Бӧрданкыв 1:4 - Коми Библия 2023

⁴ Сионӧ нуӧдан туйяс бӧрдӧны, некод оз лок гажӧдчан лунъяс кежлӧ, сылӧн дзиръяясӧд пырысьыс абу. Попъяс сьӧкыда ышлолалӧны, нывъяс шогысла ойзӧны – Сион тырӧма курыд шогӧн.

Бӧрданкыв 1:4 Iomraidhean Croise

Еремей 10:22

Кывзӧй, вайӧны юӧр, мый войвыв муысь гора шыӧн локтӧ вӧрӧг, иудаса каръяс сійӧ вӧчӧ овтӧминӧн, шакалъяслы оланінӧн.

Еремей 14:2

– Иуда му бӧрдӧ, каръяслӧн дзиръяясыс вежыньтчисны, шогсьӧны муыс вӧсна, Ерусалимысь кыптӧ бӧрдӧм шы.

Еремей 9:11

– Ме вӧча Ерусалим карӧс из чукӧрӧн, шакалъяслы оланінӧн. Иудаса каръясӧс Ме вӧча овтӧминӧн, сэні некод оз кут овны.

Бӧрданкыв 1:21

Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Бӧрданкыв 5:13

Зонъясӧс изки бердӧ сувтӧдісны, зонпосни кок йывсьыныс усьӧны пес кыскалӧмысь.

Бӧрданкыв 5:14

Юрнуӧдысьяс оз нин пукавны карса дзиръя дорын, том йӧз оз нин сьывны-ворсны.

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Левит 26:22

Мӧдӧда тіян вылӧ зверъясӧс, и найӧ гусявласны ныв-пинытӧ да косявласны ыж-мӧснытӧ. Ті кутанныд чинӧмӧн чинны, и тіян туйяс вывті ветлысь-мунысьыс оз ло.

Микей 3:12

Тіян вӧсна Сионӧс лоӧ муӧс моз гӧрӧма, Ерусалимысь кольӧ сӧмын из чукӧр, крамлӧн керӧсыс вӧрсялас.