Бӧрданкыв 1:3 - Коми Библия 2023

³ Иудаӧс нуӧдісны йӧз муӧ, сійӧ шогсьӧ, нартитӧмсьыс сьӧкыдалӧ. Сійӧ олӧ мукӧд войтыръяс пӧвстын, оз тӧд шойччӧгсӧ. Дзескӧдысьяс суӧдісны Иудаӧс, сійӧ эз вермы пышйыны.

Бӧрданкыв 1:3 Iomraidhean Croise

Ӧксыяслӧн 4 небӧг 25:11

А карас кольӧм войтырсӧ, весиг вавилонса ӧксы дор вуджӧм йӧзӧс, Навузардан, ӧксыӧс видзысьяслӧн юралысь, нуӧдіс Вавилонӧ.

Ӧксыяслӧн 4 небӧг 25:21

Ривлаын, Хамат муын, вавилонса ӧксы виис найӧс. Тадзи Иуда войтырӧс вӧлі нуӧдӧма пленӧ аслас муысь.

Ӧксыяслӧн 4 небӧг 25:4

карсӧ кытшалысь калдеяса тышкайӧз жугӧдісны карса стенсӧ. Войнас иудаса тышкайӧз петісны Ерусалим карысь дзиръяӧд, мый вӧлі кыкпӧвста стенмас ӧксылӧн сад дорын. Седекей ӧксы аслас йӧзкӧд пышйис Йӧрдан ковтыслань.

Ӧксыяслӧн 4 небӧг 25:5

Но калдеяса тышкайӧз вӧтчисны ӧксы бӧрся да суӧдісны сійӧс Ерикон кардорса ковтысын. Ӧксылӧн тышкайӧзыс эновтісны сійӧс да пышйисны-разалісны.

Еремей 13:19

Негевын пӧдлалӧмаӧсь кар дзиръяяссӧ, некодлы найӧс восьтнысӧ. Иуда войтырӧс нуӧдӧны пленӧ, ставнысӧ ӧтитӧг босьтӧмаӧсь.

Еремей 16:16

Ме мӧдӧда уна чери кыйысьӧс, – висьталӧ Господь, – найӧ пондасны чериӧс моз кыйны Иуда войтырӧс. Сэсся мӧдӧда уна вӧралысьӧс, кодъяс пондасны вӧтлыны найӧс керӧсъяс да мылькъяс вылысь, тшӧтш кырта потасъясысь.

Еремей 24:9

Быдлаын, кытчӧ Ме вӧтла найӧс, вӧча найӧс повзьӧдчанторйӧн, и мукӧд войтыръяс кутасны повны, кор тӧдмаласны, мый накӧд лои. Найӧс кутасны лёкӧдны-омӧльтны, серамтуйӧ пуктыны да ёрны.

Еремей 39:9

Карсьыс коляс войтырсӧ да вавилонса ӧксы дор вуджысьясӧс Навузардан, ӧксыӧс видзысьяслӧн юралысь, нуӧдіс пленӧ Вавилонӧ.

Еремей 52:15

А карас кольӧм войтырсӧ, весиг гӧльясӧс да вавилонса ӧксы дор вуджӧм йӧзӧс, Навузардан, ӧксыӧс видзысьяслӧн юралысь, нуӧдіс Вавилонӧ.

Еремей 52:8

Но калдеяса тышкайӧз вӧтчисны Седекей ӧксы бӧрся да суӧдісны сійӧс Ерикон кардорса ковтысын. Ӧксылӧн тышкайӧзыс эновтісны сійӧс да пышйисны-разалісны.

Бӧрданкыв 2:9

Карса дзиръяяс муас вӧйисны, иган-тасъяссӧ Сійӧ пасьйис. Ӧксы да юралысьяс олӧны мукӧд войтыр пӧвстын, Енлысь Индӧдсӧ оз велӧдны, Господьсянь петкӧдчылӧмыс пророкъяслы абу.

Бӧрданкыв 4:15

– Вешйӧй, пежасьӧмаяс! – горзӧны налы. – Вешйӧй, вешйӧй, энӧ инмӧдчӧй! Найӧ мунӧны да шӧйтӧны мукӧд войтыръяс пӧвстын, но и сэтчӧ найӧс оз лэдзны овмӧдчыны.

Бӧрданкыв 5:5

Дзескӧдысьяс миянӧс сийӧсалісны, ми мудзӧмаӧсь, шойччӧгыс абу.

Езекиль 5:12

Тэнад олысьяс пӧвстысь ӧти пайыс кулас пӧрӧс висьӧмысь да тшыгъялӧмысь. Мӧд пайыс шыпурт помысь кулас тэнад стен сайын. А коймӧд пайсӧ Ме тӧвйыв разӧда. Ме перъя шыпуртӧс да вӧтӧда найӧс.

Индӧд 28:48

Та вӧсна ті кутанныд кесъявны Господьӧн [тіян Енмӧн] ыстӧм вӧрӧгныдлы тшыгъяліганыд да горш косьмиганыд. Ті пасьтӧг колянныд, тіян нинӧм оз ло. Господь сийӧсалас тіянӧс кӧрт сийӧсӧн, кытчӧдз оз бырӧд тіянӧс.