Бӧрданкыв 1:8 - Коми Библия 2023

⁸ Ыджыд мыж вӧчис Ерусалим, та вӧсна сійӧс ӧтдортӧны. Сійӧс пыдди пуктысьяс ӧні мустӧмтӧны сійӧс, ӧд аддзӧны сылысь яналӧмсӧ. Чужӧмсӧ бергӧдӧмӧн Ерусалим сьӧкыда ышлолалӧ.

Бӧрданкыв 1:8 Iomraidhean Croise

Олӧм 3:7

Сэки налӧн кыкнанныслӧн воссисны синъясыс, и найӧ гӧгӧрвоисны, мый пасьтӧмӧсь. Найӧ кӧрталісны косканыс инжир пу коръясысь вевттьӧд.

Ӧксыяслӧн 3 небӧг 9:6

Но ті да тіянсянь чужысьяс кӧ кежанныд Меысь, онӧ кутӧй овны Менам индӧд-тшӧктӧмъяс серти, мый Ме сеті тіянлы, кутанныд кӧ кесъявны да юрбитны мукӧд енъяслы,

Ӧксыяслӧн 3 небӧг 9:7

сэки Ме бырӧда Израиль войтырӧс сійӧ му вывсьыс, мый Ме сеті налы. А тайӧ крамсӧ, мый Ме вежӧді-торйӧді Аслым, Ме ӧтдорта Аслам чужӧмбан водзысь, и Израиль войтыр лоӧ серамтуйын войтыръяс пӧвстын.

Ӧксыяслӧн 3 небӧг 9:9

Сылы вочавидзасны: ”Израиль войтыр эновтіс Господьӧс, ассьыс Енсӧ, коді петкӧдіс налысь батьяссӧ Египет муысь. Найӧ сирасисны мукӧд енъяс дінӧ, юрбитісны-кесъялісны налы. Та вӧсна Господь ыстіс налы став тайӧ лёксӧ”».

Исай 47:3

Мед тыдовтчас тэнад куш яйыд, мед аддзасны тэнсьыд яндзимтӧ. Ме водзӧс перъя, и некодӧс ог жалит.

Еремей 13:22

Ас пытшкад тэ шуан: «Мыйысь менӧ суис тайӧ?» Тэнад лыдтӧм-тшӧттӧм мыжъясыд вӧсна лэптісны тэнсьыд бӧждортӧ, мырдӧналісны-янӧдісны тэнӧ.

Еремей 13:26

Таысь Ме чужӧм вылӧдзыд лэпта бӧждортӧ, медым тыдовтчас тэнад яндзимыд.

Еремей 15:4

Сыысь, мый Езекейлӧн Манассей пиыс, иудаса ӧксы, вӧчис Ерусалимын, Ме вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Еремей 6:28

Ставныс найӧ – асныраӧсь да кывзысьтӧмӧсь, олӧны суклясьӧмӧн. Найӧ шогмытӧмӧсь, ыргӧн да кӧрт кодьӧсь.

Бӧрданкыв 1:11

Ерусалимын олысьяс ойзӧны, корсьӧны нянь, став озырлунсӧ найӧ вежӧны сёян вылӧ, медым ловйӧн кольны. – Видзӧдлы, Господьӧй! Тэ аддзан, кутшӧма менӧ мустӧмтӧны.

Бӧрданкыв 1:17

Сион нюжӧдӧма кисӧ, но бурӧдысьыс абу. Орччӧн олысь войтырлы Господь тшӧктіс дзескӧдны Яковӧс. Ерусалим лои пежӧн налӧн син водзын.

Бӧрданкыв 2:10

Сионса пӧрысь йӧз чӧла пукалӧны му вылын, юрнысӧ коялӧмаӧсь пӧимӧн, гартыштчӧмаӧсь шогалан паськӧмӧ. Ерусалимса нывъяс юрнысӧ копыртӧмаӧсь мулань.

Бӧрданкыв 4:21

Нимкодясь да гажӧдчы, Уц муын олысь эдом войтыр! Тэ кутан юны Енлӧн скӧрлуна дозйысь, коддзымӧныд юан да пасьтӧгыд пӧрччысян.

Езекиль 23:29

Найӧ скӧрпырысь вӧчасны тэныд лёксӧ, мырддясны тэнсьыд ставсӧ, мый удж помсьыд чукӧртін. Найӧ колясны тэнӧ пасьтӧгыд. Тэнад куш яйыд кутас тыдавны, воссяс тэнад лэдзчысьӧм олӧмыд да кырсалӧмыд.

Езекиль 23:46

Господь Ыджыдыс тадзи висьталӧ: кыпӧдӧй йӧзӧс Оголалы да Оголивалы паныд, медым повзьӧдны найӧс да мырддьыны налысь озырлунсӧ.

Езекиль 39:23

Войтыръяс тӧдмаласны, мый Израиль войтырӧс вӧлі нуӧдӧма пленӧ асланыс мыж вӧсна – сыысь, мый эновтісны Менӧ. Та вӧсна Ме дзеби наысь Ассьым чужӧмбанӧс да сеті найӧс вӧрӧг киӧ, и найӧ ставныс кулісны шыпурт помысь.

Осий 2:10

Ме пӧрччӧда сійӧс да янӧда мусукъясыс водзын, и некод оз вермы мездыны сійӧс Менам киысь.

Осий 2:3

Оз кӧ, Ме сійӧс кушӧдз пӧрччӧда, пузчужӧм кагаӧс моз пасьтӧгыс коля. Ме вӧча сійӧс овтӧминӧн, вӧча сійӧс кос муӧн, горш косьмӧмысла сійӧ кулас.

Восьтӧм 3:18

Ме туйдӧда тэнӧ. Ньӧб Менсьым биын весалӧм зарни да озырмы. Ньӧб Менсьым еджыд паськӧм, медым вермин вевттьысьны, медым эз тыдав тэнӧ янӧдан пасьтӧм вир-яйыд. Ньӧб Менсьым мавтантор да мавт сыӧн синтӧ, медым аддзин.

Ӧксыяслӧн 1 небӧг 2:30

Ме кӧсйыси, – висьталӧ Господь, Израильлӧн Ен, – мый тэнад рӧдыд да батьыдлӧн рӧдыс пондасны пыр кесъявны Меным. Но ӧні оз ло тадзи, – висьталӧ Господь. – Ме пыдди пукта Менӧ пыдди пуктысьясӧс да янӧда Менӧ лёкӧдысьясӧс.