Ап. уджъяс 3:25 - Коми Библия 2023

²⁵ Ті – пророкъяслӧн ныв-пи, тіянлы вуджӧ йитӧдыс, мый Ен кӧрталіс тіян батьяскӧд, кор шуис Ӧвраамлы: ”Тэсянь чужысь пыр вуджас бурсиӧмыс мувывса быд войтырлы”.

Ап. уджъяс 3:25 Iomraidhean Croise

Олӧм 12:3

Тэнӧ бурсиысьӧс Ме бурсиа, тэнӧ ёрысьӧс Ме ёра. Тэ пыр вуджас бурсиӧмыс быд войтырлы».

Олӧм 17:19

Ен шуис: «Тэнад Сарра гӧтырыд чужтас тэныд пи, пуктан сылы Исаак ним. Ме кӧртала сыкӧд да сысянь чужысьяскӧд нэмъяс кежлӧ йитӧд [и Ме лоа сылӧн да сысянь чужысьяслӧн Енмӧн].

Олӧм 18:18

Ӧвраамсянь збыльысь чужас ыджыд да ён войтыр. Сы пыр вуджас бурсиӧмыс быд войтырлы.

Олӧм 20:7

Ӧні гӧтырсӧ бӧр сет верӧсыслы, ӧд сійӧ пророк. Сійӧ кевмысяс тэ вӧсна, и тэ ловйӧн колян. А он кӧ сет, тэ гортсаыдкӧд кулан».

Олӧм 22:18

Сыысь, мый тэ кывзысин Менсьым, тэсянь чужысьяс пыр вуджас бурсиӧмыс быд войтырлы».

Олӧм 26:4

Тэсянь чужысьяс лоӧны енэжвыв кодзувъяс мында. Ме содта налысь лыдсӧ да сета налы став тайӧ мусӧ. На пыр бурсиӧмыс вуджас мувывса быд войтырлы,

Олӧм 28:14

Тэсянь чужысьыс лоӧ лыа чир мында. Тэ паськӧдчан рытыввылӧ и асыввылӧ, войвылӧ и лунвылӧ. Тэ да тэсянь чужысьяс пыр бурсиӧмыс вуджас быд войтырлы.

1 Каднебӧг 16:16

Энӧ вунӧдӧй Сылысь Ӧвраамкӧд кӧрталӧм йитӧдсӧ, Исааклы сетӧм кывсӧ.

1 Каднебӧг 16:17

Яковлы Сійӧ вынсьӧдіс Ассьыс кывсӧ, Израилькӧд йитӧдсӧ кӧрталіс пыр кежлӧ.

Неемий 9:8

Тэ аддзин, мый сылӧн сьӧлӧмыс эскана Тэ водзын. Тэ кӧрталін сыкӧд йитӧд, мед сетны [сылы да] сысянь чужысьяслы ханаан, хеттей, аморей, перезей, евус да гергесей войтырлысь муяссӧ. Ассьыд кывтӧ Тэ кутін, ӧд Тэ – веськыд.

Псалтыр 96:7

Мед яналасны бӧлбанъяслы юрбитысьяс, идолъясӧн ошйысьысьяс. Копыртчӧй Господь водзӧ, став енъяс.

Лука 1:72

лоны бур сьӧлӧмаӧн миян батьяс дінӧ да кутны тӧд вылас Ассьыс вежа йитӧдсӧ,

Ап. уджъяс 13:26

Вокъясӧй, Ӧвраам пиян, тшӧтш Енмысь полысьяс! Тіянлы мӧдӧдӧма тайӧ мездана кывсӧ.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

Римӧ 15:8

Ме тадзи гӧгӧрвоа: Исус Кристос локтіс кесъявны иудейяслы, медым збыльмӧдны батьяслы кӧсйысьӧмсӧ да петкӧдлыны, мый Енмыс кутӧ Ассьыс кывсӧ.

Римӧ 4:13

Ен кӧсйысис сетны Ӧвраамлы да сысянь чужысьяслы муюгыдсӧ. Кӧсйысис сылы эз Индӧд серти олӧм вӧснаыс, но эскӧм вӧснаыс сійӧ лои веськыдӧн да.

Галатӧ 3:16

Кӧсйысьӧмсӧ вӧлі сетӧма Ӧвраамлы да сысянь чужысьлы. Абу шуӧма ”чужысьяслы”, шуӧма ”тэсянь чужысьлы”. Тайӧс шуӧма Кристос йылысь.

Галатӧ 3:29

Ті кӧ Кристослӧн, сідзкӧ, ті – Ӧвраамсянь чужысьяс да кӧсйысьӧмасӧ босьтысьяс.

Галатӧ 3:8

Гижӧдас водзвыв висьталӧма, мый эскӧм вӧсна Ен шуас веськыдӧн мукӧд войтыръясысь эскысьясӧс. Медводз Ӧвраамлы вӧлі юӧртӧма: «Тэ пыр вуджас бурсиӧмыс быд войтырлы».

Восьтӧм 14:6

Сэсся ме аддзи нӧшта ӧти анделӧс, коді лэбис енэж шӧрӧдыс. Сылӧн вӧлі помасьлытӧм Евангелльӧ, медым висьтавлыны сійӧс мувывса олысьяслы: быд чужанвужлы да чужанкотырлы, быд кыла йӧзлы да быд войтырлы.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.

Восьтӧм 7:9

Сэсся ме видзӧдлі да аддзи, мый юралан пуклӧс водзын да Баля водзын сулаліс лыдтӧм-тшӧттӧм йӧз чукӧр. Найӧ вӧліны быд чужанвужйысь да чужанкотырысь, быд кыла йӧз пытшкысь да быд войтырысь. Найӧ вӧліны еджыд паськӧмаӧсь, а кианыс кутісны пальма росъяс