Ап. уджъяс 27:6 - Коми Библия 2023

⁶ Сэні сё тышкамортӧн веськӧдлысь аддзис Александрияысь Италияӧ кывтысь корабль да пуксьӧдіс миянӧс сы вылӧ.

Ап. уджъяс 27:6 Iomraidhean Croise

Ап. уджъяс 18:2

Сэні паныдасис Акил нима иудейкӧд, коді чужлӧма Понтын, да сылӧн Прискилла гӧтырыскӧд. Найӧ регыд на вӧлі локтӧмаӧсь Италияысь, сы вӧсна мый Клавдий кесар тшӧктӧма став иудейыслы эновтны Рим. Павел муніс на ордӧ

Ап. уджъяс 18:24

Ефесӧ сэки локтіс Аполос нима иудей, ачыс чужлӧма Александрияын. Аполос кужис мичаа сёрнитны да зэв бура тӧдіс Гижӧдъяс.

Ап. уджъяс 27:1

Кор шуӧма вӧлі кывтны Италияӧ, Павелӧс да мукӧд пукалысьӧс сетісны Юлий нима мортлы, коді веськӧдліс кесарлӧн сё тышкамортӧн.

Ап. уджъяс 28:11

Куим тӧлысь мысти Диоскур нима александрияса корабль вылын ми мӧдӧдчим водзӧ. Тайӧ корабльыс тӧвйис ді вылын.

Ап. уджъяс 6:9

Киринеяысь да Александрияысь сідз шусяна вӧвлӧм кесйӧгъяслӧн синагогаысь кодсюрӧ, нӧшта Киликияысь да Асияысь кодсюрӧ панісны вен Степанкӧд.