Ап. уджъяс 28:3 - Коми Библия 2023

³ Павел чукӧртіс росъяс да пуктіс бипур вылӧ. Сэки жара сотчысь биысь чепӧсйис змей да шашаритчис Павеллы киас.

Ап. уджъяс 28:3 Iomraidhean Croise

Иов 20:16

Сійӧ чурскӧ змей яд, змейлӧн чушкысь кывйыс виас сійӧс.

Исай 30:6

Негев овтӧминса пемӧсъяс йылысь водзвыв висьталӧм. Шогнас да сьӧкыднас тырӧм му вывті, кӧні олӧны левъяс, гадюкаяс да лэбалысь змейяс, иудаса юралысьяс нуӧны осёлъяс вылын ассьыныс озырлунсӧ, верблюдъяс вылын – ассьыныс эмбурсӧ сійӧ войтырлы, коді оз вермы налы отсавны.

Исай 41:24

Но ті – нинӧм, ті нинӧм онӧ вермӧй вӧчнысӧ. Зывӧк сійӧ мортыс, коді бӧрйӧ тіянӧс.

Исай 59:5

Найӧ пӧжӧны змей колькъяс, кыӧны черань везъяс. Налысь колькъяссӧ кӧ сёян, кулан, а тувччан кӧ колькйыс вылӧ, сэтысь гадюка петас.

Амос 5:19

Сійӧ лунӧ ті лоанныд морт кодь, коді пышйӧ левысь, но паныдасьӧ ошкӧд, котӧртӧ гортӧдзыс да кутчысьӧ кинас стенмӧ, но сійӧс змей чушкӧ.

Матвей 12:34

Вижля йылӧм! Верманныд-ӧ бурсӧ висьтавны, асьныд кӧ лёкӧсь? Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ.

Матвей 23:33

Змейяс! Вижля йылӧм! Ті ӧмӧй мынанныд мыждӧмысь да адӧ веськалӧмысь?

Матвей 3:7

Уна фарисей да саддукей локтісны Иоан дінӧ пыртчыны. Иоан аддзис найӧс да шуис: «Вижля йылӧм! Коді туйдӧдіс тіянӧс пышйыны локтана скӧрлунысь?

Марк 16:18

Босьтасны кӧ кианыс змейӧс да юасны кӧ мыйкӧ кулантор, таысь налы лёкыс оз ло. Найӧ пуктасны кинысӧ висьысьяс вылӧ, и найӧ бурдасны».

Ап. уджъяс 28:2

Сэтчӧс олысьяс бура сибӧдісны миянӧс. Найӧ пестісны бипур да корисны миянӧс шонтысьны зэрысь-кӧдзыдысь.

Ап. уджъяс 28:4

Сэтчӧс олысьяс кор аддзисны Павел ки вылын ӧшалысь змейӧс, ӧта-мӧдныслы шуалісны: «Тыдалӧ, сійӧ морт виысь, вӧйӧмысь кӧ мездмӧм бӧрын Водзӧсперйысьыс кӧсйӧ босьтны сылысь олӧмсӧ».

2 Коринфӧ 11:23

Кристослӧн кесъялысьяс? Гашкӧ, менӧ лыддянныд дзик йӧйӧн, но висьтала тіянлы: ме кесъялі Кристослы наысь ёнджыка на. Уджалі ныр вылӧ усьтӧдз, менӧ ёна нӧйтлісны, на дорысь унджыкысь вӧлі дзескыдінын, унаысь куланвыйын.

2 Коринфӧ 6:9

Ми огӧ нималӧй, но миянӧс ставныс тӧдӧны. Миянӧс лыддьӧны кулӧмаясӧн, но ми ловъяӧсь. Миянӧс нӧйтӧны, но огӧ кулӧй.