Ап. уджъяс 7:44 - Коми Библия 2023

⁴⁴ Овтӧминын миян батьяслӧн вӧлі вежа чом. Тайӧ вежа чомйыс висьталіс, мый Енмыс олӧ на пӧвстын. Ен петкӧдліс Мӧисейлы вежа чомлысь серпассӧ да тшӧктіс вӧчны дзик жӧ сідзи.

Ап. уджъяс 7:44 Iomraidhean Croise

1 Каднебӧг 28:11

Давид сетіс аслас Соломон пиыслы серпасъяс, мый серти колӧ вӧлі вӧчны крам посводз да дзоньнас крамсӧ, озырлун видзанінъяс, вылысса жыръяс, вежӧсъяс да Ен куд видзан вежаин.

1 Каднебӧг 28:19

«Став тайӧ тшӧктӧмъяссӧ крам вӧчӧм йылысь ме тӧдмалі Господьсянь да гижи найӧс», – висьталіс Давид.

2 Каднебӧг 24:6

Та вӧсна Йоас корис ас дінас Иодай аркирейӧс да юаліс сылысь: «Мыйла тэ он тшӧкты левитъяслы, медым найӧ Иудаын да Ерусалимын олысьяслысь чукӧртісны вот? Ӧд Мӧисей, Господьлӧн кесйӧг, да Израиль войтыр тшӧктылісны чукӧртны сьӧм вежа чом вылӧ.

Петӧм 25:40

Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».

Петӧм 26:30

Вежа чомсӧ сувтӧд, кыдзи петкӧдлӧма вӧлі тэныд керӧс вылын.

Петӧм 27:8

Асьсӧ висьпуктанінсӧ вӧч пӧвйысь, сылӧн пытшкӧсыс мед вӧлі куш. Кыдзи петкӧдлӧма вӧлі тэныд керӧс вылын, сідзи и вӧчӧй сійӧс».

Петӧм 38:21

Мӧисейлӧн тшӧктӧм серти Аарон поплӧн Итамар пи веськӧдлӧм улын левитъяс гижисны ставсӧ, мыйысь вӧлі вӧчӧма йитӧдлысь вежа чомсӧ.

Лыд 10:11

Мӧд вонас мӧд тӧлысьлӧн кызьӧд лунӧ кымӧрыс кыпӧдчис вежа чом весьтысь,

Лыд 18:2

Левий рӧдысь вокъястӧ босьт кесъявны, медым найӧ отсасьӧны тэныд вежа чом водзын пияныдкӧд кесъялігӧн.

Лыд 9:15

Сійӧ лунӧ, кор вӧлі сувтӧдӧма вежа чомсӧ, сійӧс вевттис кымӧр. Рытсяньыс асылӧдзыс вежа чом весьтын ӧзъяліс мыйкӧ би сяма.

Еврейяслы 8:2

да кесъялӧ енэжвывса вежаинын, Енлӧн збыль вежа чомйын. Тайӧ вежа чомсӧ сувтӧдіс Господь, а эз морт.

Еврейяслы 8:5

Найӧ кесъялӧны крамын, мый вӧчӧма енэжвывсаӧс моз. Крамыс – енэжвывсаыслӧн вуджӧрыс. Мувывса вежа чомсӧ вӧчтӧдз на Енмыс висьталіс Мӧисейлы: «Ставсӧ вӧч дзик сідзи, кыдзи вӧлі петкӧдлӧма тэныд керӧс вылын».

Нав Исус 18:1

Став Израиль войтыр чукӧртчис Силомӧ да сувтӧдіс вежа чом. Муыс вӧлі израильсаяслӧн киын,

Нав Исус 3:14

Израиль войтыр мӧдӧдчис Йӧрдан юлань, медым вуджны сійӧс. Попъяс нуисны [Господьлысь] Йитӧд кудсӧ войтырыс водзвылын.