Ап. уджъяс 3:19 - Коми Библия 2023

¹⁹ Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

Ап. уджъяс 3:19 Iomraidhean Croise

Псалтыр 103:12

Ва дорӧ поздысьӧны лэбачьяс, дзользьӧны-сьылӧны пу вожъяс вылын.

Псалтыр 51:9

«Видзӧдлӧй, тайӧ мортыс эз Енсянь корсь дорйӧмсӧ, сійӧ лача кутіс аслас ыджыд озырлун вылӧ, ёнмӧдчис аслас лёк уджъясӧн».

Исай 43:25

Ас ради Ме Ачым чышкышта тэнсьыд лёк вӧчӧмъястӧ, тэнсьыд мыжъястӧ ог нин казьтывлы.

Исай 44:22

Руӧс моз Ме разӧда тэнсьыд лёк вӧчӧмъястӧ, кымӧрӧс моз вешта тэнсьыд мыжъястӧ. Бергӧдчы Ме дінӧ, Ме мезда тэнӧ!

Исай 51:11

Господьлӧн мездмӧмаяс бӧр бергӧдчасны, гораа нимкодясьӧмӧн локтасны Сион керӧс вылӧ, налӧн юр весьтын лоӧ помасьлытӧм нимкодясьӧм. Найӧ пондасны нимкодясьны да гажӧдчыны, а шогсьӧмыс да ышлолалӧмыс ылыстчас на дінысь.

Исай 6:10

Чорзьӧд тайӧ войтырыслысь сьӧлӧмнысӧ, найӧ мед лоӧны сьӧкыд пеляӧсь, куньса синмаӧсь. Синнаныс мед оз аддзыны, пельнаныс мед оз кывны, сьӧлӧмнаныс мед оз гӧгӧрвоны, Мелань мед оз бергӧдчыны, медым Ме бурдӧді найӧс».

Исай 61:3

Сионын шогсьысьяслы пӧим пыдди сетны мича юрвевттьӧд, бӧрдӧм пыдди – нимкодясьӧм, шогсьӧм пыдди – ошкӧм. Сэки найӧс шуасны зумыда сулалысь веськыда олысьясӧн, пуясӧн, кодъясӧс Господь вужйӧдіс, медым найӧ ошкисны Сійӧс.

Исай 61:9

Насянь чужысьясӧс нимӧдасны войтыръяс пӧвстын, найӧс аддзысьяс гӧгӧрвоасны, мый тайӧ войтырсӧ бурсиӧма Господь.

Еремей 36:3

Гашкӧ, Иуда чужанкотыр кылас, кутшӧм шог Ме шуи мӧдӧдны налы, да бергӧдчас аслас лёк туй вылысь. Сэки Ме прӧстита налысь лёк вӧчӧмнысӧ да мыжнысӧ».

Еремей 50:20

Сійӧ лунъясас, сійӧ кадас, – висьталӧ Господь, – кутасны корсьны Израиль войтырлысь лёк вӧчӧмъяссӧ, но весьшӧрӧ, кутасны корсьны Иуда войтырлысь мыжъяссӧ, но оз аддзыны, ӧд Ме прӧстита найӧс, кодъясӧс ловйӧн коля.

Бӧрданкыв 3:40

Тӧдмаламӧй ассьыным туйнымӧс, медым бергӧдчыны Господь дінӧ.

Бӧрданкыв 5:21

Господьӧй, бергӧд миянӧс Асланьыд, и ми бергӧдчам. Бара сет миянлы важ кодь лунъяс.

Езекиль 33:11

Шу налы, мый Ме ог кӧсйы, медым мыжа морт куліс, – висьталӧ Господь Ыджыдыс. – Но кӧсъя, медым сійӧ бергӧдчис аслас лёк туй вылысь да видзис ассьыс олӧмсӧ. Тайӧс Ме Ачым кыв сетӧмӧн шуа. Бергӧдчӧй асланыд лёк туй вылысь! Мыйла тіянлы кувнысӧ, Израиль войтыр?

Даниил 9:13

Миянӧс суисны сійӧ сьӧкыдлунъясыс, мый йылысь висьталӧма Мӧисейлӧн Индӧдын, но ми эгӧ шыасьӧй Тэ дінӧ, Господьӧй, миян Енмӧй, эгӧ дугдӧй вӧчны мыжсӧ, эгӧ кутчысьӧй Тэнад збыляд.

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Йоиль 2:13

Энӧ паськӧмнытӧ косялӧй, а сьӧлӧмнытӧ. Бергӧдчӧй Господьлань, асланыд Енлань, ӧд Сійӧ бур да мелі сьӧлӧма, Сылӧн терпитӧмыс ыджыд, Сылӧн буралӧмлы абу помыс, Сійӧ дась бӧр босьтны Ассьыс мыждана шуӧмсӧ.

Матвей 13:15

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Матвей 18:3

да шуис: «Веськыда висьтала тіянлы: онӧ кӧ вежсьӧй да лоӧй челядь кодьӧсь, Енэжвыв Юраланінӧ онӧ пырӧй.

Лука 1:16

Израиль войтырысь сійӧ унаӧс бергӧдас налӧн Господь Енлань.

Лука 22:57

Петыр соссис: «Ог тӧд Сійӧс, дона аньӧй».

Ап. уджъяс 1:6

Чукӧртчӧмаяс юалісны Исуслысь: «Господьӧй, он-ӧ тайӧ кадӧ Тэ бӧр сувтӧд Израильлы юралӧмсӧ?»

Ап. уджъяс 11:18

Тайӧс кылӧм бӧрын найӧ лӧнисны да ошкисны Енмӧс шуалӧмӧн: «Тыдалӧ, Енмыс ентӧдтӧмъяслы тшӧтш сетӧма позянлун бергӧдчыны мыжъяссьыс, мед и налӧн вӧлі олӧм».

Ап. уджъяс 11:21

Господь вӧлі накӧд, та вӧсна унаӧн эскисны да бергӧдчисны Господь дінӧ.

Ап. уджъяс 15:3

Вичкосянь мӧдӧдӧмаяс, Финикияті да Самарияті мунігӧн, висьтавлісны Ен дінӧ ентӧдтӧмъяслӧн бергӧдчӧм йылысь. Тайӧ юӧрсӧ кылӧмысь сэтчӧс вокъяс ставныс ёна нимкодясисны.

Ап. уджъяс 17:26

Ӧти вирсянь Сійӧ вӧчис войтыръясӧс да овмӧдіс найӧс му пасьтала, торйӧдіс налы муяс да индіс налысь олан кадъяс,

Ап. уджъяс 2:38

Петыр шуис налы: «Бергӧдчӧй мыжъяссьыныд да пыртчӧй Исус Кристос нимӧн, медым Ен прӧститас мыжъяснытӧ. Сэки Ен сетас тіянлы Вежа Лолӧс.

Ап. уджъяс 28:27

Чорзьӧма тайӧ войтырыслӧн сьӧлӧмныс, найӧ сьӧкыд пеляӧсь, куньса синмаӧсь. Аддзынысӧ оз зільны, кывзынысӧ оз кӧсйыны, сьӧлӧмнаныс оз гӧгӧрвоны. Мелань бергӧдчынысӧ оз кӧсйыны, медым Ме бурдӧді найӧс.

Ап. уджъяс 3:20

Сэки Господь сетас тіянлы ловнытӧ выльмӧдан кад да мӧдӧдас тіянлы водзвыв бӧрйӧм Исус Кристосӧс.

Ап. уджъяс 3:21

Енмыс босьтіс Сійӧс енэжас, и Сійӧ лоӧ сэні, кытчӧдз ставсӧ оз ло лӧсьӧдӧма воддза мозыс. Та йылысь важысянь Енмыс висьтавліс Аслас вежа пророкъяс пыр.

Римӧ 11:25

Вокъяс, мед ті энӧ мӧвпалӧй ас мывкыдсяньныд, висьтала тіянлы тайӧ гусяторсӧ – Израиль войтырӧс суис чорзьӧдчӧм, но эз ставнысӧ. Чорзьӧдчӧмыс кыссяс сэтчӧдз, кытчӧдз мукӧд войтыръясысь оз мездмы индӧм лыдыс.

2 Фессалоникаӧ 1:10

Тайӧ лоӧ сійӧ лунӧ, кор Господь локтас. Сэки Сылӧн став вежа войтырыс кутас ошкыны Господьӧс да став эскысьыс кутас шензьыны Сы вылӧ. Ті тшӧтш лоанныд на лыдын, ӧд ті эскинныд миян висьталӧмӧ.

2 Фессалоникаӧ 1:7

А тіянлы да миянлы, сьӧкыдсӧ нуысьяслы, Енмыс сетас шойччӧг, кор Господь Исус Аслас вына анделъяскӧд лэччас енэжсянь

2 Тимофейлы 2:25

Сійӧ рам сьӧлӧмӧн туйдӧдӧ паныд сувтысьясӧс, гашкӧ, Енмыс сетас налы позянлун бергӧдчыны мыжъяссьыныс да тӧдмавны збыльсӧ.

Еврейяслы 4:1

Енлӧн кӧсйысьӧмыс, мый ми вермам пырны Сылӧн шойччанінӧ, ӧнӧдз на вына. Сідзкӧ, кутам тӧждысьны, мед тіян пиысь некод эз сёрмы пырны Енлӧн шойччанінӧ.

1 Петыр 2:25

Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.

2 Петыр 3:8

Мусаясӧй, кутӧй тӧд выланыд, мый Господьлӧн ӧти луныс сюрс во кодь, сюрс воыс – ӧти лун кодь.

Восьтӧм 21:4

Сійӧ чышкас налысь став синвасӧ. Кулӧмыс оз нин ло, оз ло шогсьӧм, бӧрдӧм ни висьӧм, ӧд важыс кольӧма.