Бӧрданкыв 1:2 - Коми Библия 2023

² Войнас сійӧ ырзӧмӧн бӧрдӧ, синваыс чужӧмбанӧдыс тюрӧ. Сійӧс бурӧдысьыс абу, весиг на пӧвстын, кодъяслы сійӧ вӧлі муса. Ёртъясыс пӧрйӧдлісны сійӧс, кутісны мустӧмтны.

Бӧрданкыв 1:2 Iomraidhean Croise

Иов 6:15

Но менам ёртъяслы оз позь эскыны, найӧ визув ю кодьӧсь, котӧртысь шор кодьӧсь.

Иов 7:3

Меным вичмисны ковтӧм тӧлысьяс, индӧма сьӧкыд войяс.

Псалтыр 126:5

Шуда сійӧ мортыс, коді татшӧм ньӧвъяснас тыртӧ вӧралан нопсӧ. Сылы оз ло яндзим, кор мустӧмтысь кутас мыжавны сійӧс карса дзиръя дорын.

Псалтыр 31:11

Веськыда олысьяс, гажӧдчӧй да нимкодясьӧй Господьӧн! Нимкодясьӧй, веськыд сьӧлӧмаяс! Ошкӧм.

Псалтыр 6:6

Кулӧм мортыд оз нин казьтыв Тэнӧ, гуын куйлысь оз нин ошкы Тэнӧ.

Шусьӧгъяс 19:7

Гӧль морттӧ мустӧмтӧны вокъясыс, бергӧдчӧны сыысь весиг ёртъясыс. Сійӧ кӧсйӧ сёрнитны, но найӧ абуӧсь нин.

Еремей 13:17

Ті кӧ онӧ кывзӧй тайӧ кывъяссӧ, менам сьӧлӧмӧй пондас гусьӧн бӧрдны, кутас курыда бӧрдны тіян ышнясьӧм вӧсна. Менам синваӧй пондас лэччыны шорӧн, ӧд Господьлысь войтырсӧ лоӧ нуӧдӧма пленӧ.

Еремей 2:25

Видзчысь, медым котралігад эн коль кӧмтӧг, медым горшыд дзикӧдз эз косьмы. Но тэ шуин: «Ог кӧсйы кывзыны тайӧс! Меным мусаӧсь мукӧд енъяс, и налы ме юрбита».

Еремей 3:1

Господь тадзи висьталӧ: «Верӧсыс кӧ вӧтлас ассьыс гӧтырсӧ, и гӧтырыс кӧ верӧс дінсьыс мунӧм бӧрын петас мӧд сайӧ, сэки верӧсыс оз вермы сійӧс бӧр босьтны. А тадзи кӧ вӧчанныд, мунытӧ пежаланныд. Тэ, Израиль войтыр, кырсалысь ань моз сетчин мукӧд енъяслы, но ӧні бергӧдчы Ме дінӧ, – висьталӧ Господь. –

Еремей 30:14

Став тэнад ёртъясыд вунӧдісны тэнӧ, найӧ оз тӧждысьны тэ вӧсна. Вӧрӧг моз Ме пасьварті тэнӧ, чорыда мыжді тэнӧ уна лёк вӧчӧмсьыд, лыдтӧм-тшӧттӧм мыжъяссьыд.

Еремей 4:30

А тэ, пазӧдӧм кар, мый вӧчан? Тэ пасьталан пемыдгӧрд паськӧм, мичмӧдан асьтӧ зарни мичмӧдчанторъясӧн, мавтан синдорыштӧ. Но весьшӧрӧ тэ мичмӧдан асьтӧ, ӧд тэнад мусукъясыд мустӧмтӧны тэнӧ, найӧ кӧсйӧны босьтны тэнсьыд олӧмтӧ.

Еремей 9:1

Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.

Бӧрданкыв 1:19

Ме кори муса ёртъясӧс отсавны, но найӧ пӧрйӧдлісны менӧ. Попъяс да юрнуӧдысьяс корсьӧны кынӧмпӧт, медым ловйӧн кольны, но тшыгнысла найӧ кулӧны карас.

Бӧрданкыв 1:21

Йӧзыс кылӧны менсьым ойзӧмӧс, но бурӧдысьыс абу. Вӧрӧг кыліс менам сьӧкыдалӧм йылысь, сійӧ нимкодясьӧ, мый Тэ тайӧс вӧчин. Мед суас найӧс Тэӧн индӧм луныс, мед лоас накӧд, кыдзи лои мекӧд.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Бӧрданкыв 2:11

Синмӧй пемдіс бӧрдӧмсьыс, пытшкӧсӧй шызьӧма, сьӧлӧмӧй потӧ шогысла, ӧд менсьым войтырӧс бырӧдӧма, челядь да пузчужӧм кагаяс тшыгйысла кулӧны карса изэрдъяс вылын.

Езекиль 16:37

Та вӧсна Ме быдласянь чукӧрта тэныд паныд мусукъястӧ, кодъяс нимкодьпырысь волывлісны тэ дінӧ, найӧс, кодъясӧс тэ радейтлін, и кодъясӧс тэ мустӧмтлін. Ме сувтӧда тэнӧ на водзӧ пасьтӧгыд, и найӧ аддзасны тэнсьыд куш яйтӧ.

Осий 2:7

Сійӧ котӧртас аслас мусукъяс бӧрся, но оз суӧд, пондас корсьны найӧс, но оз аддзы. Сэки шуас: «Бӧр муна аслам верӧсӧй дінӧ. Ӧнія дорысь сэки меным бурджык вӧлі».

Микей 7:5

Ёртыдлы эн эскы, матыссаыд вылӧ лачатӧ эн кут. Вомтӧ каличав весиг гӧтырыд водзын, коді тэкӧд ӧти вольпасьын куйлӧ.

Восьтӧм 17:13

Налӧн ставныслӧн ӧти мог, та вӧсна став ассьыныс вынйӧрсӧ да ыджыдалан вынсӧ найӧ сетасны зверыслы.

Восьтӧм 17:16

Зверыслӧн дас сюрыс, кодъясӧс тэ аддзылін, мустӧмтасны кырсалысь аньӧс. Найӧ мырддясны сылысь ставсӧ да пӧрччӧдасны сы вылысь став паськӧмсӧ, сёясны сылысь вир-яйсӧ да сотасны биын.