Ап. уджъяс 2:37 - Коми Библия 2023

³⁷ Петырлӧн кывъясыс вӧрзьӧдісны йӧзыслысь сьӧлӧмсӧ. Найӧ шуисны Петырлы да мукӧд апостолыслы: «Вокъяс, мый миянлы вӧчнысӧ?»

Ап. уджъяс 2:37 Iomraidhean Croise

Псалтыр 73:21

Увтыртӧмаяс бӧрсӧ мед оз бергӧдчыны яналӧмаӧн, корысьяс да коньӧръяс мед ошкасны Тэнсьыд нимтӧ.

Еклесиаст 12:11

Мывкыдалӧн кывъясыс ӧшкӧн веськӧдлан ёсь бедь кодьӧсь, шусьӧгъясыс – сатшкысь кӧрттув кодьӧсь. Найӧс лӧсьӧдӧма ачыс ыж видзысьыс.

Исай 21:12

Кар видзысь вочавидзӧ налы: «Асылыс матыстчӧ нин, но войыс эз на помась. Кӧсъянныд кӧ нӧшта юавны – бара на волӧй да юалӧй».

Езекиль 7:16

Ловйӧн кольысьяс керӧсӧ пышъясны, гулюяс моз кырта потасӧ дзебсясны. Быдӧн пондас ымзыны-бӧрдны аслас мыж вӧснаыс.

Закар 12:10

Ме сета Давид рӧдлы да Ерусалимын олысьяслы буралана да кевмысяна лов. Найӧ видзӧдласны Сы вылӧ, кодӧс бытшкисны. Найӧ пондасны бӧрдны Сы вӧсна, кыдзи бӧрдӧны ӧтка пи вӧсна, пондасны шогсьыны, кыдзи шогсьӧны медводдза пи вӧсна.

Лука 3:10

Йӧзыс юасисны Иоанлысь: «Мый миянлы колӧ вӧчнысӧ?»

Лука 3:12

Пыртчыны воисны тшӧтш вот перйысьяс, найӧ юалісны: «Велӧдысь, мый миянлы колӧ вӧчнысӧ?»

Лука 3:14

Шыпуртаяс тшӧтш юалісны сылысь: «А миянлы мый колӧ вӧчнысӧ?» Иоан шуис налы: «Мырдысьӧн да повзьӧдлӧмӧн энӧ босьтӧй йӧзлысь сьӧм, тырмӧдчӧй асланыд удждонӧн».

Иоан 8:9

Исуслысь кывъяссӧ кылӧм бӧрын йӧзыс кутісны разӧдчыны сьӧрсьӧн-бӧрсьӧн, ӧд налӧн сьӧлӧмыс мыждіс найӧс асьнысӧ. Медводз мунісны пӧрысьджыкъяс, сэсся мукӧдыс. Колины сӧмын Исус да Сы водзын сулалысь ань.

Ап. уджъяс 1:16

«Вокъясӧй, Гижӧдыслы колӧ вӧлі инны. Ӧд Давид пыр на Вежа Лов висьтавліс Иуда йылысь, коді вайӧдіс Исус дінӧ Сійӧс босьтысьясӧс.

Ап. уджъяс 22:10

Ме шуи: ”Господьӧй, мый меным вӧчны?” Господь шуис: ”Чеччы да мун Дамаскӧ. Сэні висьталасны, мый тэныд вӧчнысӧ”.

Ап. уджъяс 5:33

Тайӧс кылӧм бӧрын став веськӧдлан котырыс пузис скӧрысла, найӧ дасьӧсь вӧліны вины апостолъясӧс.

Ап. уджъяс 7:54

Тайӧс кывзігӧн веськӧдлан котырӧ чукӧртчӧмаяс пузисны скӧрысла, пондісны пиньнысӧ йирны.

Римӧ 7:9

Водзынсӧ ме олі Индӧдсӧ тӧдтӧг, но тшӧктӧмсӧ кылі да, мыжыс ловзис,