Аввакум 2:19 - Коми Библия 2023

¹⁹ Курыд шог сылы, коді пуысь вӧчӧмторлы шуӧ: «Садьмы!» и сёрниттӧм излы: «Чеччы!» Вермасны-ӧ найӧ мыйӧкӧ велӧдны? Найӧс эжӧма эзысь-зарниӧн, но на пытшкын ловшыыс абу.

Аввакум 2:19 Iomraidhean Croise

Псалтыр 135:15

Фараонӧс да сылысь тышкайӧзсӧ Сійӧ пӧдтіс Гӧрд саридзын, Сылӧн буралӧмыс оз помасьлы.

Псалтыр 135:17

Сійӧ пасьвартіс ыджыд ӧксыясӧс, Сылӧн буралӧмыс оз помасьлы.

Псалтыр 97:7

Мед шызяс саридзыс да ставыс, мый сэні эм, мед шызяс муыс да став сэні олысьыс.

Исай 26:14

Найӧ кулӧмаӧсь, оз ловзьыны, гортйын куйлӧны, оз нин чеччыны, ӧд Тэ мыждін да бырӧдін найӧс, бырӧдін весиг на йылысь казьтывлӧмсӧ.

Исай 40:19

Серпасалысь сывдӧ бӧлбанӧс, вӧчасьысь эжӧ сійӧс зарниӧн, вӧчӧ сылы эзысь чепторъяс.

Исай 41:26

Коді та йылысь водзвыв висьталіс, медым ми тӧдім? Коді та йылысь водзвыв юӧртіс, медым ми вермим шуны, мый тайӧ збыль? Но тіян пӧвстысь некод эз висьтав та йылысь, некод эз юӧрт, тіянлысь кывъяснытӧ ми эгӧ кывлӧй.

Исай 44:17

Мӧд джынсьыс сійӧ вӧчӧ енмӧс, вӧчӧ аслыс бӧлбанӧс да юрбитӧ сылы, копрасьӧ сылы да кевмысьӧ: «Мезды менӧ, ӧд тэ – менам ен».

Исай 46:6

Идолъяслы юрбитысьяс перйӧны зепсьыныс зарни, веситӧны вески вылын эзысь, медалӧны вӧчасьысьӧс, и сійӧ вӧчӧ таысь енмӧс. Сэсся найӧ уськӧдчӧны муас, копрасьӧны асланыс енлы.

Исай 57:6

Шорбокса шыльыд изъяс – тэнад олӧмыдлӧн пайыс да шудыс. Тэ кисьтан на вылӧ вина вись, вись пыдди ваян налы нянь. Менам сьӧлӧмӧй ӧмӧй лэптас тайӧс?

Еремей 10:14

Быд морт мывкыдтӧм, сылӧн тӧдӧмлуныс абу, идолъясӧс сывдысь-вӧчысьӧс лоӧ янӧдӧма, ӧд сылӧн бӧлбанъясыс – ылӧг енъяс, на пытшкын олӧмыс абу.

Еремей 10:3

Ӧд войтыръяс эскӧны-юрбитӧны абутӧмыслы. Вӧрын кодкӧ пӧрӧдӧ пу, пуысь вӧчасьысь вӧчӧ бӧлбанӧс,

Еремей 10:4

мичмӧдӧ сійӧс эзысьӧн да зарниӧн, тувъялӧ сійӧс кӧрттувйӧн, медым сійӧ эз вӧр.

Еремей 10:9

Фарсисысь вайӧны эзысь, Уфазысь – зарни, вӧчасьысьяс вӧчӧны бӧлбанъясӧс, пасьтӧдӧны найӧс гӧрдовлӧз да пемыдгӧрд паськӧмӧ. Ставыс тайӧ – кужысь мортлӧн вӧчӧмторъяс.

Еремей 2:27

Пулы войтырыс шуӧ, тэ пӧ менам батьӧй, излы шуӧ, тэ пӧ чужтін менӧ. Найӧ бергӧдісны Меланьӧ мышнысӧ, а эз чужӧмнысӧ. Но кор шогыс суӧ найӧс, найӧ шуалӧны: «Лок да отсав миянлы!»

Еремей 2:28

Но кӧні тіян киӧн вӧчӧм енъясныд? Вермӧны кӧ, найӧ мед отсаласны тіянлы шог дырйиныд. Ӧд тэнад, Иуда войтыр, сы мында жӧ енмыс, мыйта тэнад карыд.

Еремей 51:17

Быд морт мывкыдтӧм, сылӧн тӧдӧмлуныс абу, идолъясӧс сывдысь-вӧчысьӧс лоӧ янӧдӧма, ӧд сылӧн бӧлбанъясыс – ылӧг енъяс, на пытшкын олӧмыс абу.

Еремей 51:47

Воасны лунъяс, кор Ме мыжда вавилонса идолъясӧс. Вавилон му лоӧ янӧдӧма, быдлаын пондасны куйлыны виӧмаяс.

Даниил 3:1

Навукодоносор ӧксы тшӧктіс вӧчны квайтымын гырддза судта да квайт гырддза пасьта зарни бӧлбанӧс да сувтӧдны сійӧс Вавилон муӧ Дура ласта вылӧ.

Даниил 3:18

Но весиг кӧ оз мезды, тӧд, ӧксыӧй, мый ми огӧ кутӧй кесъявны тэнад енъяслы и огӧ копыртчылӧй тэӧн сувтӧдӧм зарни бӧлбанлы».

Даниил 3:29

Ми мыж вӧчим, лёк вӧчим, Тэысь кежим, быдторйын мыжмим.

Даниил 3:7

Та вӧсна буксанлысь, пӧлянлысь, цитралысь, гуслилысь, арфалысь да мукӧд ворсанторлысь шысӧ кылігӧн войтыръяс, чужанкотыръяс да быд кыла йӧз кымынь уськӧдчӧмӧн копыртчылісны зарни бӧлбанлы, кодӧс сувтӧдіс Навукодоносор ӧксы.

Даниил 5:23

Тэ кыпӧдчин енэжвывса Господьлы паныд. Тэныд вайисны Господьлӧн крамысь босьтӧм дозмукъяс, и тэ да тэнад чина йӧзыд, гӧтыръясыд да кесйӧг-гӧтыръясыд юинныд сэтысь вина. Тэ ошкин эзысьысь да зарниысь, ыргӧнысь да кӧртысь, пуысь да изйысь вӧчӧм енъясӧс, кодъяс оз аддзыны, оз кывны да оз гӧгӧрвоны. А Енсӧ, кодлӧн киын тэнад олӧмыд да тэнад туйясыд, тэ эн ошкы.

Даниил 5:4

Найӧ юисны вина да ошкисны зарниысь да эзысьысь вӧчӧм енъясӧс, ыргӧнысь да кӧртысь вӧчӧм енъясӧс, пуысь да изйысь вӧчӧм енъясӧс.

Иона 1:5

Кывтысьяс ёна повзисны. Быдӧн кутіс кевмысьны аслас енлы. Корабльсӧ кокньӧдӧм могысь шыблалісны саридзӧ ставсӧ, мый позис шыбитны. А Иона сійӧ кадас чорыда узис корабль пытшкын.

Ап. уджъяс 17:29

Ми кӧ Енсянь чужысьяс, миянлы оз ков ӧткодявны Енсӧ зарни, эзысь либӧ изйысь вӧчӧмторъяскӧд, мый мӧвпыштӧма ачыс мортыс да вӧчӧма аслас кужысь киӧн.

Восьтӧм 17:4

Аньыс вӧлі пасьтасьӧма пемыдгӧрд рӧма да чим гӧрд рӧма паськӧмӧ. Сы вылын югъялісны зарниысь, дона изъясысь да жемчугысь мичмӧданторъяс. Киас сійӧ кутіс зарни доз, коді вӧлі тырӧма сылӧн кырсалӧмысь зывӧкнас да пежнас.