Ап. уджъяс 2:42 - Коми Библия 2023

⁴² Эскысьяс став сьӧлӧмнас кутчысисны апостолъяслӧн велӧдӧмӧ. Найӧ пыр ӧтлаын чукӧртчывлісны, нянь чегисны да кевмысисны.

Ап. уджъяс 2:42 Iomraidhean Croise

Лука 24:30

Сёйиганыс Исус босьтіс нянь, Енмӧс аттьӧалӧмӧн чегъяліс няньсӧ да сетіс налы.

Лука 24:35

Тайӧ кыкыс висьталісны, мый лои туйын, да кыдзи тӧдісны Исусӧс нянь чегигас.

Ап. уджъяс 1:14

Найӧ ставныс аньяскӧд, Исуслӧн вокъяскӧд да Сылӧн Мария мамыскӧд ӧти сьӧлӧмӧн дугдывтӧг кевмысисны.

Ап. уджъяс 11:23

Воӧм бӧрас Варнава аддзис, мый сэні Енлӧн буралӧмыс, да ёна нимкодясис. Сійӧ ышӧдіс быдӧнӧс став сьӧлӧмнас кутчысьны Господь дінӧ.

Ап. уджъяс 14:22

Сэні найӧ ёнмӧдісны сэтчӧс велӧдчысьясӧс да тшӧктісны налы зумыда кутчысьны эскӧмас. Казьтыштісны, мый уна сьӧкыд пыр ковмас мунны, мед пырны Енлӧн Юраланінӧ.

Ап. уджъяс 2:46

Быд лун найӧ ӧти сьӧлӧмӧн чукӧртчывлісны крамӧ, а гортаныс нянь чегисны, сёйисны нимкодьпырысь да восьса сьӧлӧмӧн.

Ап. уджъяс 20:11

Сэсся Павел бӧр кайис вылі судтаас. Нянь чегӧм бӧрын сійӧ сёйыштіс да бура дыр на, югдытӧдзыс, сёрнитіс велӧдчысьяскӧд, сэсся муніс.

Ап. уджъяс 20:7

Вежонса медводдза лунӧ сэтчӧс велӧдчысьяс чукӧртчисны нянь чегны. Павеллы аскинас колӧ вӧлі петны туйӧ, та вӧсна сійӧ дыркодь сёрнитіс накӧд. Сёрниыс нюжаліс войшӧрӧдз.

Ап. уджъяс 4:23

Дзескыдінысь петӧм бӧрын Петыр да Иоан мунісны вокъясныс дінӧ. Сэні найӧ висьталісны аркирейяслӧн да юрнуӧдысьяслӧн ӧлӧдӧм йылысь.

Ап. уджъяс 4:31

Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.

Ап. уджъяс 6:4

Асьным ми водзӧ пондам кевмысьны да висьтавлыны Енлысь кывсӧ».

Римӧ 12:12

Лачанытӧ кутӧй нимкодьпырысь, шогъястӧ нуӧй терпитӧмӧн, дугдывтӧг кевмысьӧй.

1 Коринфӧ 10:21

Ті онӧ вермӧй ӧтпырйӧ юны Господьлӧн чашаысь да пеж ловъяслӧн чашаысь. Ті онӧ вермӧй ӧтпырйӧ сёйны Господькӧд да пеж ловъяскӧд.

1 Коринфӧ 11:2

Вокъяс, ошка тіянӧс, ӧд ті нинӧм абу вунӧдӧмныд менам висьтавлӧмысь. Ті ставсӧ вӧчанныд менам велӧдӧм серти.

1 Коринфӧ 14:6

Вокъяс, ме кӧ локта тіян дінӧ да кута сёрнитны мукӧд кывъяс вылын, но ог вай тіянлы Енсянь восьтӧм да тӧдӧмлун, ог пророкав да ог велӧд тіянӧс – тайӧ нинӧм оз сет тіянлы.

Галатӧ 1:6

Ме шензя: ті сэтшӧм ӧдйӧ кежинныд Сыысь, коді Кристослӧн буралӧмнас корис тіянӧс. Кутшӧм тэрыба ті сибӧданныд мӧдпӧлӧс бур юӧрсӧ.

Ефесӧ 2:20

Тіянӧс сувтӧдӧма сійӧ подув вылас, мый пуктісны апостолъяс да пророкъяс. Тайӧ тэчасас пельӧс изйыс – Ачыс Исус Кристос.

Ефесӧ 6:18

Вӧчӧй тайӧс кевмӧм-корӧмӧн, быд кадӧ кевмысьӧй Лов нуӧдӧм улын. Лоӧй пыр дасьӧсь да кевмысьӧй став вежа войтыр вӧсна.

Филипӧ 1:5

Ӧд ті медводдза лунсяньыс да ӧнӧдз на оланныд Бур Юӧрӧ эскӧмӧн.

Колосӧ 1:23

Сӧмын тіянлы колӧ вӧрзьывтӧг сулавны эскӧмас да зумыда кутчысьны Бур Юӧрӧн сетӧм лачаас. Бур Юӧрсӧ ті кывлінныд, сійӧс юӧртӧма енэж улын став олысьыслы. Ме, Павел, лои тайӧ Бур Юӧрыслы кесъялысьӧн.

Колосӧ 4:2

Садьмӧдчӧй, дугдывтӧг кевмысьӧй. Вӧчӧй тайӧс Енмӧс аттьӧалӧмӧн.

2 Тимофейлы 3:14

Но тэ зумыда кутчысь сэтчӧ, мыйӧ тэнӧ велӧдӧма да мыйӧ тэ эскин. Тэ ӧд тӧдан, коді велӧдіс тэнӧ.

Еврейяслы 10:25

Кодсюрӧ дугӧдчӧмаӧсь ӧтвыв чукӧртчӧмысь, но ми тадзи огӧ вӧчӧй. Мӧдарӧ, миянлы колӧ ёнджыка на ышӧдны ӧта-мӧднымӧс, ӧд Господьлӧн луныс матын нин.

Еврейяслы 10:39

Но ми абу на пӧвстысь, коді Енсьыс кежӧ да кулӧ. Ми на пӧвстысь, коді эскӧ да босьтӧ мездмӧмсӧ.

1 Иоан 1:3

Аддзывлӧм-кывлӧмыс йылысь висьталам тіянлы, мед эськӧ ті вӧлінныд миянкӧд ӧтув. А ми ӧтувъяӧсь Батькӧд да Сылӧн Исус Кристос Пиыскӧд.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.

1 Иоан 2:19

Найӧ петісны миян пӧвстысь, но найӧ эз вӧвны миянкӧд ӧтув. Вӧліны кӧ миянкӧд ӧтув, кольччисны эськӧ миянкӧд. Но налӧн петӧмыс висьталӧ, мый найӧ абу миянкӧд.

Иуда 1:20

Но ті, мусаяс, ёнмӧдӧй асьнытӧ вежа эскӧмнаныд, кевмысьӧй Вежа Лов нуӧдӧм улын.