Ап. уджъяс 8:1 - Коми Библия 2023

¹ Степанӧс виӧмсӧ Савл лыддис буртор вӧчӧмӧн. Сійӧ лунсяньыс Ерусалимын ёна кутісны вӧтлыны эскысьясӧс. Апостолъясысь кындзи ставныс найӧ разӧдчисны Иудея да Самария пасьтала.

Ап. уджъяс 8:1 Iomraidhean Croise

Неемий 6:3

Ме мӧдӧді на дінӧ юӧртысьясӧс висьтавны, мый менам ыджыд удж мунӧ, и локнысӧ ог вермы, а локта кӧ, уджыс сувтас.

Даниил 6:10

Кор Даниил тӧдмаліс, мый ӧксы сетӧма татшӧм тшӧктӧм, сійӧ муніс гортас да кайис вылыс вежӧсас, кӧні ӧшиньясыс видзӧдісны Ерусалимлань. Воддза мозыс куимысь луннас сійӧ пидзӧсчанясьӧмӧн кевмысис аслас Енлы да ошкис Сійӧс.

Даниил 6:23

Даниил вӧсна ӧксы ёна нимкодясис да тшӧктіс лэптыны сійӧс гусьыс. Сійӧс лэптісны, и сылӧн вир-яйысь эз аддзыны некутшӧм дойдалӧм, ӧд сійӧ лача кутіс аслас Ен вылӧ.

Матвей 22:6

Мукӧдыс кутасны ӧксылысь кесйӧгъяссӧ, янӧдасны да виасны найӧс.

Матвей 23:34

Ме мӧдӧда тіян дінӧ пророкъясӧс, сюсь вежӧра йӧзӧс да велӧдысьясӧс. Ӧтиясӧс вианныд да крестӧ тувъяланныд, мӧдъясӧс синагогаын чорыда нӧйтанныд да карысь карӧ вӧтланныд.

Матвей 5:13

«Ті – муюгыдыслы солыс. Но воштас кӧ солыс ассьыс вынсӧ, кыдзи сійӧс бӧр соланас вӧчан? Сэки сійӧ нинӧм вылӧ оз шогмы, сійӧс сӧмын койыштӧны ветлысьяс кок улӧ.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Иоан 16:2

Тіянӧс вӧтласны синагогаысь. Весиг воас сэтшӧм кад, кор тіянӧс виысьяс кутасны чайтны, мый татшӧм ногӧн найӧ кесъялӧны Енмыслы.

Ап. уджъяс 1:8

Но кор лэччас тіян вылӧ Вежа Лов, тіянлы лоӧ сетӧма вын. Сэки понданныд висьтавлыны Ме йылысь Ерусалимын, став Иудеяын, Самарияын да став му пасьталаыс».

Ап. уджъяс 13:1

Антиокия вичкоын вӧліны пророкъяс да велӧдысьяс: Варнава, Симеон, кодӧс шуисны Нигерӧн, Киринеяысь Лукий, Манаин, коді быдмылӧма Ирӧд ӧксыкӧд, да Савл.

Ап. уджъяс 13:36

Давид аслас кадӧ пӧртіс олӧмас Енлысь кӧсйӧмсӧ. Сэсся сійӧ куліс, да сійӧс гуалісны батьяскӧд орччӧн. Давидным аддзыліс сісьмӧмсӧ,

Ап. уджъяс 2:47

Найӧ ставсьыс ошкисны Енмӧс. Йӧзыс найӧс бурӧ пуктісны, а Господь быд лун содтіс вичкоӧ мездмӧмаясӧс.

Ап. уджъяс 22:20

Кор Тэ йылысь висьталысь Степанӧс виисны, ме вӧлі сэні, видзи виысьяслысь паськӧмсӧ да лыдди виӧмсӧ бурторйӧн”.

Ап. уджъяс 26:10

Тадзи вӧчлі Ерусалимын: ме босьті аркирейяссянь гижӧд да вежа войтырӧс унаӧс пуксьӧдалі дзескыдінӧ, ме вӧлі найӧс виӧм дор.

Ап. уджъяс 5:18

Найӧ босьтісны апостолъясӧс да йӧртісны дзескыдінӧ.

Ап. уджъяс 5:20

«Мунӧй крамӧ да висьталӧй йӧзыслы тайӧ выль олӧм йывсьыс ставсӧ».

Ап. уджъяс 5:33

Тайӧс кылӧм бӧрын став веськӧдлан котырыс пузис скӧрысла, найӧ дасьӧсь вӧліны вины апостолъясӧс.

Ап. уджъяс 5:40

Веськӧдлан котыр кывзысис Гамалиэллысь. Сэки корисны апостолъясӧс да чорыда ӧлӧдісны, медым эз висьтавлыны Исус йылысь, сэсся нӧйтӧм бӧрын лэдзисны найӧс.

Ап. уджъяс 7:38

Ӧд Мӧисей, коді вӧлі овтӧминын миян батьяскӧд да кодкӧд сёрнитіс андел Синай керӧсын, босьтіс Енсянь ловъя кывъяссӧ, медым висьтавны миянлы.

Ап. уджъяс 7:54

Тайӧс кывзігӧн веськӧдлан котырӧ чукӧртчӧмаяс пузисны скӧрысла, пондісны пиньнысӧ йирны.

Ап. уджъяс 7:58

Сэсся петкӧдісны сійӧс кар сайӧ да пондісны изъявны. Изъялысьяс пукталісны вылыс паськӧмнысӧ Савл нима том мортлӧн кок дорӧ.

Ап. уджъяс 8:14

Ерусалимын апостолъяс кор кылісны, мый Самарияын сибӧдӧмаӧсь Енлысь кывсӧ, мӧдӧдісны сэтчӧ Петырӧс да Иоанӧс.

Ап. уджъяс 8:2

Вежавидзысь йӧз гуалісны Степанӧс, ыджыд бӧрдӧмӧн колльӧдісны сійӧс.

Ап. уджъяс 8:4

Разӧдчӧм эскысьяс ветлӧдлісны да висьтавлісны Бур Юӧр.

Ап. уджъяс 8:5

Самарияын Филип локтіс ӧти карӧ да сэні висьтавліс Кристос йылысь.

Ап. уджъяс 9:31

Став Иудея, Галилея да Самария пасьтала вичкояс олісны лӧня. Найӧ олісны Господьысь полӧмӧн да лунысь-лун ёнмисны. Вежа Лов ышӧдӧм улын вичкоясын эскысьяслӧн лыдыс содіс.

Римӧ 1:32

Найӧ тӧдӧны Енлысь веськыда мыждӧмсӧ, мый татшӧмтор вӧчысьӧс виччысьӧ кулӧм. Но та вылӧ видзӧдтӧг найӧ вӧчӧны лёксӧ, весиг ошкӧны тадзи вӧчысьясӧс.

Филипӧ 1:12

Вокъяс, кӧсъя, мед ті тӧдінныд, мый мекӧд лоӧмторъясыс ёнджыка на отсалісны меным висьтавлыны Бур Юӧрсӧ.

Еврейяслы 11:27

Эскӧмӧн Мӧисей петіс Египетысь, эз повзьы ӧксылӧн скӧрлунысь. Сійӧ вӧлі зумыд, ӧд видзӧдіс Тыдавтӧмыс вылӧ.