Бӧрданкыв 2:12 - Коми Библия 2023

¹² Мамныслы шуӧны: «Сёйны кӧсъям! Юны кӧсъям!» Карса изэрдъяс вылын тышын доймалӧмаяс моз найӧ кулӧны, мам ки выланыс ловнысӧ лэдзӧны.

Бӧрданкыв 2:12 Iomraidhean Croise

Иов 30:16

Менӧ шымыртісны шогӧн тырӧм лунъяс, олӧмӧй эновтӧ менӧ.

Псалтыр 42:4

Ме матыстча Тэнад висьпуктанін дорӧ, матыстча Тэ дінӧ, Енмӧй. Тэ сетан меным нимкодьлун да гажлун, гуслиӧн ворсӧмӧн ме кута ошкыны Тэнӧ, менам Енмӧй.

Псалтыр 62:8

Ӧд Тэ – меным отсӧг сетысьыс, Тэнад бордъяс улын ме кута долыда нимкодясьны.

Исай 51:20

Лэчкӧ шедӧм антилопа моз тэнад пияныд вынтӧммисны, куйлӧны быд туйвежын. Найӧ пӧтісны Господьлӧн скӧрлунысь, тэнад Енлӧн чорыда мыждӧмысь.

Исай 53:12

Та вӧсна Ме сета Сылы пай ыджыдъяс пӧвстын, тышын шедӧдӧмасӧ Сійӧ пондас юкны вынаяскӧд, ӧд Сійӧ сетіс Асьсӧ кулӧм вылӧ, Сійӧс пуктісны лёк вӧчысьяс лыдӧ. Сійӧ босьтіс Ас вылас уна йӧзлысь мыжъяссӧ, кевмысис лёк вӧчысьяс вӧсна.

Еремей 5:17

Найӧ сёясны тэнсьыд кӧдзастӧ и няньтӧ, виасны тэнсьыд пиянтӧ и нывъястӧ, сёясны тэнсьыд ыжъястӧ и ӧшъястӧ, виноградтӧ и инжиртӧ. Шыпуртӧн найӧ бырӧдасны изкаръяснытӧ, мый вылӧ ті лача кутанныд.

Бӧрданкыв 1:11

Ерусалимын олысьяс ойзӧны, корсьӧны нянь, став озырлунсӧ найӧ вежӧны сёян вылӧ, медым ловйӧн кольны. – Видзӧдлы, Господьӧй! Тэ аддзан, кутшӧма менӧ мустӧмтӧны.

Бӧрданкыв 4:4

Нёньпом кагаяслӧн горшыс косьмӧ, кывйыс ляскысьӧма горш бердас. Челядь корӧны нянь, но некод налы оз сет.

Езекиль 30:24

Вавилонса ӧксылысь кисӧ ёнмӧда да сета сылы киас Ассьым шыпуртӧс, а фараонлысь кисӧ чега. Ёна дойдалӧмаӧн сійӧ пондас ымзыны-бӧрдны вавилонса ӧксы водзын.