснытӧ, Меным зывӧк налӧн тшынӧдчан дукыс! Ме мустӧмта выль тӧлысь да шойччан лун пасйӧмнытӧ, мустӧмта Ме водзӧ гажӧдчыны чукӧртчӧмнытӧ. Ті вӧчанныд мыж, но чукӧртчанныд Ме водзӧ гажӧдчыны – тайӧс Ме мустӧмта.

Исай 1:8

Сион ныв ӧткӧн сулалӧ виноград йӧрса чом моз, град йӧрса лэбув моз, кытшалӧм кар моз.

Исай 43:28

Та вӧсна Ме янӧді крамын кесъялысьясӧс, лэдзи бырӧдны Яковӧс, лёкӧдны Израильӧс.

Исай 5:5

Ӧні Ме висьтала тіянлы, мый вӧча Аслам виноград йӧркӧд. Ме кисьта сылысь потшӧссӧ, и сійӧс куштасны. Ме жугӧда сылысь стенъяссӧ, и сійӧс таляласны.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Исай 63:18

Сӧмын дженьыдик кад Тэнад вежа войтырыд ыджыдаліс аслас му вылын, а ӧні Тэнсьыд вежаинтӧ талялӧны миянӧс дзескӧдысьяс.

Исай 64:11

Ставнас сотісны миянлысь вежа да дзирдлуна крамнымӧс, кӧні миян батьясным ошкисны Тэнӧ. Ставнас пазӧдісны миянлысь мича оланіннымӧс.

Еремей 17:27

Но ті кӧ онӧ кывзӧй Менӧ, и шойччан луныс тіянлы оз ло вежа, а кутанныд шойччан лунӧ ветлыны нопйӧн ерусалимса дзиръяӧд, сэки тайӧ дзиръяяссӧ Ме биӧн сота. Биыс ньылыштас Ерусалимлысь керкаяссӧ, и некод оз кусӧд сійӧс».

Еремей 42:18

Господь Саваоф, Израильлӧн Ен, тадзи висьталӧ: ”Кыдзи Менам скӧрлунӧй да ярлунӧй киссис ерусалимса олысьяс вылӧ, тадзи жӧ Менам скӧрлунӧй киссяс тіян вылӧ, кор ті воанныд Египетӧ. Тіянӧс пондасны ёрны да лёкӧдны-омӧльтны, ті лоанныд повзьӧдчанторйӧн, и водзӧ ті онӧ нин аддзылӧй тайӧ мусӧ”.

Еремей 45:4

Но Господь тшӧктіс меным юӧртны тэныд, мый Сійӧ тадзи висьталӧ: ”Мый Ме лэпті, жугӧда, и мый Ме вужйӧді, нетшка. Вӧча тайӧс став му пасьталаыс.

Еремей 50:28

Кылӧ пышйӧмаяслӧн гӧлӧс шыныс, найӧ мездмӧмаӧсь Вавилонысь. Сионын найӧ висьталӧны, мый Господь, миян Енным, водзӧс перйис Аслас крамыс вӧсна.

Бӧрданкыв 1:4

Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Бӧрданкыв 4:16

Господь Ачыс разӧдіс-вӧтліс найӧс, Сійӧ на вылӧ оз нин видзӧдлы. Попъясӧс мустӧмтӧны, пӧрысьясӧс бурӧ оз пуктыны.

Бӧрданкыв 4:20

Дзескӧдысьлӧн налькйӧ шедіс ӧксыным, Господьлӧн мавтыштӧмаыс, олӧмным да ловшыным. А ми чайтім, мый сылӧн сайӧд улын олам войтыръяс пӧвстын.

Бӧрданкыв 5:12

Юралысьяснымӧс найӧ ӧшӧдісны, пӧрысьясӧс пыдди оз пуктыны.

Езекиль 17:18

Иудаса ӧксы нинӧмӧ пуктіс кыв сетӧмсӧ да торкис вавилонса ӧксыкӧд сёрнитчӧмсӧ, мый ки сетӧмӧн вынсьӧдіс. Та вӧсна сійӧ оз пышйы мыждӧмысь.

Левит 26:31

Каръяснытӧ Ме пасьварта, вежаинъяснытӧ бырӧда, чӧскыда ӧвтан висьяснытӧ ог сибӧд.

Софоний 3:18

– Ме чукӧрта найӧс, кодъяс шогсьӧны гажӧдчан лунъяс вӧсна, ӧд найӧс нуӧдісны Ерусалимысь, найӧс личкӧ лёкӧдӧм-омӧльтӧмыс.

Малакий 2:9

Ме янӧда тіянӧс, став войтырыс кутас увтыртны тіянӧс, ӧд ті онӧ ветлӧй Менам туйӧд, а велӧдіганыд кӧсъянныд шогмыны мортлы.