Ап. уджъяс 5:29 - Коми Библия 2023

²⁹ Петыр да мукӧд апостолъяс вочавидзисны: «Мортыслы ёнджыка колӧ кывзыны Енмӧс, а оз мортӧс.

Ап. уджъяс 5:29 Iomraidhean Croise

Олӧм 3:17

Адамлы Ен шуис: «Тэ вӧсна лоӧ ёрӧма мусӧ, ӧд тэ кывзысин гӧтырыдлысь да сёйин сійӧ пуысь, код йылысь Ме шулі тэныд: ”Эн сёй сэтысь”. Та вӧсна мырсьӧмӧн пондан перйыны кынӧмпӧттӧ нэм чӧжыд.

Ӧксыяслӧн 2 небӧг 24:4

Но Йоавлы да тышкайӧзлӧн мукӧд юралысьяслы колӧ вӧлі вӧчны ӧксылӧн тшӧктӧм серти. Найӧ мунісны, медым артавны-гижавны Израиль войтырӧс.

Ӧксыяслӧн 4 небӧг 16:16

Урий поп вӧчис ставсӧ сідзи, кыдзи тшӧктіс сылы Ахаз ӧксы.

Петӧм 1:17

Гӧгиньяс полісны Енмысь, та вӧсна эз кутны кывзыны египетса ӧксыӧс, пи кагаясӧс найӧ ловйӧн кольлісны.

Еремей 26:12

Еремей шуис юралысьяслы да став войтырыслы: «Господь мӧдӧдіс менӧ пророкавны тайӧ крамыс да тайӧ карыс йылысь ставсӧ, мый ті кывлінныд.

Даниил 6:13

Сэки найӧ шуисны ӧксылы: «Иуда муысь пленӧ вайӧдӧм Даниил нинӧмӧ пуктӧ тэнӧ, ӧксыӧй. Сійӧ нинӧмӧ пуктӧ тэнсьыд кырымалӧм тшӧктӧмтӧ, куимысь луннас кевмысьӧ аслас Енлы».

Ап. уджъяс 4:19

Петыр да Иоан воча шуисны налы: «Мӧвпыштлӧй асьныд, бур-ӧ тайӧ Ен водзын, ми кӧ Енмӧс дорысь ёнджыка кутам кывзыны тіянӧс.

Ӧксыяслӧн 1 небӧг 15:24

Саул вочавидзис Самуиллы: «Ме мыж вӧчи – торки Господьлысь тшӧктӧмсӧ да эг вӧч тэнад шуӧм серти. Ме йӧзсьыс полі, та вӧсна кывзі найӧс.