Ап. уджъяс 7:60 - Коми Библия 2023

⁶⁰ Сэсся пидзӧс вылас усьӧмӧн гораа горӧдіс: «Господьӧй, эн мыжды найӧс таысь». Тайӧс шуӧм бӧрын Степанлӧн лолыс петіс.

Ап. уджъяс 7:60 Iomraidhean Croise

Ездра 9:5

Рытъя вись ваян кадӧ ме чеччи шогалӧмысь. Косялӧм паськӧмӧн ме уськӧдчи пидзӧс вылӧ да нюжӧді киӧс аслам Господь Ен дінӧ.

Даниил 12:2

Сэки гуалӧмаяс пӧвстысь унаӧн ловзясны: ӧтияс – помтӧм олӧм вылӧ, мӧдъяс – янӧдӧм да помтӧм мустӧмтӧм вылӧ.

Даниил 6:10

Кор Даниил тӧдмаліс, мый ӧксы сетӧма татшӧм тшӧктӧм, сійӧ муніс гортас да кайис вылыс вежӧсас, кӧні ӧшиньясыс видзӧдісны Ерусалимлань. Воддза мозыс куимысь луннас сійӧ пидзӧсчанясьӧмӧн кевмысис аслас Енлы да ошкис Сійӧс.

Матвей 27:52

Шойгу кыртаяс воссялісны, уна вежа войтырлӧн шойыс ловзис,

Матвей 5:44

Ме шуа тіянлы: радейтӧй тіянӧс мустӧмтысьясӧс, бурсиӧй тіянӧс ёрысьясӧс, бурсӧ вӧчӧй тіянӧс дзескӧдысьяслы, кевмысьӧй тіянӧс ӧтдортысьяс да вӧтлысьяс вӧсна.

Лука 22:41

Ачыс ылыстчис наысь из шыбитӧм ылнаӧ да пидзӧс вылас сувтӧмӧн кевмысис:

Лука 23:34

Исус кевмис: «Батьӧй, прӧстит тайӧ йӧзсӧ, ӧд найӧ оз тӧдны, мый вӧчӧны». Шыпуртаяс пудъясьӧмӧн юкисны Исуслысь паськӧмсӧ.

Лука 6:28

бурсиӧй тіянӧс ёрысьясӧс да кевмысьӧй тіянӧс ӧтдортысьяс вӧсна.

Иоан 11:11

Тайӧс шуӧм бӧрын Исус содтіс: «Миян Лазар ёртным унмовсьӧма. Ме муна сійӧс садьмӧдны».

Ап. уджъяс 13:36

Давид аслас кадӧ пӧртіс олӧмас Енлысь кӧсйӧмсӧ. Сэсся сійӧ куліс, да сійӧс гуалісны батьяскӧд орччӧн. Давидным аддзыліс сісьмӧмсӧ,

Ап. уджъяс 20:36

Тайӧс шуӧм бӧрын Павел сувтіс пидзӧс вылас да ставныскӧд ӧтвылысь кевмысис.

Ап. уджъяс 21:5

Вежон мысти ми бара петім туйӧ. Ставныс гӧтыръясныскӧд да челядьныскӧд колльӧдісны миянӧс кар сайӧдзыс. Сэні вадорас ми сувтім пидзӧс выланым да кевмысим.

Ап. уджъяс 9:40

Петыр тшӧктіс петны ставныслы, ачыс пидзӧс вылас сувтӧмӧн кутіс кевмысьны. Сэсся шойланьыс бергӧдчӧмӧн шуис: «Тавита, чеччы!» Тавита восьтіс синсӧ, видзӧдліс Петыр вылӧ да пуксис.

1 Коринфӧ 11:30

Та вӧсна унаӧн тіян пӧвстысь жебӧсь, унаӧн висьӧны да унаӧн нин кулісны.

1 Коринфӧ 15:18

Сідзкӧ, Кристослы эскысьяс, кодъяс кулісны нин, пыр кежлӧ вошисны.

1 Коринфӧ 15:20

Но Кристос ловзис кулӧмысь, Сійӧ медводдзаӧн ловзис кулӧмаяс пӧвстысь.

1 Коринфӧ 15:51

Висьтала тіянлы гусятор: ми огӧ ставным кулӧй, но ставным вежсям.

1 Коринфӧ 15:6

сэсся ӧтпырйӧ петкӧдчис витсёысь унджык воклы. На пиысь унджыкыс ловъяӧсь на, ӧткымынӧн мӧдаръюгыдас нин вуджисны.

1 Фессалоникаӧ 5:10

Кристос куліс миян вӧсна, медым ми, ловъяӧсь али кулӧмаӧсь, олім Сыкӧд.

2 Тимофейлы 4:16

Ёрд водзын медводдза дорйысигӧн некод эз сувт ме дор, ставныс эновтісны менӧ. Мед оз ло лыддьӧма тайӧс налы мыжӧн.

2 Петыр 3:4

Найӧ пондасны шуны: «Кӧні нӧ сійӧ Локтысьыс, коді кӧсйысьліс тай? Миян батьяс кулісны нин, но ставыс коли важ мозыс, му пуксьӧмсяньыс нинӧм эз вежсьы».