Ап. уджъяс 27:25 - Коми Библия 2023

²⁵ Энӧ шогсьӧй, войтыр. Ме эска Енмыслы да тӧда, анделлӧн шуӧмыс инас.

Ап. уджъяс 27:25 Iomraidhean Croise

2 Каднебӧг 20:20

Иосафатлӧн тышкайӧзыс чеччисны водз асывнас да мӧдӧдчисны Текоя овтӧминлань. Кор найӧ мӧдӧдчисны, Иосафат сувтіс да шуис: «Кывзӧй менӧ, Иуда войтыр да Ерусалимын олысьяс! Эскӧй Господьлы, асланыд Енлы, да лоӧй зумыдӧсь. Эскӧй Сылӧн пророкъяслы, и тіян лоӧ вермӧм».

Лыд 23:19

Енмыс абу морт, оз ылӧдчы. Сійӧ абу морт, кывсӧ оз вежлав. Мый шуас, сійӧс и вӧчас. Мый кӧсйысяс, сійӧс и збыльмӧдас.

Лука 1:45

Тэ шуда, эскин да, ӧд Господьлӧн тэныд шуӧмыс инас».

Ап. уджъяс 27:11

Но сё тышкамортӧн веськӧдлысь Павеллы дорысь ёнджыка эскис корабльвывса ыджыдыслы да корабль нуӧдысьлы.

Ап. уджъяс 27:36

Ставныс долыдмисны да тшӧтш пондісны сёйны.

2 Тимофейлы 1:12

Дзик та вӧсна ме ӧні сьӧкыдсӧ и нуа да ог яндысь таысь, ӧд ме тӧда, кодлы ме эска. Тӧда, Сійӧ вына видзны меным сетӧмасӧ Аслас локтан лунӧдз.