Ап. уджъяс 5:5 - Коми Библия 2023

⁵ Тайӧс кылӧм бӧрын Ананий усис да сылӧн лолыс петіс. Та йылысь кывлысьясӧс ставнысӧ ыджыд полӧм босьтіс.

Ап. уджъяс 5:5 Iomraidhean Croise

Ӧксыяслӧн 4 небӧг 2:24

Елисей бергӧдчис налань, видзӧдліс на вылӧ да ёрис Господь нимӧн. Сэки кык ош петісны вӧрсьыс да косявлісны зонпосни пӧвстысь нелямын кык зонкаӧс.

1 Каднебӧг 13:12

Сійӧ лунӧ Давид ёна повзис Енмысь. Сійӧ шуис: «Ме ог вермы босьтны Енлысь кудсӧ ас дінӧ».

1 Каднебӧг 15:13

Водзынджык энӧ ті новлӧдлӧй кудсӧ, та вӧсна Господь, миян Енным, мыждіс миянӧс, ӧд ми эгӧ шогмана ногӧн шыасьлӧй Сы дінӧ».

Псалтыр 64:9

Му пельӧсын олысьяс повзясны Тэнад шензьӧданаторъясысь, асылын и рытын кутасны кыпӧдны Тэныд ошкӧмсӧ.

Еремей 5:14

Господь Ен Саваоф тадзи висьталӧ: – Сыысь, мый найӧ шуалӧны татшӧм кывъяс, Ме пукта Ассьым кывъясӧс тэнад вомӧ, и вӧча найӧс биӧн. А тайӧ войтырыс лоӧ пескӧн, и биыс ньылыштас найӧс.

Езекиль 11:13

Менам пророкалігкості куліс Бенайлӧн Пелатий пиыс. Ме кымынь уськӧдчи да понді горзыны: «Господьӧй Ыджыдӧй! Тэ ӧмӧй дзикӧдз бырӧдан Израильлысь коляс войтырсӧ?»

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Ап. уджъяс 13:11

Господьлӧн киыс ӧні тэ вылын: тэ синтӧмман да индӧм кадӧдз он кут аддзыны шонді югӧрсӧ». Дзик пыр сылӧн синмыс пемдіс. Сійӧ пондіс бергавны ӧтарӧ-мӧдарӧ, корсьны нуӧдысьӧс.

Ап. уджъяс 2:43

Йӧз пӧвстын паськаліс полӧм. Енмыс уна шензьӧданатор да индысьпас петкӧдліс апостолъяс пыр Ерусалимын.

Ап. уджъяс 5:13

Йӧзыс полісны ӧтувтчыны накӧд, но ошкисны найӧс.

1 Коринфӧ 4:21

Сідзкӧ, мыйӧн локны тіян дінӧ: беддьӧн али рам сьӧлӧмӧн да муслунӧн? Мый бӧръянныд?

2 Коринфӧ 13:10

Ставсӧ тайӧс водзвыв гижа, медым, кор воа тіянӧ, меным эз ковмы чорыдлунӧн ыджыдавны тіян вылын. Ӧд Господь пуктіс менӧ ыджыдавны тіянӧс ёнмӧдӧм могысь, эз жугӧдӧм могысь.

2 Коринфӧ 13:2

Водзынсӧ волігӧн ме ӧлӧдлі нин мыжсӧ вӧчысьясӧс. Ӧні, кор тіянысь ылын, нӧшта на гижа налы, тшӧтш мукӧдыслы: выльысь локтігӧн ог жалит тіянӧс!

2 Коринфӧ 7:11

Видзӧдлӧй, мый вайис тіянлы Ен кӧсйӧм серти шогсьӧмныд: кутшӧма ті зілянныд петкӧдлыны ассьыныд мыжтӧмлуннытӧ, дӧзманныд лёк вӧчысь вылӧ да лёк вӧчӧмсӧ мустӧмтанныд. Кутшӧма ті гажтӧмтчанныд миянысь, ловнаныд ыпъяланныд да кӧсъянныд мыжаӧс веськыда мыждыны. Ті быд боксянь петкӧдлінныд ассьыныд сӧстӧмлуннытӧ.

Индӧд 13:11

Став Израиль войтыр мед кылас та йылысь да кутас повны, сэсся некод тіян пӧвстысь оз кут вӧчны татшӧм лёкторсӧ.

Индӧд 21:21

Карса олысьяс мед изъяласны сійӧс кувтӧдзыс. Бырӧдӧй лёксӧ ас пӧвстсьыныд. Став Израиль войтыр мед кылас та йылысь да кутас повны.

Нав Исус 22:20

Ӧд кор Зерахлӧн Акан пиыс торкис Господьлы сиӧмтор йылысь тшӧктӧм, сэки став Израиль войтыр вылӧ лэччис Господьлӧн скӧрлуныс. Аслас мыж вӧсна эз ӧтнас Акан кув».

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Восьтӧм 11:5

Кӧсъяс кӧ кодкӧ налы лёк вӧчны, на вомысь петас би да ньылыштас найӧс мустӧмтысьясӧс. Тадзи налы лёк вӧчысьясӧс лоӧ бырӧдӧма.