Ап. уджъяс 2:2 - Коми Библия 2023

² виччысьтӧг енэжсянь кыліс ыджыд тӧвнырлӧн кодь шы. Шыыс тыртіс ставнас керкасӧ, кӧні найӧ пукалісны.

Ап. уджъяс 2:2 Iomraidhean Croise

Ӧксыяслӧн 3 небӧг 19:11

Господь шуис: «Пет да сувт керӧс вылӧ Господь водзӧ. Господь мунас тэ дінті». Кыпӧдчис ыджыд тӧвныр, сійӧ поткӧдліс керӧсъяс да жугліс изкыртаяс. Тӧвнырыс муніс Господь водзвылын, но Господь эз вӧв тӧвнырын. Тӧвныр бӧрти заводитчис му вӧрӧм, но Господь эз вӧв му вӧрӧмын.

Псалтыр 18:10

Господьысь полӧмыс сӧстӧм, олӧ нэмъяс чӧж. Господьлӧн мыждӧмыс збыль да ставнас веськыд.

Сьылан 4:16

– Кыпӧдчы, вой тӧв, пӧльышт, лун тӧв! Пӧльышт менам сад вылӧ, медым паськалас сылӧн чӧскыд дукыс! Мед локтас менам мусукӧй аслас сад йӧрӧ, мед видлас сэтысь чӧскыд вотӧссӧ.

Исай 65:24

Найӧ оз на удитны шыасьны Ме дінӧ, а Ме налы вочавидза нин. Найӧ пондасны на висьтавны, а Ме найӧс кыла нин.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Лука 2:13

Виччысьтӧг анделкӧд орччӧн тыдовтчис лыдтӧм-тшӧттӧм андел чукӧр. Найӧ ошкисны Енмӧс:

Иоан 3:8

Тӧв пӧльтӧ, кӧні кӧсйӧ. Сылысь шысӧ кылан, сӧмын он тӧд, кысянь сійӧ локтӧ да кытчӧ мунӧ. Ловсянь чужыськӧд тшӧтш тадзи овлӧ».

Ап. уджъяс 2:3

Найӧ аддзисны ыпъялысь би кывъяс. Тайӧ би кывъясыс торъялісны да лэччисны быдӧн вылӧ.

Ап. уджъяс 2:6

Тайӧ шыыс вылӧ чукӧртчис уна йӧз. Найӧс шемӧс босьтіс, ӧд быдӧн кыліс ас кыв вылас сёрни.

Ап. уджъяс 4:31

Кевмысьӧм бӧрас чукӧртчанінын муыс вӧрзис. Ставныс тырисны Вежа Лолӧн да повтӧг пондісны висьтавны Енлысь кывсӧ.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.