Ап. уджъяс 4:1 - Коми Библия 2023

¹ Кор Петыр да Иоан сёрнитісны йӧзыскӧд, на дінӧ матыстчисны попъяс, крам видзысьяслӧн веськӧдлысьыс да саддукейяс.

Ап. уджъяс 4:1 Iomraidhean Croise

Матвей 16:12

Сэки найӧ гӧгӧрвоисны, мый Исус тшӧктіс видзчысьны налы фарисейяслӧн да саддукейяслӧн велӧдӧмысь, эз няньшомысь.

Матвей 22:16

Найӧ мӧдӧдісны Сы дінӧ Ирӧдлысь йӧзсӧ да ассьыныс велӧдчысьяссӧ. Локтӧмаяс шуисны: «Велӧдысь, ми тӧдам, мый Тэ веськыда сёрнитан да веськыда велӧдан Енлӧн туйӧ. Тэ он пов йӧзлӧн шуасьӧмысь, он видзӧд морт вылӧ.

Матвей 27:20

Аркирейяс да юрнуӧдысьяс ыззьӧдісны йӧзсӧ, мед корасны лэдзны Варавваӧс, а Исусӧс вины.

Матвей 27:41

Сійӧс лёкӧдісны тшӧтш аркирейяс, Индӧдӧ велӧдысьяс, юрнуӧдысьяс да фарисейяс:

Матвей 3:7

Уна фарисей да саддукей локтісны Иоан дінӧ пыртчыны. Иоан аддзис найӧс да шуис: «Вижля йылӧм! Коді туйдӧдіс тіянӧс пышйыны локтана скӧрлунысь?

Лука 20:1

Ӧтчыд Исус велӧдіс йӧзсӧ крамын, висьталіс налы Бур Юӧр. Сы дінӧ матыстчисны аркирейяс, Индӧдӧ велӧдысьяс да юрнуӧдысьяс.

Лука 22:4

Иуда муніс аркирейяс да крам видзысьяслӧн веськӧдлысьяс дінӧ да сёрнитчис накӧд Исусӧс вузалӧм йылысь.

Иоан 15:20

Кутӧй тӧд выланыд Менсьым кывъясӧс: кесйӧг абу ыджыдджык аслас ыджыдысь. Менӧ кӧ вӧтлісны, вӧтласны тшӧтш тіянӧс. Менсьым кывъясӧс кӧ кывзісны, кывзасны тшӧтш тіянлысь.

Иоан 18:3

Иуда вайӧдіс сэтчӧ шыпуртаясӧс да крам видзысьясӧс, кодъясӧс мӧдӧдісны аркирейяс да фарисейяс. Найӧ локтісны пӧнаръясӧн, биясӧн да шыпуртъясӧн.

Ап. уджъяс 4:6

Сэні вӧліны тшӧтш Аннас аркирей, Каиаф, Иоан, Ӧльӧксандр да аркирей рӧдвужысь мукӧдъяс.

Ап. уджъяс 5:17

Аркирейлӧн да сы дор сулалысь саддукейяслӧн чужис ыджыд лӧглун апостолъяс дінӧ.

Ап. уджъяс 5:24

Тайӧс кылӧмысь крам видзысьяслӧн веськӧдлысь да аркирейяс шай-паймунісны, кыдзи пӧ тайӧ вермис лоны.

Ап. уджъяс 5:26

Крам видзысьяслӧн веськӧдлысь муніс аслас йӧзкӧд да вайӧдіс апостолъясӧс. Но найӧ апостолъяслы лёксӧ эз вӧчны, ӧд полісны, мый йӧзыс вермасны найӧс асьнысӧ изъявны.

Ап. уджъяс 6:12

Тадзи найӧ кыпӧдісны йӧзсӧ, юрнуӧдысьясӧс да Индӧдӧ велӧдысьясӧс Степанлы паныд. Сэсся босьтісны сійӧс да вайӧдісны веськӧдлан котыр водзӧ.

Ап. уджъяс 6:7

Енлӧн кывйыс паськаліс да велӧдчысьяслӧн лыдыс Ерусалимын ёна содіс, весиг попъяс пӧвстысь унаӧн кутісны эскыны.