Бӧрданкыв 2:16 - Коми Библия 2023

¹⁶ Тэнӧ мустӧмтысьяс жеръялӧны тэ вылын, шутьлялӧны, пиньнысӧ йирӧмӧн шуалӧны: «Ми ньылыштім сійӧс! Ми ёна виччысим тайӧ лунсӧ, а ӧні аддзам сійӧс!»

Бӧрданкыв 2:16 Iomraidhean Croise

Псалтыр 109:2

Господь мӧдӧдас Тэныд юралан бедьсӧ Сионсянь, медым Тэ ыджыдалін вӧрӧгыд вылын.

Псалтыр 124:3

Лёк вӧчысь оз кут ыджыдавны веськыда олысьяслӧн му вылын, медым веськыда олысьяс эз нюжӧдны кинысӧ лёксӧ вӧчны.

Псалтыр 37:12

Дойясӧй вӧсна менам ёртъясӧй да муса йӧзӧй ылыстчисны меысь, менам матыссаяс ӧтдортчисны.

Псалтыр 41:8

Пыдӧстӧм саридзьяс гораа сёрнитӧны ӧта-мӧдныскӧд, Тэнад ваясыд ыджыд шыӧн бузгӧны, став Тэнад гыясыд мунӧны менам юр весьтті.

Псалтыр 56:2

Енмӧй, ло бур сьӧлӧма ме дінӧ, бурсьӧлӧмтчы, ӧд Тэ вылӧ ме лача кута. Ме сайӧдча Тэнад бордъяс улӧ, кытчӧдз шогыс оз помась.

Псалтыр 57:3

Сьӧлӧманыд ті лёксӧ вӧчанныд, асланыд киӧн виаланныд-дзескӧданныд.

Исай 49:19

Тэнсьыд муястӧ куштӧма, сэні эз коль олысьыс, тэнсьыд мутӧ дзикӧдз пазӧдӧма. Но тэныд дзескыд лоӧ уна лыда олысьяс вӧсна, тэнӧ куштысьяс дзикӧдз ылыстчасны тэ дінысь.

Еремей 29:18

Ме кута дзескӧдны найӧс шыпуртӧн, тшыглунӧн да пӧрӧс висьӧмӧн. Став мувывса войтыръяслы Ме вӧча найӧс повзьӧдчанторйӧн. Найӧс кутасны ёрны да лёкӧдны-омӧльтны быдлаын, кытчӧ Ме вӧтла найӧс.

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Еремей 50:7

Накӧд паныдасьысьяс уськӧдчывлісны на вылӧ, найӧс мустӧмтысьяс шуавлісны, ми пӧ абу мыжаӧсь, ӧд найӧ мыж вӧчисны веськыдлуныслӧн оланінлы паныд да Господьлы паныд, код вылӧ батьясныс лача кутісны.

Еремей 51:34

– Вавилонса Навукодоносор ӧксы сёйис-йирис миянӧс, вӧчис Сионӧс куш дозйӧн. Гундыр моз сійӧ ньылыштіс миянӧс, чӧсмасис миянӧн да тыртіс ассьыс рушкусӧ, а коляссӧ быликтіс.

Бӧрданкыв 1:21

Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Бӧрданкыв 3:46

Миянӧс мустӧмтысьяс пиньнысӧ йирӧны.

Езекиль 23:32

Господь Ыджыдыс тадзи висьталӧ: тэ кутан юны чойыдлӧн чашаысь, джуджыд да паськыд дозйысь. Чашаыс тырӧма сералӧмӧн да лёкӧдӧмӧн.

Езекиль 25:15

Господь Ыджыдыс тадзи висьталӧ: филистимсаяс дугдывтӧг мустӧмтісны да пыр кӧсйисны бырӧдны Иуда войтырӧс. Найӧ увтыртісны да водзӧс перйисны Иуда войтырлысь.

Езекиль 25:3

Тшӧкты налы кывзыны Господь Ыджыдлысь кывсӧ. Господь Ыджыдыс тадзи висьталӧ: ті сералінныд, кор Менсьым вежаинӧс пежалісны, Израиль муӧс куштісны да Иуда войтырӧс нуӧдісны пленӧ.

Езекиль 25:6

Господь Ыджыдыс тадзи висьталӧ: ті клопайтӧмӧн, чеччалӧмӧн да лёкӧдӧмӧн нимкодясинныд сыысь, мый суис Израиль муӧс.

Езекиль 36:3

Но тэ пророкав налы, мый Господь Ыджыдыс тадзи висьталӧ: тіянӧс куштӧма, и мукӧд войтыръяс быд боксянь кӧсйӧны босьтны тіянӧс аслыныс. Найӧ лёкӧдӧмӧн сёрнитӧны тіян йылысь.

Езекиль 5:15

Тэ гӧгӧр олысь войтыръяс кутасны лёкӧдны-омӧльтны тэнӧ. Найӧс полӧм босьтас, кор аддзасны, мый Ме мыжді тэнӧ да кисьті тэ вылӧ Ассьым скӧрлунӧс да ярлунӧс. Тайӧс висьтала Ме, Господь.

Осий 8:8

Израильӧс ньылыштӧма! Войтыръяс пӧвстын ӧні сійӧ ковтӧм дозмук кодь.

Микей 4:11

Ӧні тэныд паныд чукӧртчисны войтыръяс, найӧ шуалӧны: «Вай янӧдам Сион нылӧс, кутам видзӧдны сійӧс бырӧдӧмсӧ».

Ап. уджъяс 7:54

Тайӧс кывзігӧн веськӧдлан котырӧ чукӧртчӧмаяс пузисны скӧрысла, пондісны пиньнысӧ йирны.