Аввакум 3:4 - Коми Библия 2023

⁴ Сійӧ югъялӧ шонді моз, Сылӧн киысь вартӧ югӧрыс – Ассьыс вынсӧ сэтчӧ дзебӧма.

Аввакум 3:4 Iomraidhean Croise

Неемий 9:12

Луннас Тэ нуӧдін найӧс кымӧр сюръяӧн, войнас Тэ югзьӧдін налысь туйсӧ биа сюръяӧн.

Иов 26:14

Сылӧн уджъяс пиысь ставыс тайӧ сӧмын этшаниктор, Сы йылысь ми кылам сӧмын вашкӧдӧмсӧ. Коді вермас гӧгӧрвоны Сылысь гымалана вынсӧ?

Псалтыр 104:2

Сьылӧй Сылы, ошкӧй Сійӧс, висьтавлӧй Сылӧн шензьӧдана уджъясыс йылысь!

Псалтыр 18:12

Тэнад тшӧктӧмъясыд видзӧны кесйӧгтӧ, на серти олӧмысь вичмӧ ыджыд тырдон.

Петӧм 13:21

Луннас Господь муніс на водзвылын кымӧр сюръя пытшкын, медым индыны туйсӧ, а войнас – би сюръя пытшкын, медым югзьӧдны туйсӧ. Тадзи найӧ вермисны мунны луннас и войнас.

Петӧм 14:20

Тадзи кымӧр сюръяыс лои египетса йӧз да Израиль войтыр костын. Кымӧр сюръяыс египетсалы вӧлі сьӧд пемыдӧн, а израильсалы сійӧ войбыд югдӧдіс. Тадзи кык войтыр эз вермыны матыстчыны ӧта-мӧд дінас.

Шусьӧгъяс 18:10

Дышпырысь кӧ уджалан, тэ – бырӧдысьлы вок.

Езекиль 1:27

Ме аддзи, мый коссяньыс вылӧджык Сійӧ югъяліс-дзирдаліс, быттьӧ би пытшкын ыпъяліс. А коссяньыс улӧджык Сійӧ ставнас вӧлі би пытшкын. Сы гӧгӧр ставыс югъяліс-дзирдаліс.

Езекиль 43:2

Ме аддзи, мый асыввывсянь матыстчӧ Израиль Енлӧн дзирдлуныс. Ме кылі бузгысь ыджыд валысь кодь шы. Господьлӧн дзирдлунысь муыс югдіс.

Матвей 17:2

Велӧдчысьяс син водзын Исуслӧн мыгӧрыс вежсис: чужӧмыс пондіс шонді моз югъявны, паськӧмыс лои дзирдалана еджыд.

1 Тимофейлы 6:16

Сійӧ ӧтнас кувлытӧм, олӧ югыдас, кытчӧ матыстчыны он вермы. Морт Сійӧс эз аддзыв, и аддзыны оз вермы. Сійӧс нимӧдӧмыс, Сылӧн ыджыдалӧмыс помтӧм. Аминь.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.