Ап. уджъяс 26:18 - Коми Библия 2023

¹⁸ мед восьтны налысь синсӧ да бергӧдны найӧс пемыдсьыс югыдӧ, сӧтана кипод улысь Ен дінӧ, медым Меным эскӧмӧн найӧ босьтасны мыжъясысь прӧститӧмсӧ да вежа войтырлы Енсянь вичмӧдӧмасӧ”.

Ап. уджъяс 26:18 Iomraidhean Croise

Псалтыр 146:8

Сійӧ вевттьӧ енэжсӧ кымӧръясӧн, мӧдӧдӧ му вылӧ зэр, керӧсъяс вылын быдтӧ турун [и мортлы сетӧ нянь].

Исай 29:18

Сійӧ лунӧ пельтӧм кылас небӧгысь кывъяссӧ, синтӧмлӧн сап пемыднас тупкӧм синмыс кутас аддзыны.

Исай 32:3

Видзӧдысьлӧн синмыс оз нин куньсьы, кывзысьлӧн пельыс кутас сюся кывзыны.

Исай 35:5

Сэки синтӧмъяс пондасны аддзыны, пельтӧмъяс – кывны.

Исай 42:16

Ме нуӧда синтӧмъясӧс сійӧ туйӧдыс, кыті найӧ эз на ветлыны, нуӧда найӧс тӧдтӧм туйӧд. Пемыдсӧ на водзвылын Ме вӧча югыдӧн, чукля туйяссӧ – веськыдӧн. Тадзи Ме вӧча налы, ог эновт найӧс.

Исай 42:7

медым синтӧмъяслысь восьтны синсӧ, дорӧмаясӧс петкӧдны дзескыдінысь, пемыдын пукалысьясӧс – пемыдінысь.

Исай 43:8

Петкӧд синтӧм войтырӧс, налӧн эм синъяс, но оз аддзыны, петкӧд пельтӧмъясӧс, налӧн эм пельяс, но оз кывны.

Исай 49:6

– Тэ – Менам кесйӧг, тэ выльысь сувтӧдан Яковлысь чужанкотыръяссӧ, бергӧдан Израильлысь коляс войтырсӧ, но тайӧ этша на. Ме вӧча тэнӧ войтыръяслы югыдӧн, медым Меӧн мӧдӧдӧм мездмӧмыс воис му помӧдзыс.

Исай 9:2

Пемыдын олысь войтыр яр биа югыд аддзас, сап пемыдын олысьяслы югыд кыа петас.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Матвей 4:10

Исус шуис сылы: «Вешйы Ме дінысь, сӧтана! Гижӧма: ”Господьлы, аслад Енлы, копрась да сӧмын Сылы кесъяв”».

Матвей 4:16

Пемыдын олысь войтыр яр биа югыд аддзис, кулӧмыслӧн вуджӧр улын олысьяслы югыд кыа петіс.

Лука 1:77

юӧртны Сылӧн войтырлы мездмӧм йылысь да налысь мыжъяссӧ прӧститӧм йылысь.

Лука 1:79

сетас югыдсӧ пемыдын олысьяслы, кулӧмыслӧн вуджӧр улын пукалысьяслы, Сійӧ веськӧдас кокнымӧс лӧньлуна туй вылӧ.

Лука 2:32

ентӧдтӧмъяслы вайӧм югыдтӧ, Тэнад Израиль войтырлы восьтӧм дзирдлунтӧ.

Лука 24:45

Сэки Исус восьтіс налысь вежӧрсӧ гӧгӧрвоны Гижӧдъяс.

Лука 24:47

сэсся Ерусалимын и водзӧ быд войтырлы Сы нимӧн колӧ юӧртны мыжъясысь бергӧдчӧм да мыжъяс прӧститӧм йылысь.

Лука 4:18

– Господьлӧн Лолыс Ме вылын, ӧд Сійӧ мавтыштіс Менӧ висьтавны Бур Юӧр коньӧръяслы. Сійӧ мӧдӧдіс Менӧ бурдӧдны доймӧм сьӧлӧмаясӧс, юӧртны дзескыдінӧ йӧршитӧмаяслы мездлун йылысь, восьтны синтӧмъяслысь синсӧ, мездыны нартитӧмаясӧс,

Иоан 17:17

Вежӧд найӧс збыльыд пыр. Збыльыс – тайӧ Тэнад кывйыд.

Иоан 3:19

Мыждӧмыс сыын, мый му вылас локтіс югыдыс, но йӧзыслы мусаджык вӧлі пемыдыс, ӧд налӧн уджъясыс лёкӧсь.

Иоан 4:10

Исус вочавидзис аньлы: «Тэ кӧ тӧдін Енлысь сетӧмторсӧ да Сійӧс, коді шуӧ тэныд тайӧ кывъяссӧ: ”Юктӧдышт Менӧ ванад”, тэ эськӧ ачыд корин Сылысь васӧ, и Сійӧ сетіс тэныд ловъя ва».

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

Иоан 9:39

Исус шуис: «Ме локті муюгыдас мыждыны, медым синтӧмъяс аддзисны да аддзысьяс синтӧммисны».

Иоан 9:5

Му вылын олігӧн Ме йӧзыслы югыдыс».

Ап. уджъяс 10:43

Сы йылысь став пророкыс висьталӧ, мый быдӧнлысь, коді эскӧ Сылы, лоӧ прӧститӧма мыжъяссӧ Сы нимӧн».

Ап. уджъяс 13:47

Тадзи Ачыс Господь висьтавліс: – Ме вӧча Тэнӧ войтыръяслы югыдӧн, медым мездмӧмыс воис му помӧдзыс».

Ап. уджъяс 15:9

Сылӧн син водзын миян да на костын абу некутшӧм торъялӧм, эскӧм понданыс Сійӧ сӧстӧммӧдіс налысь сьӧлӧмнысӧ.

Ап. уджъяс 2:38

Петыр шуис налы: «Бергӧдчӧй мыжъяссьыныд да пыртчӧй Исус Кристос нимӧн, медым Ен прӧститас мыжъяснытӧ. Сэки Ен сетас тіянлы Вежа Лолӧс.

Ап. уджъяс 20:21

Висьталі иудейяслы и грекъяслы, мед бергӧдчасны мыжъяссьыныс Ен дінӧ да эскасны миян Господь Исус Кристослы.

Ап. уджъяс 20:32

Ӧні, вокъяс, коля тіянӧс Енкӧд да Сылӧн буралан кывйыскӧд. Тайӧ кывйыс вермӧ ёнмӧдны тіянӧс да сетны тіянлы кӧсйысьӧмасӧ, мый вичмас став вежа войтырлы.

Ап. уджъяс 26:19

Та вӧсна, Агриппа ӧксы, ме эг кут паныд сувтны енэжсянь петкӧдчылӧмлы.

Ап. уджъяс 26:23

мый Кристос сьӧкыда кулас и лоас медводдза Ловзьысьӧн, медым восьтны югыдсӧ иудей войтырлы да ентӧдтӧмъяслы».

Ап. уджъяс 3:19

Бергӧдчӧй мыжъяссьыныд Енлань, медым Сійӧ вештас тіянлысь мыжъяснытӧ.

Ап. уджъяс 5:31

Енмыс пуксьӧдіс Сійӧс веськыдладорас, индіс Сійӧс Юралысьӧн да Мездысьӧн, медым Израиль вермис бергӧдчыны мыжъяссьыс да босьтны прӧститӧмсӧ.

Римӧ 8:17

Ми кӧ Енмыслӧн ныв-пи, сідзкӧ, Кристоскӧд босьтам Енсянь вичмӧдӧмасӧ. Сыкӧд ӧтвыв кӧ сьӧкыдсӧ нуам, ӧтвыв Сыкӧд и дзирдлунас лоам.

1 Коринфӧ 1:2

ми чолӧмалам тіянӧс, Енлысь коринфса вичкосӧ. Исус Кристос пыр Енмыс вежӧдіс тіянӧс да корис лоны Аслас вежа войтырӧн. Ми чолӧмалам быдӧнӧс, коді быдлаын миян моз шыасьӧ Исус Кристос Господьным дінӧ.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

2 Коринфӧ 4:4

Найӧ оз эскыны, ӧд тайӧ муюгыдас ыджыдалысь омӧльыс пемдӧдӧма налысь вежӧрсӧ, мед найӧ эз аддзыны Бур Юӧрлысь югыдсӧ, коді восьтӧ Кристослысь дзирдлунсӧ, а Кристос эм Енлӧн пертасыс.

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

2 Коринфӧ 6:14

Энӧ сюйӧй юрнытӧ ӧти сийӧс улӧ эскытӧмъяскӧд. Вермас ӧмӧй йитны мыйкӧ веськыдлунсӧ лёкыскӧд? Эм-ӧ ӧткодьлуныс югыдыслӧн пемыдыскӧд?

Галатӧ 2:20

Ӧні ог нин ме ов, но олӧ ме пытшкын Кристос. Ме кӧ ола тайӧ вир-яяс на, ола Ен Пилы эскӧмӧн. Сійӧ сетіс Асьсӧ ме вӧсна, ӧд ме Сылы муса.

Галатӧ 3:14

Тадзи лои, медым Ӧвраамлы кӧсйысьӧм бурсиӧмыс вуджис быд войтырлы Исус Кристос пыр, да медым кӧсйысьӧм Ловсӧ ми сибӧдім эскӧмӧн.

Галатӧ 3:2

Ӧтитор кӧсъя юавны: Индӧд серти уджъясӧн али кывлӧм Бур Юӧрӧ эскӧмӧн ті сибӧдінныд Вежа Ловсӧ?

Ефесӧ 1:11

Кристос пыр ми лоим Ен войтырӧн, тадзи водзвыв вӧлі мӧвпыштӧма Енмыслӧн, ӧд Сійӧ ставсӧ вӧчӧ Ас кӧсйӧм сертиыс.

Ефесӧ 1:14

Тайӧ Лолыс эскӧдӧ миянӧс, мый миянлы вичмас Енлӧн кӧсйысьӧмыс, и миян вӧсна вештысьӧма. Сідзкӧ, ошкам Енсӧ Сылӧн дзирдлунысь!

Ефесӧ 1:18

Сійӧ мед югдӧдас тіянлысь сьӧлӧмнытӧ, медым ті гӧгӧрвоинныд, кутшӧм лачаӧ Сійӧ корӧма тіянӧс, кутшӧм ыджыд озырлун вичмӧ вежа войтырлы,

Ефесӧ 1:7

Кристос вештысис миян вӧсна Аслас вирнас да прӧститіс мыжъяснымӧс. Сэтшӧм ыджыд Енмыслӧн буралӧмыс!

Ефесӧ 2:8

Ӧд Енмыслӧн буралӧмыс мездіс тіянӧс эскӧм пыр. Мездмӧмыс абу тіянсянь, сійӧ Енсянь козин.

Ефесӧ 4:18

вежӧрныс пемдӧма, найӧ ылынӧсь Ен нога олӧмсьыс, ӧд налӧн чорзьӧма сьӧлӧмныс, да Енсӧ найӧ оз тӧдны.

Ефесӧ 5:11

Энӧ ӧтувтчӧй пемыдас олысьяслӧн ковтӧм уджъясӧ, мӧдарӧ, янӧдӧй найӧс.

Ефесӧ 5:14

Сійӧн и шуӧма: – Садьмы, узьысь, ловзьы кулӧмысь, и тэнӧ югдӧдас Кристос.

Ефесӧ 5:8

Коркӧ ті вӧлінныд пемыдӧн, ӧні ті Господь пытшкынӧсь да лоинныд югыднас. Сідзкӧ, олӧй югыдыслӧн ныв-пи моз.

Ефесӧ 6:12

Ӧд миян тышыс абу мортлы паныд, ми тышкасям енэжувса юралысь-ыджыдалысь пеж ловъяскӧд да тайӧ мувывса пемыд олӧмнас веськӧдлысь ловъяскӧд.

2 Тимофейлы 2:26

Сэки найӧ мынасны омӧльыслӧн налькйысь, ӧд омӧльыс кыйӧма найӧс, медым веськӧдлыны наӧн.

Еврейяслы 10:10

Ен кӧсйӧм серти ми лоим вежаӧсь, ӧд Исус Кристос вайис Ассьыс вир-яйсӧ вись пыдди ӧтчыдысь да пыр кежлӧ.

Еврейяслы 10:14

Висьсӧ ӧтчыдысь вайӧмнас Кристос вӧчис вежа войтырӧс тыр-бурӧн пыр кежлӧ.

Еврейяслы 11:6

Эскытӧгыд Енмыслы он шогмы. Ӧд Ен дінӧ локтысьлы колӧ эскыны, мый Енмыс эм, и мый Сійӧс корсьысьлы Сійӧ сетӧ тырдон.

Еврейяслы 9:15

Сійӧн Кристос лои Енма-морта костын Выль Йитӧд Кӧрталысьӧн. Аслас кулӧмӧн Кристос вештысис воддза йитӧд дырйи вӧчӧм мыжъясысь, медым Енлӧн корӧмаяслы пыр кежлӧ вичмис Енсянь кӧсйысьӧмыс.

Яков 2:5

Кывзӧй, муса вокъяс! Енмыс бӧрйис тайӧ муюгыдсьыс гӧльясӧс, медым озырмӧдны найӧс эскӧмӧн да вичмӧдны налы Юраланінсӧ, мый Енмыс кӧсйысис сетны Сійӧс радейтысьяслы.

1 Петыр 1:4

босьтны сӧстӧм, сісьмытӧм да бырлытӧм озырлун, мый видзӧма тіянлы енэжын.

1 Петыр 2:25

Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

1 Иоан 1:9

А висьтасям кӧ мыж вӧчӧмысь, сэки веськыд да эскана Ен прӧститӧ мыжнымӧс да весалӧ миянӧс быд лёкысь.

1 Иоан 2:12

Челядь, тіянлы гижа, ӧд Кристос ним вӧсна прӧститӧма мыжнытӧ.

1 Иоан 3:8

А мыжсӧ вӧчысь – омӧльсянь, ӧд омӧльыс водзысянь мыжсӧ вӧчӧ. Та вӧсна Ен Пи и локтіс, мед жугӧдны омӧльыслысь уджъяссӧ.

1 Иоан 5:19

Тӧдам, мый ми Енсянь, а став муюгыдыс омӧльыслӧн кипод улын.

Иуда 1:1

Гижӧ Иуда, Исус Кристослӧн кесйӧг, Яковлӧн вок. Чолӧмала тіянӧс, кодъясӧс Ен Бать корис да вежӧдіс. Исус Кристос видзӧ тіянӧс.

Восьтӧм 21:27

Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.